«Ер есімі-ел есінде» атты Ұлы Отан соғысының ардагері
Рахметолла Естебайұлы Қарамановтың еске алуға байланысты
мектепте өткізілген іс-шаралар
№20жалпы орта білім беретін мектеп бойынша «Ер есімі-ел есінде» атты Ұлы Отан соғысының ардагері Рахметолла Естебайұлы Қарамановты еске алуға байланысты іс-шаралар жоспары жасақталып,бекітілді.Мақсат- алғашқы жылында тылдағы ауыр еңбекті көрген,төрт жыл бойы майдан даласында қан кешіп,азамат ауыртпалығын арқалаған жауынгердің сол бір халық басына туған күндерді,тылдағы кеңес адамдарының,майдандағы қарапайым жауынгердің тарихта теңдесі жоқ ерлігін,біздің бейбіт қоғамымыздың мызғымас берік күшін,тек біздің қоғамға ғана тәнпатриоттық тегеурінді бүгінгі жастарға жеткізу,жаңа, жас ұрпаққа бүгінгі шатты тұрмыстың кешегі ата-аналарының күс қолы,маңдай терімен,қасық қанымен келгенін ескерту,оларға аға ұрпақтың жауынгерлік рухына ой жүгірту,Отансүйгіштікке тәрбиелеу болып табылады.Жалпымектептік саптүзеулер жиынында әлеуметтік педагог К.С.Сабирова «Елін қорғау-еліне серт»тақырыбында баяндама оқып, 72 жыл — бейбір көктем таңы атқалы,
72 жыл — шуақты күн таратты әнін.
Талай құс содан бері қайта оралды,
Талай бақ әлеміне қайта оранды.
Соғыста өлгендер тек оралмайды,
Тек ұрпақ олар жайлы айтады әнді,- дегендей,
«Берлин ратушасына ту тіккен батыр жерлесіміз Р.Е.Қарамановтың өмір жолдарымен таныстырды. Жылыойлықтар марқұм Рахметолла Қарамановтың есімін аса қадір тұтады. «Қазақстан тарихы» оқулығында. ол Орал өңірінің жас офицерлері К.Мәденов пен Р.Қараманов 1008-атқыштар полкінің туын Берлин Ратушасының төбесіне тікті.» (Алматы,1993,203бет) Жауынгерлеріміздің бірлігі, асқақ рухы арқасында Ұлы Отан соғысы жеңіспен аяқталып, еліміз бейбіт өмірге көшті. Р.Қарамановтың жауынгерлік ерлігін ұғындыру арқылы оқушыларды Отансүйгіштікке тәрбиелеу мақсатында «Ұлылыққа тағзым,ұрпаққа парыз» деген тақырыптарда 1.1сынып жетекшісі А.Өмірқұлова 2.7 сынып жетекшісі: А.Демесінова 3.2сынып жетекшісі:Т.Тұрғанбайқызы 4.2сынып жетекшісі: Д.Ботаева 5.4сынып жетекшісі: А.Орынғали 6.6сынып жетекшісі:Г.Бекболатова 7.3сынып жетекшісі:Б.Қарамұратова сынып сағаттарын өткізді. Ұлы Отан соғысы Кеңес Одағы құрамындағы халықтар үшін басына түскен сын кезең болды. Осы сыннан халқымыз мүдірмей өтіп, әлем алдында беделі асқақтап, биік шыңдардан көріне білді.Жауынгерлеріміздің бірлігі, асқақ рухы арқасында Ұлы Отан соғысы жеңіспен аяқталып, еліміз бейбіт өмірге көшті. «Берлин Ратушасына ту тіккен батыр жерлесіміздің ерлігі ешқашан ұмытылмайды».
Кулянда Сагингалиевна Сабирова
№20 мектептің әлеуметтік педагогы
Атырау облысы,Құлсары қаласы
