Сабақтың тақырыбы: Менің тұңғыш Президентім!
Сабақтың мақсаты: елімізге еңсе тіктетіп, мемлекетімізді мығымдап берген, халқымызды әлемге танытып,алаш баласының абыройын асқақтатқан елбасының кісілік келбетін таныту. Елін сүйген,ел сүйген Елбасынан үлгі алуға тәрбиелеу. Отанға деген құрметке тәрбиелеу.
Сабақтың түрі: Саяхат сабақ
Сабақтың әдіс-тәсілі: өлең, сұрақ-жауаптар, ән
Сабақтың көрнекілігі: Н.Ә.Назарбаев портреті, сабақ қатысты фото-суреттер
Сабақтың барысы:
Мұғалім: Құрметті оқушылар, Тұңғыш Президент күнімен сендерді құттықтаймын!Еліміздің мәңгі болуына, ұзақ ғұмыр кешетініне сенімдімін. Президент күні қарсаңында сендермен Астана қаласына саяхаттап келуді ұйғардым, оған қалай қарайсыңдар?! Олай болса, алдымен, ұшаққа билет алып, тапсырмаларына жауап берейік!(билет сұрақтарына жауап беріп 1-2-ден тақтаға қарай шыға бастайды)
- Еліміздің тәуелсіздік алған жылы?
- Қазақстан Республикасының астанасы?
- Астананың туылған күні?
- ҚР-ның Конституциясы қай күні тойланады?
- ҚР –да ЕХРО қашан өтеді?
- Астана қаласының бұрынғы аты?
- Астана қаласы Қазақстанның қай өңірінде орналасқан?
- ҚР-ның Президент күн қай күні тойланады?
Мұғалім: Жарайсыңдар балалар! Олай болса ұштық Астанаға!Астанаға сапар барысында алдағы 30мин аралығында Елбасымызға арнаған өлең жолдарын айтайық, қанекей! і
Мұғалім: Балалар Астанаға да келіп жеткен сияқтымыз. Ұшақтан түсіп сапарымызды келесі қоғамдық көлік-автобуспен жалғастырайық. Әсем қала Астанамыздың сұлу, көркем орындарын аралайық. Елбасымызбен Астанамыздың есімі –егіз. Көлігімізге отырып сапар барысында Нұрсұлтан Әбішұлы Назарбаевтың өмір жолымен таныса отырайық.
Нұрай: 1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында көптен күткен ұл өмірге келеді.
Нұрсұлтан деп ат қояды
Мадина:
1967 жылы Қарағанды металлургия комбинаты жанындағы жоғары техникалық оқу орнын бiтiрдi. Экономика ғылымдарының докторы.
Қазақстан Республикасы Ұлттық ғылым академиясының, Халықаралық инженерлік академияның, Ресей Федерациясы әлеуметтік ғылымдар академиясының академигі. Әл-Фараби атындағы Қазақ мемлекеттік ұлттық университетінің құрметті профессоры. Беларус ғылым академиясының құрметті мүшесі. М.В. Ломоносов атындағы Мәскеу мемлекеттік университетінің құрметті профессоры.
Лаура:
1960 – 1969 жылдары – Қарағанды металлургия зауытында жұмыс істеді.
Еркежан:
1969 – 1973 жылдары – Қарағанды облысы Теміртау қаласындағы партия-комсомол жұмыстарында жауапты қызметтер атқарды.
Сандуғаш:
1973 – 1977 жылдары – Қарметкомбинаттың партком хатшысы.
1977 – 1979 жылдары – Қарағанды облыстық партия комитетiнiң хатшысы, 2-хатшысы.
Нұрәділ:
1979 – 1984 жылдары – Қазақстан КП Орталық Комитетінің хатшысы. 1984 – 1989 жылдары – Қазақ КСР Министрлер Кеңесiнiң төрағасы.
Байтұрсын:
1989 – 1991 жылдары – Қазақстан КП ОК бiрiншi хатшысы, 1990 жылғы ақпан-сәуір аралығында Қазақ КСР Жоғары Кеңесiнiң төрағасы болды.
1990 жылдың сәуірінен – Қазақстан Республикасының Президенті.
1991 жылдың 1 желтоқсанында тұңғыш рет Қазақстан Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,7%) жеңіске жетті.
Нұрай:
1995 жылдың 29 сәуірінде жалпыхалықтық референдум нәтижесінде Қазақстан Республикасы Президенті Н.Ә.Назарбаевтың өкілеттігі 2000 жылға дейін ұзартылды.
Мейір :
1999 жылдың 10 қаңтарында өткен жалпыхалықтық сайлаудың нәтижесiнде Н. Назарбаев 79,78% дауыс алып, Қазақстан Республикасы Президентi болып қайта сайланды.
Ернұр:
2005 жылдың 4 желтоқсанында сайлаушылардың 91,5 процент дауысын алып, Қазақстан Республикасының Президенті болып қайта сайланды.
Ерлік:
Қазақстан халықтары ассамблеясының төрағасы.
Қазақстан Қарулы Күштерінің Жоғары Бас Қолбасшысы.
Дүниежүзілік қазақтар қауымдастығының төрағасы.
Сандуғаш:
Жұбайы – Сара Алпысқызы Назарбаева. Халықаралық «Бөбек» балалар қайырымдылық қорын басқарады.
Президенттің үш қызы бар: Дариға – саясат ғылымдарының докторы; Динара – Н.Ә.Назарбаев атындағы білімді қолдау қорын басқарады; Әлия – бизнеспен айналысады, «Элитстрой» құрылыс компаниясын басқарады.
Мұғалім: Саяхатымызды ары қарай жалғастырамыз.
1 Бәйтерек жайлы мәләмет (Нұрай) Металлдан, әйнек пен бетоннан жасалған бұл «терек» сәулеттік мағынасы жағынан да, жасалуы жағынан да бірегей: биіктігі 105 метрлік металл құрамасынан, салмағы 1000 тоннадан жоғары бес жүзге жуық қададан тұрады. Есіл өзенінің сол жағалауында бой көтерген зәулім «Бәйтеректің» биіктігі 97 м (Астана қаласының елорда статусына ие болған жылға байланысты таңдалған), диаметрі 27 м; негізгі есікке бастайтын әшекейлі темірбетон саты жер бетінен 4,8 м жоғары орналасқан. Әлемде бірінші рет диаметрі 22 метрлік және салмағы 300 тоннадан тұратын күннің түсуіне қарай түсін өзгертетін «хамелеон» әйнегінен жасалынған шар биіктігі жағынан рекордқа (әлемдегі ең үлкен шардың ең биіке көтерілуі бойынша) ие болды. «Бәйтерек» нысаны үш бөліктен тұрады; жер асты бөлігі ұлттың тамыр жаюы, ал одан кейінгілері өркендеу кезеңдерінің нышандарын білдіреді. Ең жоғарғы жағында «Аялы алақан» композициясы орын тепкен. Одан әрі қосымша түріндегі композиция өз негізінен бөлініп, жер бетіне қалықтап тұрғандай әсерге бөлейді. Ұшар басында алтын шар орналасқан. Арнайы шынылармен әйнектелген «Бәйтерек» күмбезінің салмағы 70 т, ал алтын шардың үстіңгі ауданы 1553 м². Осынау ғаламат шардың панорамалық залынан Астананың кешегі және бүгінгі сәулеті – «ескі» және «жаңа» көрінісін тамашалауға болады. Алтын шар мен ғимараттың негізгі кіре берісі бір-бірімен «оқпан» деп аталатын салмағы 695 т металл құралыммен байланысып, жалғасқан. «Бәйтерек» кешенінде келушілердің демалып, асықпай отырып төңірегін көруге мүмкіндік беретін дәмханасы да бар.
2. Думан орталығы жайлы мәлімет (Еркежан) «Думан» ойын-сауық орталығы Елбасының қатысуымен 2003 жылдың мамыр айында ашылған.
Ойын-сауық орталығында океанариум, «Джунгли» аниматроникстер театры, экзотариум-хайуанаттар бағы, 5D - кинотеатр мен кәдесыйлар дүкені орналасқан. Орталықтағы мұхитарал - ТМД-дағы тұңғыш салынған нысандардың бірі.
Мұхитаралдың су қоры - 3 миллион литрді құрайды. Оны әзірлеу үшін 120 тонна теңіз тұзы қажет болды. Онда теңіз жәндіктерінің 100-ден астам түрі тіршілік етеді.
3 Хан шатыр (Мадина) Хан Шатыр, әлемдегі шатыр түрді құрылыстардың ең орасан зоры болып, және Қазақстандағы сауда орталықтарыныңең үлкені, әрі бірегей сырт пішінімен айшықталады. Хан Шатыр ОССО – бір шатырдың астында әлем деңгейіндегі ойын-сауық және сауда-саттықты біріктірген, алғашқы лайфстайл-орталық болып саналады. Хан Шатырдың” ішкі көлемі 110 мың шаршы метр аумақты алып жатыр. Бұл сауда және ойын-сауық орталығында ең үлкен қалалық бақ, ірі сауда орталықтары, кинотеатр, концерт залдары болады. Сонымен бірге ғимараттың барлық қабаттарында дәмханалар мен мейрамханалар орналасқан. Орталықтың ішінде тропикалық бақтар, гүлзарлар, субұрқақтар бар. Балалардың тамаша демалысы үшін биіктігі 7 және 4 метрді құрайтын су сырғанақтары жабдықталған.
Ғимараттың сәулетшісі, сәулет өнерінің шебері - Норман Фостер
4 Бейбітшілік және келісім сарайы жайлы мәлімет (Лаура) Бейбітшілік пен келісім сарайы – архитектуралық құрылыс кешені, сәулет өнерінің бірегей туындысы. Ол Астанақаласының қолдан жасалған жота үстінде орналасқан.
Сипаттамасы[өңдеу]
Пирамида іспетті етіп тұрғызылған сарай 2006 жылы 2 қыркүйекте салтанатты түрде ашылды. Оның табан қабырғасының ұзындығы 62 м; ауданы 25,5 мың м². Ғимарат ағылшын архитекторы Н.Фостердің жобасымен салынған. Болат пен тастан тұрғызылған сарай өзара рухани түсінушіліктің жаһандық орталығына айналды. Ғимарат экстерьері пирамида түрінде болса, сарайдың орталық күмбезді залы Нью-Йорк қаласындағы БҰҰ Қауіпсіздік кеңесінің холлы тәрізді етіп салынған.
Бейбітшілік пен келісім сарайы сарайында Қазақстан халықтары ассамблеясы, ұлтаралық және дінаралық келісім орталығы, мұражай, университет, 1,5 мың орынды опера залы, кең орталық атриум мен қысқы бақ орналасқан. Сарай ғимаратының құрылысы құбылмалы ауа райын ескере отырып салынған; оның кіре берісі жер астында орналасқан
5 Нұр Астана мешіті жайлы мәлімет (Аружан) Мешіттің іргетасы 2002 жылы қаланған болатын. Құрылысқа 6 840 000 АҚШ доллары жұмсалды. Мұсылман мәдениеті орталығының ашылуына Мемлекет басшысы Нұрсұлтан Назарбаев қатысты. Ол рухани орталыққа Қағба мен Құран бейнеленген, сүрелер түсірілген жапқышты сыйға тартты, айтып кетерлік, салтанатты ашылуы 2005 жылдың 2 наурызында болды. "Нұр Астана" мешіті ашылғаннан бері мешіт қызметкерлері ел арасында зерттеулер мен семинарлар өткізуде. Мысалы, 2006 жылы Бас имам Қ.Заңқоевтың аталмыш мешіт жайында кең мағлұмат беретін қазақ, орыс, ағылшын тілдерінде «Нұр Астана» мешіті атты кітабы жарық көрді. 2008 жылы 18 маусымда Евразия ұлттық университетінде «Ислам және Ұрпақ тәрбиесі» атты ғылыми танымдық семинары, 2008 жылы Астана қаласы бойынша қарилар жарысы, 2009 жылы Агротехникалық университетінде «Ислам және Заман» атты ғылыми танымдық семинары, елімізде тұңғыш рет 2009 жылы 21-22 қазан күндері «Әдемі әуезді азаншы» республикалық азаншылар жарысын жоғары деңгейде ұйымдастырды. 2007-2008 жылдары БАҚ-да жарық көрген астаналық имамдардың мақалалары мен сұқбаттары топтастырылған «Насихат айттым, Жамағат!.» деген жинақ шықты. 2010 жылы мамыр айында тұңғыш рет «Нұр Астана» орталық мешіті Әлеуметтік-саяси зерттеулер институтымен бірлесіп, діни уағыз-насихат және оқу ағарту жұмыстарына байланысты астаналық мұсылман халқының көзқарасын білу мақсатында сауалнама өткізді. Мешіт ашылғалы бері біршама ғылыми жұмыстарды өткізіп те үлгерді.
6 Алау мұз сарайы (Сандуғаш) Алау (мұзайдыны сарайы) — Астанадағы жабық коньки тебу стадионы. Шорт-трек, хоккей, кёрлинг және мәнерлеп сырғанаудан жаттықтыру және спорт жарыстарын өткізу үшін арналған. «Алау» мұзайдыны сарайы әлемдегі коньки тебу статиондарының ішінде 17-орынды иемденеді.[1] Статион голландтық AD Sportwereld басылымының жариялауы бойынша әлемдегі коньки тебуге арналған стадиондардың арасында бірінші орынды алады.[2] Сонымен қатар қосымша фитнесс орталығы да бар, онда футзал, т.б. ойындар өткізуге болады. Залдың 1 сағатын жалдау — 30000 теңге (соңғы 2012 жылғы қараша айы бойынша).
«Алау» мұзайдыны сарайы Астанадағы Есілдің сол жағалауындағы жаңа әкімшілік орталықта орналасқан. Кешеннің жобасын қазақстандық «ВЛ» архитектура мекемесі жасаған, архитекторы В. А. Лаптев. Бас мердігер - Түркияның Сембол Иншат құрылыс компаниясы. Ғимараттың жалпы аумағы 41 670 кв.м,
Түс шешімінде үш стихия ұйғарылған Сарайдың архитектуралық тұжырымдамасының бейнесі сарай логотипінде көрініс табады.
Мұғалім: Мінекей, балалар,
Астанамыз қандай керемет ғимараттармен көркейген десеңдерші,енді қалған ақпараттарымызбен ұшақта бөлісейік, сүйікті ауылымыз бен мектебімізге қайтатын уақыт та таяп қалған сияқты. Ұшаққа қайта отырып, Президентімізге тағы да өлең жолдарын арнасақ.
Мұғалім: Елімізде бейбітшілік болсын, Тәуелсіздігіміз мәңгі болсын,болашағымыз баянды, ата-аналарымыз аман, барша балалардың денсаулығы мықты болсын!- деген тілекпен саяхатымыздың соңғы нүктесі мектебімізге қонумен аяқтайық. Қатысып атсалысқандарыңызға көп-көп рахмет! Сау болыңыздар!
