Ел есіндегі аяулы есім

Ел есіндегі аяулы есім

Ел басымыздың жолдауында 2015 жыл ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы деп көрсетілген. Қазақ хандығының 550 жылдығын, Қазақстан халқы Ассамблеясы мен Конституцияның 20 жылдығын, Ұлы Жеңістің 70 жылдығын атап өтеміз. Осынау тарихи белестер Жаңа Қазақстандық Патриотизмді ұрпақ жадына сіңіруде айрықша рөлге ие.

Иә, осы тарихи белестерді ішінде Ұлы Жеңіс күні барша халық үшін қасиетті мереке. Осыдан 70 жыл бұрын Ұлы Отан соғысы Жеңіспен аяқталды. Тарих парақтарында қатталған осы ұмытылмас ұлы ерлікте Отан үшін шайқасқан Зайсандықтардың да үлесі зор. Әрине, Ұлы Отан соғысының отты жылдарының қайғы – қасіретін, өзекті тіліп түсер мұң зарын, бүкіл азабын көрген соғыс ардагерлері санаулы – ақ. Бұл ержүрек жандардың ерлігін өскелең ұрпаққа ұран етіп, үлгң тұтып, пір тұту біздің борышымыз. Сол қаһармандардың бірі соғыс және еңбек ардагері Салахов Халел. 1923 жылы 10 қаңтарда Зайсан ауданының «Ақшарал» елді мекенінде шаруа отбасында дүниеге келген. Әкесі Салихиддин Мамырбайұлы колхозда ағаш шебері, ал анасы Уәш Мырзаханқызы колхоз малын бақты. Жастайынан колхоз өміріне белсене араласып, еңбек жолын қарапайым жұмысшы болып бастайды. Отанымызға қауіп төнген кезде жүрек қалауымен қолға қару алып, өз қатарласымен 1942 жылы 8 наурызда Отанымызды қорғауға аттанады. Ол кезде небәрі 19 жаста еді. Аякөз қаласындағы кіші командирлер дайындайтын курсты оқып, сержант атағын алады. 1942 жылы Солтүстік Батыс майданының бірінші Армиясының 12 – 18 атқыштар полкінде, минамет баталенына взвод коиандири болып соғысқа қатысады. Шешуші шабуылдардың бірі Ленинград маңындағы Великий Луки жерінде шайқасқа кірген олардың батальены 1 – 10 тамыз аралығында жаудың алдыңғы үш қорғанысын бұзып, талқандап, 10 шақырым алдыға жылжиды. Кескілескен ұрыс кезінде, басынан тиген оқ миға жақын жерді, жоғары екі жақ сүйекті тесіп өтіп жаралайды. Ауыр жарақаттанған оған жедел медициналық көмек көрсетіліп, дереу Ленинграттан Томскіге тік ұшақпен жеткізіледі. Сөйтіп тірі қалады. 1943 жылы наурыз айында гопитальда орынның жоқтығынан, бетіне операция жасамай, дәкемен таңып елге қайтады. Елге келген соң әкем емделе жүріп, жеңіл – желпі жұмыстан бастап, зоотехник, ферма меңгерушісі колхоз төрағасының орынбасары қызметіне дейін еңбек сіңірді. Шаруашылықтың барлық салаларында адал еңбек етіп, жоғары көрсеткішке ие болды. Әкем Ұлы Отан соғысындағы ерлігі және еңбектегі қызметі үшін Отан соғысын бірінші дәрежелі орденімен, «1941 – 1945 жылғы еңбектегі ерлігі», «Германияны жеңгені үшін», «Ұлы Отан соғысының 20, 40, 50 жыл», «СССР Қарулы күштеріне 50», «СССР Қарулы күштеріне 70» медальдарымен, Кеңес Одағының маршалы Г.К. Жуков медалімен және Ел басы Н.Ә.Назарбаевтың «Алғыс хатымен» марапатталды. Анамыз екеуі сегіз бала тәрбиелеп жеткізіп, 15 немере, 2 шөбере сүйді. Ұлы Отан соғысындағы табанды ерлігімен кейінгі ауыл шаруашылығы саласындағы ерен еңбегімен ел арасындағы үлкен абыройға ие болған әкемізді мақтан етеміз. Оның рухы әрқашан біздің жадымызда.

Қалелов Дархан Қалелұлы

«Мұқтар Әуезов атындағы» орта мектебінің тарих пәнінің мұғалімі

Шығыс Қазақстан Облысы Зайсан ауданы Зайсан қаласы.