"Тәуелсіздік-тұғырым, Мәңгілік Ел-тұрағым"

Тақырыбы: Қазақстан Республикасының Тәуелсіздігіне 28 жыл толуына арналған «Тәуелсіздік – тұғырым, Мәңгілік Ел – тұрағым» атты мереке

Өткізу күні:

Өткізу орны: кіші акт залы

Қатысқандар: 1-11-сынып оқушылары

БАРЫСЫ:

1-жүргізуші:

- Армысыздар, құрметті оқушылар, аяулы ұстаздар, ата-аналар, салтанатты жиынға арнайы келіп отырған қонақтар! Бүгінгі Қазақстан Республикасының Тәуелсіздігіне 28 жыл толуына арналған салтанатты жиынына қош келдіңіздер!

2-жүргізуші:

Тәуелсіздік түскен жоқ қой аспаннан,
Тарихы оның тым әріден басталған.
Ынтымақтың туын тіккен қастерлім,
Орның бөлек сенің бізге қашаннан.

1-жүргізуші:

- Бүгінгі Қазақстан Республикасының Тәуелсіздігіне 28 жыл толуына арналған салтанатты жиынымызды ашық деп жариялаймын!

Қазақстан Республикасының Мемлекеттік Гимнін орындау.

2-жүргізуші:

1991 жылдың 16 желтоқсанында Қазақстан өзінің Тәуелсіздігін жариялады. Еліміз егеменді мемлекет болды. Бүгін Тәуелсіздігімізге 28 жыл толып отыр.

Мен қазақпын, ұланымын елімнің, 
Мен қазақпын, тірегімнің, жерімнің.
Ұланымын туын көкке көтерген, 
Ертеңімен Егеменді елімнің.
Менің елім - Қазақстан Отаным!
Жырлар жазып, өзіңді әнге қосамын.
Мәңгілікке қымбаттысың туған ел.
Арта берсін, абыройың, атағың.

ҚҰТТЫҚТАУЛАР:

1. Алғашқы құттықтау сөзді селолық округінің әкіміне береміз.

2. Келесі құттықтау сөз мектеп директорына беріледі.

2-жүргізуші:

-Бүгінгі «Тәуелсіздік ұландары» тақырыбында өткелі отырған «Жас Ұлан» ұйымына қабылдау салтанатты жиынымызды бастаймыз.  

Ұланбасы:

-Топ, түзел! Тік тұр! Назар ортаға!

-Құрметті тәлімгер! Бүгінгі «Жас Ұлан» республикалық бірыңғай балалар мен жасөспірімдер ұйымына қабылдау жиынына 5-сынып оқушылары дайын. Баянат жасаған Ұланбасы Н.Н.

Тәлімгер:

-Баянат қабылданды. Еркін тұр.

Н.Н. (орнына барып): Еркін тұр.

1-жүргізуші:

-Құрметті қонақтар! Қазақстан Республикасының 20 жылдық мерейтойы қарсанында Елбасы Н.Ә.Назарбаевтың ұсынысымен 2011 жылы 6 шілдеде Бірыңғай «Жас Ұлан» балалар мен жасөспірімдер ұйымы Республикалық қауымның бірлестігі құрылды.

Бүгін ұйымға қабылданғалы отырған жалпы ұландар саны 12. Олар:

Ендеше «Жас ұлан» ұйымының қатарына қабылдау рәсіміне көше отырып, ұйымның мақсат, міндеттерімен таныстыра кетейік.

1- жүргізуші:
-Қазақстан күннен-күнге өркендеп, гүлденуде. Біз осындай елде туғанымызға бақыттымыз. Бүгін ұстаздар, оқушылар және қонақтар Республикалық бірыңғай «Жас Ұлан» балалар мен жасөспірімдер ұйымына қабылдау рәсіміне куә болып отырсыздар.

«Жас Ұлан» ұйымының қатарына қабылдау рәсіміне көше отыра, алдымен ұйымның мақсат, міндет, ережелерімен таныстыруға рұқсат етіңіздер.
2-жүргізуші:
«Жасұлан» ұйымының әрбір мүшесі:
Қоғамдық өмірде, тұрмыста, қазақ ұлттық болмыста, халықтық келбетпен қалыпты сақтай отырып, ата-анасын шынайы сыйлап, олардың өнегелі қасиеттерін бойға сіңіріп, өсиеттерін орындауды перзенттік парыз деп түсінеді. Туған елін шексіз сүйеді.
1- жүргізуші:
Қазақстан Республикасының туының түсіндей галстук тағу керек және Республикамыздың мемлекеттік рәміздерін құрметтеп, Мемлекеттік Гимнді жатқа айту керек.

2-жүргізуші:
Шет елдердің мемлекеттік нышандары, адамдардың немесе басқа да суреттер салынған, атаулар жазылған, киімдерді киюмен, заттарды пайдаланумен әуестенбейді.
1-жүргізуші:
Өзін тұрмыста, қоғамдық өмірде сыпайы, қарапайым мінезде ұстайды.
2-жүргізуші:
Қазақ тілін еркін меңгеріп, елдің тарихын, мәдениетін, әдебиетін, өнерін, салт-дәстүрін жақсы білу, дамыта түсу, сақтау үшін ынталы еңбектенетін болады.
1-жүргізуші:
«Жас ұлан» ұйымының мүшесі — Отанына адал.
«Жас ұлан» ұйымының мүшесі — Отанының адал азаматтары.
2-жүргізуші:
«Жас ұлан» ұйымының мүшесі — Отанының тәуелсіздігі мен бостандығы үшін күресуші.
1-жүргізуші:
«Жас ұлан» ұйымының мүшесі — батырларымыздың атын құрметтеп, оның мәңгі қорғаушысы болуға дайындалады.

2- жүргізуші:
«Жас ұлан» ұйымының мүшесі — оқуда, еңбекте және спортта өжет те қайсар.
1-жүргізуші:
«Жас ұлан» ұйымының мүшесі — шыншыл, адал жолдас, әрқашан да шыншылдық үшін күресуге дайын болуы керек.

Бүгінгі салтанатты жиынның ең жауаптты сәті - ант тапсыру рәсіміне де келіп жетті.

Мен, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отаным – Қазақстан Республикасының патриоты болуға;
Мемлекеттік рәміздерді құрметтеуге, дәріптеуге;
Туған елім, жерім, Отанымды мақтаныш етуге;
Ата-анамды қадірлеуге;
Үлкенге құрмет, кішіге ізет көрсетуге;
Білімге табандылықпен ұмтылуға;
Табиғатты аялауға;
Біздің жерлестеріміздің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде
АНТ ЕТЕМІН, АНТ ЕТЕМІН, АНТ ЕТЕМІН!

1- жүргізуші: Құрметті ұстаздар және оқушылар, сіздерді «Жас Ұлан» ұйымына қабылданғалы отырған оқушыларға туымыз түстес көгілдір галстук байлауға рұқсат етініздер.

Галстук байлауға ұстаздар, қонақтар шақырылады.

(Галстуктарды тағып болғанша, музыка ойнап тұрады).

Ұланбасы Н. Н:

«Біз»

Оқушылар : «Жас Ұлан».

Ұланбасы : ұранымыз...

Оқушылар :

«Қазақстан – Нұрсұлтан – Жас Ұлан».

5-сынып оқушылары «Жас ұлан» гимнін орындайды.

2-жүргізуші:

-Егеменді еліміздің еңселі азаматтары болуларыңызға тілектеспіз, дей отыра сөз кезегін мектебіміздін директорына береміз.

1-жүргізуші:

Құрметті, оқушылар «Жас Ұлан» ұйымына қабылдануларыңызбен құттықтаймыз!

2-жүргізуші:

Ризамын осындай жастық шаққа,

Не жетер «Жас Ұлан» деген лайық атқа.
Келеміз егеменді ел төріне өрлеп,
Ашылып алдымыздан алтын қақпа.
1-жүргізуші:

Республикалық бірыңғай «Жас Ұлан» балалар мен жасөспірімдер ұйымы қатарына салтанатты қабылдау рәсімі өз мәресіне жетті, салтанатты жиынымызды жабық деп жариялаймыз.

ІІ. Әдеби монтаж. 5-сынып оқушылары.

ІІІ. Концерттік бағдарлама.