Білім табысқа жеткізер

№2 Аманқарағай орта мектебі

«Білім табысқажеткізер»
Интеллектуалды сайыс

Жауапты: Мұхтарова Д.

2016-2017

«Білім табысқа жеткізер»атты интелектуалды сайыстың сценарийі.
Мақсаты:
Оқушылардың ой өрісін кеңейту, білімге деген құштарлығын арттыру,  оқушылардың дүниетанымын және ойлау, ойды жүйелеу қабілеттерін дамыту. Шапшандық тез жауап беру дағдысын қалыптастыру.

Түрі: интеллектуалды сайыс

Кіріспе.

1-жүргізуші

Бәйгеге түсіп жарыспай

Жүйріктің бағы жанар ма?

Білім мен өнер жарысып,

Тәрбие, тәлім табар мән.

Бұл бәйге ойдың бәйгесі

Кім жүйрік ойда, сол алда,-дегендей, Армысыздар құрметті қонақтар,ұстаздар және оқушылар! Бүгінгі өткізілейін деп отырған «Білім табысқа жеткізер» аттыинтеллектуалдық сайысқа қош келдіңіздер!

2-жүргізуші

Сайыстың мақсаты:Оқушылардың ой өрісін кеңейту, білімге деген құштарлығын арттыру, оқушылардың дүниетанымын және ойлау, ойды жүйелеу қабілеттерін дамыту.Шапшандық, тез жауап беру дағдысын қалыптастыру.

Алдымен сайысқа қатысушы оқушыларды ортаға қошеметпен қарсы алайық.

8 сынып оқушылары:Беркимелова Амина,Ергазина Альбина

9 а сынып оқушылары:Бирмагамбетова Айша, Ансаганов Дияр

9 ә сынып оқушылары:Подберезко Жасмин,Батырханова Гульназ

10 сынып оқушылары: Алимбаева Жанагуль, Есинбекова Айткуль

1-жүргізуші

Оқушылар өз жұптарымен бөлінеді. Алдарына берілген әріптер бойынша өз топ аттарын құрастырады.

Жалын тобы

Болашақ тобы

Жұлдыз тобы

Ұлан тобы

Бүгінгі сайысқа келген қадірменді қонақтарымыз ойын барысында қазылық етеді.

Таныстыра кетсем.Мектеп директорының оқу ісі жөніндегі орынбасары Кужахметова Анар Қасымжомартқызы. География пәні мұғалімі Бекмухамбетова Рыскүл Қайыркенқызы

Сайысқа қатысушы топтармен танысып алдық.

Енді сайыстың кезеңдерімен таныстырып өтсем.

1-кезең. Зерде. Яғни оқушылар «Каhoot.it» бағдарламасы бойынша сұрақтарға жауап береді.

2-кезең. Алтын ұяшық. Логикалық сұрақтарға жауап беру.

3-кезең. Кім көп біледі. Тәжірбиелік тапсырмаларды орындау

4-кезең. Құпия әуен. Сөзсіз әуен қойылады. Қандай өлең екенін табу керек.

5-кезең. Кім жылдам.

Осы уақытқа дейін алған білімдеріңізді көрсетіп, бар өнерлеріңізді ортаға салуға тырысыңыздар!

Ендеше сайысымызды бастауға рұқсат етіңіздер!

Негізгі бөлім

2-жүргізуші

1-кезең. Тапқыр болсаң тауып көр.

Барлығы 10 сұрақ қойылады.Сұрақтар әр пәннен беріледі. Әр сұраққа жауап беруге 30 секунд уақыт беріледі. Сол уақыт ішінде жауап беріп үлгерулеріңіз тиіс. Тез, жылдам, нақты жауап беру керек.

Мәңгі бақи есте қалар
Қызықты бір жиын болсын
Білімдірек шәкірт озар
Сұрақтары қиын болсын – дей келе 2-кезеңімізді бастайық

1-жүргізуші

2-кезең.Алтын ұяшық.

Логикалық сұрақтар. Тақтада 8 ұяшық көрсетілген. Әр топ ұяшық номерін таңдап,берілген сұраққа жауа береді. Жауап бере алмаған жағыдайда басқа топ мүшелерінде жауап беруге мүмкіндіктері бар.

1.Егер түнгі 12 сағатта жаңбыр жауып тұрса, 72 сағаттан кейін түсті күтуге болады ма? (Болмайды, себебі қайтадан түн болады)

2. Жыл он екі ай ішінде 30 және 31 сандары ауысып отырады. Ал 28 саны қай айда кездеседі? (Барлық айда)
3. Егістікте – жасыл, фирмада – қара, ал үйде – қызыл. (шәй)

4. Екі адам тоғызқұмалақты 2 сағат ойнады. Әрқайсысы неше сағаттан ойнады?( 2 сағаттан)
5. Барлық ат шөп жейді, бірақ бір ат шөп жемейді, ол қандай ат? (шахмат)
6. Бір жұмыртқа 5 минут піседі. Бес жұмыртқа неше минутта піседі.(5)
7. Отыз «Я» әріпінен тұратын қыздың аты? (ЗОЯ)
8. «А»-дан «Я»-ға дейінгі ағатын өзен? (Амудария)

2-жүргізуші

3-кезең.Ұшқыр ой.Тәжірибелік тапсырмалар.

Ойын шарты: Берілген заттарды пайдалана отырып, төмендегі тапсырмаларды орындау керек.

1.Жұмыртқаны су бетіне қалай шығаруға болады?

(су, жұмыстқа 2, стакан 2, тұз)

2. Екі стаканды бір-біріне қалай жабыстыруға болады?

(кішкентай стакан 2, мақта, май, дымқыл қағаз)

3.Жылы ауа арқылы қағаздан жасалған спиральфигураны айналдыру керек.

(Қағаз, шырпы, майшам, жіп, қарындаш )

4.Шарды отқа қойғанда жарылмау керек.

(шар 2, майшам, су)

1-жүргізуші

4-кезең. Құпия әуен. Әуенді тапсырма

Сіздерге тек әннің тәуені ғана ойналады.Ал сіздер қандай ән екенін және орындаушысы кім екенін табуларыңыз керек. Ал ендеше кеттік бастаймыз!

1.Алтынай Жорбаева «Саржайлау» әні

2.Маржан Арапбаева «Қазақ елі осындай»әні

3.Еркін Нұржанов «Анашым» әні

4.Нұрлан Әлімжанов «Құлыным» әні

5.Роза Рымбаева «Әлия»әні

6.Қайрат Нұртас «Алматының түндері» әні

7.Мейрамбек Беспаев «Сағындым Алматымды» әні

8.Ескендір Хасанғалиев «Атамекен» әні

2-жүргізуші

5-кезең.Кім жылдам деп аталады.Бұл сіздереге берілетін соңғы тапсырма.Сіздердің алдарыңызда картошка жатыр.Сол картошканы қабығын үзбей тазалау керек.

1-жүргізуші

Қазылар орнықтырар әділдікті,

Кімдердің жауаптары кәміл шықты.

Білім мен тақырлықтың сайысында,

Жеңіске жетер дейміз нағыз мықты,- дегендей, ойыншыларымызды бағалау үшін қонақтарымызға сөз берейік.

Қорытынды сөз:   «Білім табысқа жеткізер» атты ойынымыз өз мәресіне жетті. Келген қатысушыларға көптен - көп рахмет!Алдағы күндеріңізге сәттілік! Сау болыңыздар!