Тақырыбы: «Аяулы анашым!»
Мақсаты: Балаларға көктем туралы,8- наурыз мерекесі туралы түсінік беру, отбасындағы ананың орнын,анаға деген құрметті ұғындыру, еліне,жеріне деген сүйіспеншіліктерін арттыру, адамгершілік, қамқорлық,достыққа, ұйымшылдыққа баулу және әдемілікті сезіне білуге үйрету.
Біз ғана емес, қадір тұтқан бабалар
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Қош, келдіңіздер! Аяулы аналар, қызғалдақ қыздар, қадірлі ұстаздар! Көңілдеріңізге көктем шуағындай сезім мен нұр құйып, 8 – наурыз Халықаралық әйелдер мерекесі де келіп жетті. Осынау көркем мерекенің қай кезде де орны бөлек. Олай болатыны, аналарға ыстық сезім, алғыс пен құрмет ешқашан сөнбек емес. Олар - өмірдің гүлі, көңілдің жыры, әр отбасының алтын діңгегі. Мынау тынымсыз тіршілік пен кең дүниенің өзі тек аналар мен ажарлы таңмен бірге әрбір сәби жүрегі өзің деп соқса, бүгінгі «Аяулы анашым!» - атты ертеңгілігіміз сіздерге арналады.
Енді балаларымыздың өнерін тамашалаңыздар.
Сенен өскен балалар,
Батырлар мен даналар.
Құттықтаймыз мейраммен,
Құрметі аналар.
Ән: «Көктем».
Ана деген - асқақ ән,
Орындайтын әрқашан.
Анадай қымбат сыйлықты
Таба алмайсың ешқашан.
Ана-біздің гүліміз,
Ана-біздің күніміз.
Ұландарды қуантып,
Ұзақ өмір сүріңіз
Ана деген - ақылшың,
Анаң барда батырсың.
Қасыңда кім болса да,
Тек анаңа жақынсың!
Кір түсірмей жағама,
Шашымды да тарайсың.
Мектебіме барарда
Мейірлене қарайсың.
Ән: «Кел,балалар,ойнайық»
Қанаттанса балапан,
Қалайынша ұшпайды.
Әрбір қыз,әр балапан.
Анасына ұқсайды.
Теңдесі жоқ данасың,
Арқа тұтар панасың,
Еңбегіңді ақтайын,
Аман болшы анашым!
Ана біздің күніміз
Ананың біз гүліміз
Бізді ана қуантып
Ұзақ өмір сүріңіз.
Ән : «Қошақан
Әлпештеген баласын,
Ана бақыт, ана күн.
Әркім сүйіп өзінің
Мақтан етер анасын.
Бізді өсіріп баптаған
Жақсы болсам шаттанған
Алтыным деп мақтаған
Айналайын ақ мамам.
Анам менің асыл жан
Құшағы нұр шашылған
Күн секілді күледі
Сипап ылғи басымнан.
Мәпелейсің мені анам,
Қолыңдағы құсыңдай.
Құлпыра өсіп дем алам.
Құшағыңда қысылмай.
Айтсаң болды тіл алам
Әйбат мамам, ай мамам.
Сені көрсем қуанам,
Сен керексің қашанда.
Көрініс: «Мақта қыз бен мысық»
Анашым анам,
Ризамын саған.
Тіліңді алам,
Ақылды болам.
Үмітіңдей көзіме
Көп қарайсың үңіліп.
Еркелеген сөзіме
Ертеңіңіз тұр күліп.
Ана деген ақылшың,
Анаң барда батырсың.
Қасыңда кім болса да,
Тек анаңа жақынсың.
Ән: «Оқуда озат боламын»
Жылылықтан жаралған
Құшағы оның таң мекен
Менің айдай анамнан
Асқан сұлу бар мекен.
Жүре берсем қасыңда,
Әйбат, анам, ай анам.
«Ботам» деген даусыңнан
Мен мәз болып оянам.
Ақыл құйған санама
Алғыс айтам анама
Күн алыста, ал анам
Үнемі менің жанымда
Анашым анам,
Ыстықсың маған.
Тәрбие бердің,
Көп алғыс саған.
Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде, - алдарыңызда мың бұралған
Бишілердің орындауында «Гүлдер» биін қабыл алыңыздар.
Анаң болса қасыңда
Басқа бақыт не керек.
Аналардың жүрегі
Мейірімді ғой керемет.
Алтын анам, жасымнан аялаған,
Мен үшін игілікті аямаған.
Сабақтан шаршап үйге келгенімде,
Бал сөзі-жаным деген, сая маған.
Бізге жарық өмір сыйлаған, бізді дүниеге әкелген анамыз бен әкеміз болса, сол ананың анасы, әкенің анасы бізге әже болады.
Қариясы бар үйдің қазынасы бар деп бекер айтпаған. Қазыналы әжелерімізді құттықтай отырып, өлең жырларымызды қабыл алыңыздар.
Ән: «Апатайым, анашым»
Әже деген - берекесі әр үйдің
Әже деген – қамқоршысы сәбидің
Әже деген - алыптардың анасы
Әже деген - қонағы ғой пәнидің
Менің әжем сымбатты,
Әжем маған қымбатты.
Құрт пен майын жинайды,
Бізге оны сыйлайды.
Ертек қандай көп еді,
Күнде айтып береді.
Қуанатын балаша,
Менің әжем тамаша.
Қайырымды, қасиетті.
Ең ардақты ақ әжем.
Әрбір сөзі өсиетті
Баға жетпес ақ әжем.
Тосып тәтті дәмдерін,
Ол бар жерде бал жедім.
Мен ұйықтарда айтады
Ертегісін, әндерін.
Біздің үйде осындай
Әжетайым бар менің.
Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
Үнді биі. Орындайтын : Алибекова Айдана
Сендерге жарық сыйлаған кім? АНА
Жылатуға қимаған кім? АНА
Жөргегіңді ауыстырып,құндақтап,
Сен деп жанын қинаған кім? АНА
Сен ауырсаң жүдеген кім? АНА
Күдігі тез үдеген кім? АНА
Айыққанша,қосылғанша қатарға,
Тілегіңді тілеген кім? АНА
Қатесін кешірген кім? АНА
Анамдағы махаббатқа нанам,
Ең бірінші ана керек балаға,
Ақ аналар жүріңдерші аман!
Бөбегіңнің сыйлығын,
Қабыл алшы анашым
Ұзақ өмір жүз жасап
Ауырмашы анашым
Бәріміздің де анамыз бар, әжеміз, әпкеміз бар, қарындастарымыз бар. Жылына бір рет келетін осы аналар мейрамында аналарымызға қандай сыйлық жасасақ та жарасымды. Өйткені, бізді өмірге алып келген, бізге әлемнің жартығын сыйлаған - анамыз емес пе?
Олай болса, әр оқушының өзі дайындаған аналарына сыйлықтары бар екен. Соны табыс етсін.
Аналар, қалқып бақыт аралында,
Лайым мұң қонбасын жанарыңа
Осымен кешімізді аяқтайық
Гүл бітсін бәріңіздің қадамыңа – дей отырып бүгінгі «Аяулы,анашым!» атты кешімізді жабық деп жариялаймыз. Ардақты аналар мейрамдарыңыз құтты болсын! Сау саламатта болыңыздар!
