Топтарға бөлу тәсілдері. Бірлескен топтық жұмыс. Топтарда жұмыс жүргізу әдістемесі.

Тақырыбы

Топтарға бөлу тәсілдері. Бірлескен топтық жұмыс. Топтарда жұмыс жүргізу әдістемесі.

Мақсаты

- Мұғалімдердің іс-орынын айқындау, белсенділікке ынталандыру, топтық жұмыс туралы маңызды ақпарат алу;

-мектеп ұстаздарын курс Бағдарламасымен таныстыру, оқытудың 7 модулі туралы түсінік бере отырып, оқу мен оқытуда жаңа әдіс - тәсілдерді топтық жұмыстар арқылы қолдану;

- бітімге, келісімге қол жеткізуге үйрету;

- топтық жұмыс нәтижесінде әртүрлі ұстанымдармен алмасуға ықпал ету;
- ынтымақтастық оқу жағдайында әріптестерімен қарым - қатынас жасай отырып, өз идеяларын ұсына білуге, әртүрлі ұстанымдармен алмасуға үйрету.

Мұғалімдердің коучинг барысындағы мүмкіндіктері:

-Ортада жайлы әрекеттестікті орнату;

-әңгімелесу үшін мүмкіндіктер жасау;

-өз идеяларын зерделеп,өзара әрекеттестікті орнату;

-мұғалімдердің белсене қатысуына көмектесу.

Оқытудың нәтижесі

Күтілетін нәтиже

Коучинг соңында:

- әр мұғалім топтық жұмыстың маңызын түсініп, топтық жұмыстың оңтайлы жақтарын тәжірибесінде пайдалануға ұмтылады;

- ортада жайлы әрекеттестік орнатады ,әңгімелесу үшін мүмкіндіктер жасайды;

-өз идеяларын зерделеп,өзара әрекеттестікті орнатады;

-мұғалімдер белсене қатысады;

• Білу. Оқыту мен оқуда бірлескен топтық жұмысты ұйымдастыру туралы білімдерін толықтырады.

• Қолдану, түсіну және талдау: өз тәжірибесінде мұғалім топтық жұмысты тиімді пайдалана білуге дағдыланады, оқытудың тиімді әдіс - тәсілдерін тиімді пайдалана алатынын көрсете алады, топта бірлесе отырып жұмыс істей отырып, өзгенің ойын құрметтей білуге үйренеді.

• Бағалау: Өзін - өзі, өзгені бағалауды үйренеді.

Әдіс-тәсілдер

Сұрақ-жауап, миға шабуыл, ынтымақтастық және топтағы бірлескен жұмыс, АКТ, СТО, оқытудағы басқару және көшбасшылық.

Ресурстар

Интерактивті тақта, бейнеслайдтар, интернеттен қосымша материалдар

Қолданылатын құралдар:

Ватман, А4 парағы, АКТ, маркер, түрлі-түсті қағаздар, суреттер, кәмпиттер, карточкалар, үлестірмелі парақтар, көрнекіліктер.

Коучинг барысы

Коуч әрекеттері

Мұғалімнің әрекеті

Уақыты

1

2

3

Жағымды психологиялық ахуал туғызу. «Шаттық шеңбері».

Ой қозғау

«Шалқан» ертегісін оқу

Рөлдер таратылады (шал, кемпір, немере, ит, мысық, тышқан)

1.Қалай ойлайсыздар сіздер мына көріністен қандай іс-әрекетті байқадыңыздар?

2. Топтық жұмыс тәсілді қаншалықты жиі және қалай қолданасыздар?

3.Сіз мысал келтіре аласыз ба?

Қалай ойлайсыздар бүгінгі коучингіміздің тақырыбы қандай?

Осы кезде тақырыпты хабарлаймын. (Топтарға бөлу тәсілдері. Бірлескен топтық жұмыс. Топтарда жұмыс жүргізу әдістемесі).

Топтастырудың 1-амалы

Түрлі-түсті стикер арқылы топқа бөлу.

1-тапсырма.

Топтарға ватман таратылады. Постерді әзірленуге – 7 минут; қорғауға – 5 минут беріледі.

1. Топ. Топта жұмыс істеу ережелері.

2. Топ. Топтық жұмыстың тиімділігі мен маңызы.

1. Топ. Топтық жұмыстың тиімсіздігі.

Бағалау парағын толтыру.

Дөңгеленіп тұрайық

Керегені құрайық

Уықтар боп иіліп

Шаңыраққа киіліп

Киіз үйді құрайық.

Міне, сіздермен біз үлкен киіз үйді құрдық. Осы киіз үй сияқты біздің мектебіміздің қабырғалары мықты болып, шаңырағы биік болсын дегім келеді.

Бір шаңырақ иесі ретінде бір-бірімізбен жақынырақ танысайық. Мына үлгі бойынша:

Менің атым Жұмабике. Салмақты мінезім бар, намысшылмын.  Сіз ше?  

(Танысып болған соң): Олай болса, әріптестер, барлығымыз орнымызға жайғасайық.

Ұстаз: 
Ерте, ерте, ертеде. Бір кемпір мен шал өмір сүріпті. Шал есіктің алдында шалқан егіпті. Күндердің бір күнінде Шалқан күннің ыстық сәулесімен үлкен болып өсіпті. Осы кезде шал шалқанына тамсанып қарайды.
Шал:
Ой, бәрекелді, менің еккен шалқаным үлкен болып өсіпті. Бәріне жететін болды.
Ұстаз:
Осылай ата еңбегіне қуанып шалқанды тартпақшы болады. Әрі тартады, бері тартады, шалқанды жұла алмай қояды. Сөйтіп көмекке кемпірін шақырады.
Шал:
- Ойбай, шаршап кеттім, белім де ауырады. Қой көмекке кемпірді шақырайын.
Кемпірім, кемпірім, көмекке келші, қараша, шалқанымыз үлкен болып өсіпті, Жалғыз өзім тарта алмай қойдым. Кел, екеуміз бірге тартайық!
Кемпір:
-Ой, шынында үлкен болып өсіпті ғой! Кел, тартсақ тартайық!
Ұстаз:
-Осылайша атаның артынан ұстап әрі тартады, бері тартады. Бірақ шалқанды орнынан қозғалта алмайды. Кемпір қызын көмекке шақырады.
Кемпір:
- Қызым, қызым, бізге көмекке келші. Атаң еккен шалқанды жұла алмай жатырмыз.
Қыз: 
- Жарайды, апа, сізге көмектесемін.
Ұстаз:
Сонымен қызы көмекке келіп, шалқанды рет-ретімен тартады. Бірақ күштері жетпейді. Сонымен қыз көмекке итін шақырады.
Қыз:
- Итім, итім көмекке келші.
Ит:
- Аф-аф-аф, көмектес десеңдер көмектесемін.
Ұстаз:
-Ит қыздың етегінен, қыз кемпірдің етегінен, кемпір шалдан, шал шалқаннан ұстап ары тартады, бері тартады, бірақ шалқанды суыра алмайды.
Енді ит көмекке мысықты шақырады.
Ит:
- Мысық, мысық, бізге көмекке келші, атам еккен шалқанды жұла алмай жатырмыз.
Мысық:
- Мяу-мяу, көмектесіп жіберейін.
Ұстаз:
- Мысық иттің құйрығынан, ит қыздың етегінен, қыз кемпірден, кемпір шалдан, шал шалқаннан ұстап әрі жұлқылайды, бері жұлқылайды, бірақ шалқан шықпайды.
Енді мысық көмекке тышқанды шақырады.
Мысық:
- Тышқан, тышқан, маған көмектесіп жіберші.
Тышқан:
- Әрине көмектесіп жіберемін.
Ұстаз: Олар тарта-тарта шалқанды суырып алады.

Түрлі-түсті стикер арқылы топтарға бөлініп отырады.

Талқылау-мұғалімдер өз идеяларын зерделейді, өзара әрекеттестікті жақсартуға, топтық жұмыстың қарқынды өтуіне ықпал етеді, белсенді түрде қатысады, топтық жұмыстың тиімділігі туралы ой бөліседі.

Топтық жұмыс жеке шешуге болатын тапсырмаларды емес, анағұрлым күрделі тапсырма-ларды шешуді көздейді. Кез келген команда барлық мүшелері білетін және түсінетін жалпы ережелерді басшылыққа алу керек. Ол топтың әрбір мүшесінің одан не күтетіндігін жұмыс қалай бөлінетіндігін және қолдау көрсетілетіндігін, сондай-ақ нәтижелерге қалай қол жеткізетіндігін білулері қажет.

Топтар ереже құрастырады.

Топ мүшелері бағалау парағын толтырады.

4

Топтастырудың 2-амалы

Таратылған әр түрлі кәмпит түрлері бойынша топтастыру

Таратылған кәмпит түрлері бойынша топқа бөлінуге болады.

Топтың көлемі мен саны теңдікте орнату тиіс. Мысалы көптеген шағын топтарда немесе жұптарда шектеулі уақытта тиімді жұмыс істей алады. Белгілі топтарда тапсырманы айрықша тиімді орындау үшін, мұғалім топ қатысушылар саны қанша болатынын анықтап алуы қажет. Мұғалімдер топтық жұмыстарды ұйымдастырып және оны қолдап отыруы қажет, сонымен қатар,

мұғалім топтағы жұмыс түрлері жайлы және оның нәтижелері жайлы бағаланып, қортынды жасау керек.

5

Топтастырудың 3-амалы

Әке, ана, бала туралы өлең жолдары арқылы топтасу

Жан әке, шертіп сезім домбырасын,

Кеудемді қуанышқа толтырасың.

Арманның асқарына құлаш ұрсам,

Алдымда асқар тау боп сен тұрасың.

Мәңгі жарық күн сыйлаған маған,
Бір адам бар - ол өзіңсің, анам!
Мейірімге бір өзіңнен қанам,
Жылуды да жүрегіңнен алам.

Айгөлек ау, айгөлек,
Айдың жүзі дөңгелек! 
Айдай толған кезімде, 
Би билеймін дөңгелеп!

6

Топтастырудың 4-амалы

От, Су, Күн, Ай суреттері арқылы топқа бөлу

От. Қай кезде де, қандай жағдайда да от болып жанып, өз білімдерін насихаттай білетін жандар.

Су. Жандары жақсылықты сүйетін, көңілдері судай таза, жаңалықтарға жаны құмар оқушылар.

Күн. Жанындағыларға жылу сыйлап жарқырап жүретін сәуле шашып белсенділікпен жұмыс жасайтын топ.

Ай. Ойшыл да арманшыл, қиындықтарға мойымайтын ержүрек,  батыл жандар.

7

Топтастырудың 5-амалы

Билайн, Актив, Теле2, Кейсел-мен топтау.

Мұғалімдерді өздері пайдаланатын ұялы байланыстың осы атауларына сай топтарға бөлу.

8

Топтастырудың 6-амалы

Геометриялық фигуралар арқылы бөлу

Фигураларды таратып, бірдей түрлері бойынша топ жасақтау.

9

Топтастырудың 7-амалы

Жыл мезгілдері бойынша топқа бөлу

Он екі ай жыл мезгілдері бойынша топтастырылады.

10

Кері байланыс:

1.Қалай ойлайсыздар,сабақ барысында топтық жұмысты қолдану қаншалықты тиімді?

2.Өз сыныбыңызда топтық жұмысты қолданасыз ба?

Мұғалімдер сұраққа жауап бере отырып, сабақ барысындағы тақырыптан алған әсерлерін зерделей отырып, шынайы түрде жауап береді.

11

Бүгінгі сабаққа рефлексия жазуды ұсынамын (кір қыстырғышқа ілуді ұсынамын)

рефлексия жазады.

Екі жұлдыз, бір тілек.