Мақсаты : Әлем халқына қасірет әкелген Екіншідүниежүзілік соғыста, Отанын қорғаған, ерен ерлігімен танымал болған қазақ батырлары туралы оқушылардың танымдарын қалыптстыру. Бүгінгі бейбіт өмірдің қадір- қасиетін бағалауға және Ұлы Отан соғысының ардагерлеріне, қартарға деген құрмет, ілтипат, патриоттық сезім қалыптастыру.
Көрнекілігі: Ұлы Отан соғысы » деректі фильм, cлайд.
1-ші жүргізуші:
Армысыздар, оқушылар, ұстаздар, қонақтар!
Отан алдындағы борышын ақтап, қанды қырғын соғыстың қиындығы мен ауыртпашылығына қарамай, бүгінгі ұрпағына бейбітшілік пен бақыт әкелген ардагерлерімізге алғысымыз шексіз!
2-жүргізуші Ұлы Жеңістің 72 жылдық мерекесіне арналған тәрбие сағатын ашық деп жариялаймын!
Мұғалім: – Ананы баласынан, ағаны бауырынан айырып, мыңдаған боздақтарды жер жастандырып, бөтен елдің топырағын бұйыртқан зұлмат соғыстың өлшемі адам өмірімен, тағдырымен бағаланып, өте қымбатқа түскен жеңіске биыл міне 72 жыл.
Ән Анселя : « Катюша »
1-ші жүргізуші
Ұлы Жеңісті жақындатуға қазақ батырларының үлесі зор болды Отан қорғауға аттанған Қазақстандықтар саны 1 200 000 (бір миллион 200 мың) болса соның 400 000 мыңы соғыстың құрбаны болды. Олардың басым көпшілігі ерліктің ерен үлгісін көрсетіп, халқымыздың ерлік рухын асқақтатты. Мысалы; Мәншүк Мәметова, Әлия Молдағұлова, Бауыржан Момышұлы, Талғат Бигелдинов, Мәлік Ғабдуллин Төлеген Тоқтаров, қазақтың ұқыш қызы Хиуа Доспанова т.б
«Ұлы Отан соғысы» деректі кинодан үзінді көрсетіледі
Жүргізуші:
Жеңіс туы желбіресін мәңгілікке
Оның парқы жоғары бәрінен де
Адамзатқа қаншама мұң әкелген
Соғыс аты жойылсын мәңгілікке
Жаста болса қыршынан қиылдығой
Қазақтың қос шынары мәңгілікке
Туған өлкеміздің төл перзенттері Әлия Молдағұлова мен Мәншүк Мәметова жайындағы көрініске кезек берейік
Әлия Молдағұлова ( Жанар қолында винтовкасы бар )
Мен Әлия Молдағұлова Нұрмұхамедқызы 1924 жылы 15 маусымда Қобда ауданы Көкбұлақ деген жерде дүниеге келдім.. Әкем Нұрмұхамбет Сарқұлов кезінде бай тұқымынан шыққан ұрпақ ретінде қудалаған адам. Ал анам Маржан 1932 - 1933 жылдары ашаршалақ кезінде кортоп еккен бақша күзетшісінің оғынан қаза болды. Сегіз жасымда жетім қалып, Әубәкі деген ағамның тәрбиесінде болып. Кейін Санкт - Петебург(Ленинград) қаласын көшіп келдік, сол қалада оқып. Отбасылық жағдайға байланысты балалар үйінде тәрбиеленедім. 17 жасымда өз қалауыммен Отанымды фашистерден қорғауға әскер қатарына сұрандым.
Мәншүк Мәметова (Аяна шығады қолында максимасы бар)
Мен Мәншүк Мәметова Жиенғалиқызы 1922 Батыс Қазақстан қазіргі Орал облысының Орда ауданында дүниеге келдім. Ата-анамнан ерте айырылып бес жасымда тәтем Әмина Мәметова тәрбиеледі.
Ұлы Отан соғысы басталған кезде Алматы қаласында медицина институтында оқып жүрдім 1942 жылдың тамыз айында өз еркімен Қызыл Армия қатарына алынып, майданға аттандым
- Менің қолымда жауыма қарсы қойған жан серігім бұл менің максимам
Нурбек: Кеңес Одағынығ батыры Аға сержант Мәншүк Мәметова Псков облысындағы Невель қаласы үшін болған кескілескен шешуші ұрыста 1943 ж ерлікпен қаза тапты.
Жүргізуші:
Әлия, Мәншүк қайсар гүлі қазақтың,
Ерлігіне таңданамын ғажап тым.
Солар төккен қызыл қанның арқасы,
Қазақстан аспанында азат күн.
Желбірейді бейбітшілік жалауы,
Орындалып жас ұрпақтың қалауы.
Әлия, Мәншүк жүрегі боп жанып тұр,
Мәңгілік от ескерткіші алауы.
Жүргізуші :
Иә, шығыстың қос жұлдызы Әлия мен Мәншүк есімі ешқашанда ұмытылған емес, қазақтың көк аспанында даңқын асқақтатқан бүгінгі таңда тарихқа атты енген ұшқыш қызымыз Хиуа Доспанова туралы мәліметке кезек берейік
Әлия
Хиуаз Қайырлықызы Доспанова 1922 жылы 15 мамырда Құрманғазы ауданындағы Зормата ауылында дүниеге келген. Ол өмір жолын Оралдың аэроклубында бастап, кейін Саратовтағы әскери ұшқыштар училищесінде ұстазы, ұшқыш Марина Раскова басқарған 46 шы гвардиялық полкінің құрамында жүріп 300 ден астам әуе шайқастарына қатысқан Х. Доспанова сол кездің өзінде теңдессіз ерлігі үшін «қанатты қыз» атанды.
Жүргізуші Диана
Батыс өңірден шыққан қазақтың батыр қыздары екеу емес, енді үшеу болды ғой. Мәншүк – Оралда, Әлия – Ақтөбеде мәңгілік орындарын тапты. Атыраудан шыққан халық қаһарманы Хиуаз Доспанова 2008 ж дүниеден озды, артынан көптеген үлгі болар естеліктер жазып қалдырды.
Жүргізуші Нурбек :
Атты қазақ тарихында алтын әріптермен жазылған, қазақтың қас батыры, жазушысы, жас ұрпаққа тәлім-тәрбие, рух беруден жалықпаған Бауыржан Момышұлы туралы білмесек бізге үлкен сын, олай болса Бауыржан батыр туралы ойларға кезек берейік!
Алижан : (Б.Момышұлы туралы естеліктер көрсетіліп тұрады)
Момышұлы Бауыржан 1910 ж Жамбыл облысының Жуалы ауданындағы Көлбастау мекенінде дүниеге келген. Екінші дүниежүзілік соғыстың даңқты жауынгері, халық қаһарманы, қазақтың көрнекті жазушысы. 1941 ж Алматы қаласында құрылған 316-атқыштар двизиясының құрамында болып, Мосваны жаудан қорғауда ерен ерлік көрсеткен. Өмір жолын көптеген соғыс туралы естеліктер, қазақ халқының тілінің мәртебесін көтеретін жалынды еңбектер жазуға арнаған.
Б.Момышұлы жанды дауысымен жазба деререк тыңдалады
Жүргізуші Диана :
Отан үшін мерт болған қаһармандардың ерлік рухына бас иіп, көзі тірі ардагерлерге құрмет көрсетейік. Біздің бақытты күндеріміз үшін құрбан болған батырларымыз, халықтың татулығымен бірлігінің арқасында жеңіске қол жеткіздік. Олай болса Ұлы Отан соғысында қаза тапқан ерлердің рухын үнсіздікпен еске алайық. (1 минут үнсіздік)
2 оқушы экраннан шыққан 28-Панфиловшылар ескеркішінің алдына салтанатты түрде гүл шоқтары қойып, постқа тұрады.
Нурбек:
Жазылған жоқ өткен күн жоралары,
Сиреп кетті – ау қарттардың аралары.
Бабам жауға бермеген туған жерді
Қорғайды әлі баламның балалары.
Жасұлан :
Жеңіс күні бар әлемге әйгілі.
Көктем шуақ – Тоғызыншы май күні.
Айтшы, кәне, біздің жеңіс шеруі
Кездейсоқ па көктемге сай келуі.
Дамир: Біздің Ұлы Жеңісіміз көктем боп,
Көңілдерге шұғыласын төккен көп.
Сонау жылы Тоғызыншы май күні
Алмастырған қуанышқа қайғыны.
-Алтынай : Біздің Ұлы Жеңісіміз көктем боп,
Көңілдерге шұғыласын төккен көп.
Сонау жылы Тоғызыншы май күні
Алмастырған қуанышқа қайғыны. Аяулым :Саған құрмет бейбітшілік сақшысы
Сен тұрғанда қуырылар жау апшысы
Саған миллион жүректердің салюты
Саған сөздің шырайлысы жақсысы.
Диана Жүргізуші:
Батыр ұл есімдері ақталады
Жыр болып жүректерде сақталады.
Ғасырдан ғасырларға аңыз етіп,
Ұрпағы мәңгі бақи мақтанады.
Жеңіс күніне арнап қалам тартқан сыныбымыздың жас ақындарының шығармашылығына кезек береміз !
Әбділхақ
Жоқ мен үшін соғыс –деген
Көргенім жоқ оны мен көзімменен
Бірақ бәрін ойыммен көріп келем
Кімге керек болды екен сол зұламат
Адамзатқа әкелген зор қиянат
Әлімсері
Менің атам ардақты
Ардагер ғой салмақты
Соғыс жәйлі айтқанда
Бәріненде қайратты
Мұғалім: Бүгінгі күн – көптен күткен салтанатты күн, зымыраған уақыттың қанатында жеңістің міне 72 көктемі де келіп жетті. Ешкімде, ешнәрсе де ұмытылмақ емес. Бұл сөз өткенге емес, болашаққа арналған. Олай болса бүгінгі сабақтан алған әсерлерімізді алдымыздағы парақшаларымызға жазып «Мәңгілік көк туымыз желбірей берсін, бейбітшілік тұғыры берік болсын» деген тілек хаттарымызды мына бейбітшіліктің символына айналған ақ көгершіндермен әлем жұршылығына таратайық!
Тақтада ілінген көгершіндердің тұмсығына хаттарын ілген оқушылар
қатарға тұрады
Ән хормен «Көк тудың желбірегені »
1-ші жүргізуші: «Қайғыны білмесін ана жаны,
Қазіргі адамда арман сол.
Әлемнің бар сәби балалары,
Оянсын ұйқысы қанған соң.»
Ұлы Жеңістің 72 жылдығына арналған салтанатты жиынымыз аяқталды.
2-ші жүргізуші: Жеңістің туы мәңгі желбіресін!
Жер бетінде тынышытық пен бақыт шуағы тарқамасын!
Жүргізуші Нурбек : Жеңіс тойы мәңгі жасасын!
Мерекелік бейбіт күнде кездескенше аман – сау болыңыздар
