Просмотр содержимого документа
«?аза? тілі п?нінен саба? жоспары. Жаз деген... (7-сынып) »
Сабақ жоспары
Пәні: қазақ тілі
Сынып: 7.
Мерзімі:
Мұғалім: Масалимова Г.А.
Сабақтың тақырыбы: Жаз деген...
Сабақтың мақсаты:
Білімділігі: қазақ тілінде сауатты сөйлеу мақсатында екпін қойып оқуды үйрету, тәуелдік жалғауды пысықтау. Сөйлесім әрекеттері арқылы оқушылардың сөйлеу қабілетін жетілдіру. Ол әрекеттерді жүйелі түрде қолдану. Практикалық жұмыстарға мейлінше көп көңіл бөліп, тілдесім әрекетіне жетелеу.
Дамытушылығы: оқушылардың байланыстырып сөйлеу дағдысын қалыптастыру. Берілген материалдарды өмірдегі жағдайлармен салыстыра, байланыстыра отырып, тілдесім әрекетін жандандыру. Ойлау, есте сақтау қабілеттерін күшейте түсу. Грамматикалық тақырыптарға көп көңіл бөлу.
б) Тәрбиелігі: оқушыларға эстетикалық тәрбие беру, оларды салауатты өмір салтына тәрбиелеу.
-Балалар, қане, шеңберленейік. Күллі әлемге күннің қайырлы болуын тілейік.
-Қайырлы күн!
-Қайырлы күн, көк аспан!
-Қайырлы күн, Жер-Ана!
-Қайырлы күн, қонақтар!
-Қайырлы күн, достарым!
-Біздің күніміз сәтті өтсін! Алақай! (ду қол шапалақ)
-Мен де барлықтарыңызға сәттілік тілей отыра сабағымды бастайын.
II. Үй тапсырмасын тексеру:
-Үйге қандай тапсырма берілді?
-Үй тапсырмасын барлығымыз орындадық па? (үй тапсырмасын жалпылай сұрақтар арқылы және жекелеп тексеріп шығу)
III. Жаңа сабаққа даярлау:
-Бір жылда қанша жыл мезгілі болады?
-Сендерге қай жыл мезгілі ұнайды?
-Жазда қайда, қалай демаласыңдар?
Топпен жұмыс.
-Берілген сурет бойынша шағын әңгіме құрастыру.
IY. Жаңа тақырып:
Мәтінге дейінгі жұмыс:
Сөздікпен жұмыс:
а) берілген сөздердің оқылуымен, аудармасымен, қолданылу аясымен таныстыру
ә) сөздерді хормен, жекелеп оқытып шығу
б) сол сөздерді қатыстыра отырып, сөз тіркестерін, сөйлемдер құрату
хош иіс – аромат
қапырық – духота
аптап – зной
Мәтінмен жұмыс:
-берілген мәтіннің оқылуын үнтаспадан тыңдату
-оқушыларға мәтінді жекелеп, кезекпе-кезек оқытып шығу
-мәтінді аударту
Жаз
Жаз келді. Жаз айлары –маусым, шілде, тамыз. Жазда күн ұзақ, түн қысқа. Маусымның 22-сінде күн мен түн теңеледі. Жаз – көпшілікке ұнайтын мезгіл. Өйткені бұл –демалыстың, каникулдың уақыты. Кей жерлерде, әсіресе, оңтүстік аймақтарда ыстық болғанымен, Қазақстанның жазы жайлы және жеміс-жидектерге жомарт. Шілде – ең ыстық ай. Тамызда кейде жаңбырлы болғанымен, ыстық және ағаштар көгеріп тұрады. Балалар айлы, ашық бұлтсыз кеште далада ойнауды ұнатады.
Мәтіннен кейінгі жұмыс:
Жұппен жұмыс.
-Сұхбатты оқып, өзара жалғастырып сөйлесіңдер.
- ..., сен жазғы демалыста қайда барасың ?
- Мен жазғы демалысты қалада өткіземін.
- Сен жазғы демалысыңды қалай өткізесің ?
- Мен жазғы демалысымда ата-анама көмектесу үшін саяжайға, көңіл сергіту үшін мәдени орындарға, ал тамыз айында Астана қаласының түрлі әсем жерлерін тамашалауға барамын.
- ..., сен өзің жазғы демалысыңды қалай өткізесің ?
- ...
Өздік жұмыс.
3-тапсырма. Мәтіннен тәуелденіп тұрған сөздерді табу.
4-тапсырма. Сөз тіркестерін орыс тіліне аударып, сөйлемдер құраңдар.
Хош иісті ауа, күнге күю, суға шомылу, жасыл жиек, дәмді бүлдірген, ашық аспан, көңілді балалар.
V. Қорытынды:
-Сонымен бүгінгі сабақта қандай тақырыппен таныстық?
