"Кешірімділік к??іл ке?дігі" 8 сынып

Сабақ мақсаты: Кешірімді болу адам өміріндегі маңыздылығы туралы түсініктерін кеңейте отырып, дұрыс әрекет құндылығын ұғындыру.

Міндеттері:

1.Дұрыс әрекет мәнін түсіндіре отырып, кешірімділікпен қарауға үйрету;

2. Мейірімділік, адамгершілік, кешіре білу, өз ісіне есеп беру қасиеттерін дамыту.

3. Ізгілікке, мейірімділікке тәрбиелеу.

Ресурстар:(құралдар, мәлiметтер)

слайд,өлеңнің аудиодискісі.

Сабақ барысы: 1Ұйымдастыру кезеңi.

«5Т» ережесі

1. Талап

2. Тазалық

3. Тәртіп

4. Татулық

5. Тыныштық

Тыныштық сәтi.

«Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Баяу әуен ойнайды.

2.Үй тапсырмасын тексеру

№10 А.Бейсебайдың «Кешірімнің күші» мәтінін оқып, мазмұнын айту. 43 бет

Сұрақтар:

• Мәтіннің ең басты мағынасы неде?

• Кешіре білген адамның бойында қандай қасиеттер бар деп ойлайсыңдар?

• Кешірімді болу дегенді қалай түсінесіңдер?

• Өкпе, реніш, ашу адам өмірін неге әкеп соқтырады?

• Өзгелерді кешіргенде бойымыздан не байқалады?

Оқушылар мәтін бойынша сұрақтарға жауап береді.

3. Дәйек сөз

Сабақтағы берілген тақырыпқа байланысты, оқушылардың өз пікірлерін жүйелі айтып үйрену мақсатында А. Йгүнекидің «Кешіре білген адам - күшті адам» деген қанатты сөзіне талдау ұсынылады.

Кешіру дегенді қалай түсінесің?

Күншіл адамдарға қандай кеңес берер едің?

Өкпелегенде өзіңді қалай сезінесің?

Кемшіліксіз адам болмайды. Білместіктен тәжірибесіздіктен қателесулер болады. Қателесу - кінәлі болу, Кінәсін мойындау әркімнің қолынан келе бермейді. Ал жөн сөзге түсіне жығылып, кінәсін мойындап, қатесін түзете білу ақылдылықтың, қайраткерліктің белгісі.

Жаңа сабақты талдау

4. Әңгiмелеу . Мұғалімнің сыйы

Ашу дұшпан

Бір үлкен елдің президентінің Бек атты адал және сенімді қызметшісі болыпты.

Ол өзінің міндеттірін жақсы атқарыпты.

Бір күні Бек өзінің қожайынының үстелін ретке келтіріп жатқанда, бір бума қағаздың ішінен автоқалам құлап түседі. Бек оны көтерген кезде, қаламның ұшы сынып қалғанын көреді.

Осы кезде бөлмеге қлжайын кіріп, не болғанын көреді. Қалам оған досының сыйлығы ретінде өте қымбат болатын, сондықтан президент қатты ашуланып, қызметшіге енді оның жұмыстан босағандығын айтады. Бірақ қожайынын қатты жақсы көретіндіктен, одан кеткісі келмейді. Ол қожайынының аяғына жығылып, оны кешіруін өтінді. Бірақ қожайын айтқанынан қайтпайды, ашулы кейіппен ол қызметшінің бөлмеден кетуін талап етеді.

Түнде президент осы оқиғаны есіне түсіреді де, ойланып қалады: «Бектің қателігі неде еді? Қаламның ұшы мен оны ашық, қағаздардың арасына тастап кеткендіктен сынды. Шындығында, Бек кінәлі емес, ол әрқашан шыншыл әрі маған берілген адам еді. Мен онымен өте дөрекі сөйлестім».

Осындай өкінішті ойлар мен опық жеу оны қатты мазасыздандырғандықтан, ол ұйықтай алмады. Таң атқан соң, президент бірден Бекті алып келуге жібереді. Ол келген кезде, қожайын оған:

-Бек, сен мені кешір. Мен кеше дұрыс істемедім, сенімен дөрекі сөйлестім. Бұрынғыдай жұмысыңды жалғастыра бер,-дейді.

Бұл сөздер қызметшіге қатты әсер етеді. Ол өзінің қожайынын одан қатты бағалап, жақсы көреді.

Кейінірек ақылды президент осы мысалды басқаларға ылғи айтып отыратын болды, оларды біреуге ашу білдіріп, жазаламай тұрып, ойланып алуға шақыратын. «Ашу қабаған ит сияқты,» дейтін ол. – Оны іште қамап ұстау керек, әйтпесе ол ешбір кінәсі жоқ адамды қауып алуы мүмкін. Сонымен қатар біз кез-келген адам қателесетінін, бірақ оны кешіру құдайшылық екенін ұмытпауымыз керек».

Сұрақтар:

• Президент неге қатты ашуға булықты?

• Бектің әрекеті қандай?

• Президентті не мазасыздандырды?

• Неліктен президент кешірім сұрады?

•Президент және Бек қандай адамдар?

•Президент дер кезінде ойламағанда Бекке қаянат жасарма еді?

•Бұл әңгімеден қандай ой қорытар едің?

Оқушылар ойымен бөлісу

5. Шығармашылық жұмыс, топтық жұмыс.

Бейне баяннан үзінді көру, ойларын айту. «Әке мен бала»

Сұрақтар:

•Отбасында өкпе-наз неліктен көрініс тапты?

•Баланың әкесіне деген көзқарасы неліктен өзгерді?

•Немересі өз әкесіне қандай сөздер арқылы, жүрегіне ой сала білді?

•«Ата-анаңды қорласаң, қайнатар балаң сорыңды» деген сөзде қандай мағына жатыр?

•«Әкенің қадірін балалы болғанда білерсің» деген мақалды қалай түсінесіңдер?

•Осы бейне фильмнен қандай ой түйдіңдер?

•Өмірде қиянат жасамау, кешірімді жасаудың маңызы қандай?

Оқушылар бейне баян тамашалайды.

Ақ параққа өз ойларын жазу.

(Балалар шығармашылығы)

6. Топпен ән айту.

Мейірімді болайықшы бауырлар

Сөзі: Серік Қалиев

Әні:Құрмаш Маханов

Көктем етіп көркейтсе де маңайын,

Көріп жүрміз өкпешілдің талайын,

Өшігуді қояйықшы өзгеге,

Кешірімді болайықшы, ағайын!

Көк нөсерін көл етсе де жауындар,

Көк пен жерді сел етсе де дауылдар,

Пейілдерді пенделікпен тарылтпай,

Мейірімді болайықшы, бауырлар!

Болашаққа қол ұстасып барайық,

Ақиқаттың ауылын іздеп табайық,

Кішірейіп кетпес ғазиз басымыз,

Кішіпейіл болайықшы, халайық!

Ел болғанмен емеспіз ғой онша көп,

Сонда дағы бөлінумен шаршап ек,

Өзімізге қалайтұғын нәрсені,

Тілейікші өзгеге де болса деп.

Ұлттың қамын жүректермен ұғынып,

Жұрттың жүгін көтерейік жұмылып,

Қаратайық Құбылаға жүздерді,

Таратайық адамзатқа жылылық!

Оқушылар қосылып ән айту

7. Үй тапсырмасы.

№11. Б.Момышұлы, С.Мұратбековтің мәтіндерін оқып, салыстырып, айырмашылығын айту. 45 бет.

Дәптермен жұмыс №10.

1, 2-ші тапсырмаларды орындау

Күнделікке түртіп алу

8. Соңғы тыныштық сәтi.

Баяу музыка қосылады.

— тыныштықта бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық.

Кемшіліксіз адам бола ма?

Реніш жағы неге басым келеді?

Жамандық неден туады?