"Мен Қазақстан болашағымын"

Кластан тыс шара "Мен - Қазақстан болашағымын!"

Мақсаты:

Білімділік: Ел болашағы мен ертеңі жастар қолында екенін ұғындыру. Жасөспірім санасына халқына деген мақтаныш сезімін ояту; ана тілін, тарихын, өнерін қастерлеуге үйрету;

Тәрбиелік:патриоттық тәрбие беру. Ізденімпаздыққа, адамгершілікке, әдептілікке, білімпаздыққа тәрбиелеу;

Дамытушылық: шығармашылық танымдық қабілеттерін дамыту.

Көрнекілігі: лента, тулар, постерлер, слайд

Жүру барысы:

Ұйымдастыру кезеңі.

Қонақтар барлығы кітапханаға кіріп отырады. Музыка ойналып тұрады. Мектеп туралы слайд көрсетіледі.

Экраннан музыкамен бірге «Жаңалықтар» деген сөз шығады.

Нұржан (журналист) :

- Армысыздар! Сіздерге күндізгі жаңалықтарды ұсынамыз! Бүгінгі таңда облысымыздың білім ордаларының бірі Ақтөбе облыстық арнайы(түзетім) есту қабілеті бұзылған мектеп-интернат-колледжінде «Инклюзивті білім-инклюзивті қоғамға қарай бетбұрыс» деген тақырыпта арналған семинар өтуде. Семинарда мектеп, оқушы, мұғалім жетістіктерін ұсынумен қатар, түрлі ашық сабақтар беріліп жатыр.

- Ал, дәл қазір мектепте «Мен - Қазақстан болашағымын!» атты сыныптан

тыс сабақ өтуде. Ендеше, бірге тамашалайық!

(экраннан сабақ тақырыбы шығады: «Мен - Қазақстан болашағымын!»)

Тәрбиеші сөзі:

- Сәлем достар! Бүгінгі сыныптан тыс сабағымызды біз «Ғажайып алаң» ойынымен бастағалы отырмыз. Ендеше, ойын шартымен танысайық.

Ойын шарты(оқу):

1. Сұрақты мұқият тыңдап, ойланып жауап беру.

2. Бір - бірімізді тыңдау.

3. Жауап дайын болғанда, дайын топ туды жоғары көтеру керек.

1 - айналым:

Қазақстан тәуелсіздігінің 25жылдығына орай мектепте қандай шаралар болды?

Дұрыс жауап: Мектепте тіл онкүндігі, "Айбынды жігіт" сайысы, ым-ишара ән байқауы, отбасылық спорт жарыстары, көрме болды.

2 - айналым:

Республикалық "Жұлдыз-ай" фестивалінде кімдер жүлделі орындарға ие болды?

Дұрыс жауап: Ән байқауынан Үсенбек Ажар ІІІ орынға, бейнелеу өнерінен Қанкелді Жұлдызай І орынға ие болды.

3 - айналым:

Мектепте қандай жаңалықтар болды?

Дұрыс жауап: Салтанатты түрде балалар ойын алаңы ашылды, ең алғаш колледжі ашылып, биыл алғаш түлектер бітіріп диплом алды.

4 - айналым Рио-дағы болған параолимпиада кімдер жүлдеге ие болды?

Дұрыс жауап: Зульфия Габидулина жүзуден, Раушан Қойшыбаева пауэфлифтингтен жүлдеге ие болды.

5-айналым: Республикалық есту қабілетін дамыту пәнінен болған олимпиадада кімдер жетістікке жетті?

Дұрыс жауап: Ермеріков Ерасыл, Мұстафин Қайыржан, Базаров Тұрар, Хасанов Радмир, Дүйісбаева Гүлжанат, Қанкелді Жұлдызай, Нұржігіт Шынарай, Батырбаева Жайна.

6-айналым: Сурет байқауынан республика деңгейінде қай оқушылар жүлдеге иеленді?

Дұрыс жауап: Қанкелді Жұлдызай, Кабибулин Қадырхан, Құламанова Ақбота.

7-айналым: Мектебімізде кімдер жыл адамы атағына ие болды?

Дұрыс жауап: Сурет пәні мұғалімі Телеушов Таймас Ниязбекұлы және колледжі студенті Есенғосұлы Мұхтар.

8-айналым ақтық ойын: Рио-дағы параолимпиадаға Қазақстаннан неше спортшы қатысты?

Дұрыс жауап: 11 спортшы қатысты.

9-айналым: Республикалық, халықаралық чемпионаттарға кімдер қатысты?

Дұрыс жауап: Колледж студенттері Есенғосұлы Мұхтар мен Малайдар Бексұлтан грек-рим күресінен чемпионаттарға қатысып жүр.

Тәрбиеші:

- Жақсы, әр топта 2, 3 ұпайдан. Енді, үй тапсырмасына «Болашақ менің Қазақстаным!» тақырыбына постер және топ аты мен ұрандарын дайындау тапсырылған еді. Қай топта ұпай көп болса, сол топ өзін таныстырсын!

1 - топ: (топ атын, ұранын, постерлерін қорғайды)

Біздің топ: Қыран

Біздің ұран: Біз қазақ еліміз бастан не көрмеген.

Намысын ешкімге қолынан бермеген.

Постер қорғау:

- Біздің постеріміз туған жеріміз Қазақстанға арналады. Бұл постерде 12 қанат киіз үй ретінде мектепті бейнеледік. Болашақта білімді біз 12 жыл алып, осындай сәулетті мектептерде оқитын боламыз.

1-оқушы:

- Біз қазақ халқы әр халықтармен достық қарым - қатынаста өмір сүретін боламыз.Қонақжай халықпыз, жомартпыз, дарханбыз,

Келешек күндерге тәтті үміт артқанбыз - келешекте елімізде жол кептелісі болмайды, өйткені аспан жолы салынып, көліктер аспан жолымен, ұшақтар сияқты жүретін болады.

2-оқушы:

Таныған жұмыр жер Алаштың баласын,

Қазақтың елі мен даңқты даласын - осылай қазақ елі дүниежүзіне жақсы жақтарымен таныс болады.

Тәрбиеші: - Екінші топқа кезек беріледі.

2 - топ: (топ атын, ұранын, посерлерін қорғайды)

Біздің топ: Жұлдыз

Біздің ұран: Ақылды біз жастармыз,

Жарқылдаймыз жанамыз!!!

Постер қорғау:

Біз – Тәуелсіздік Қазақстанның болашағымыз. Ел ертеңі – біздің қолымызда. Қазақстанның көркеюі, өркендеуі – біздің қолымызда. Сондықтан біз болашаққа біліммен, жетістіктерімізбен, жақсы тәрбиемізбен, өнерімізбен жетуіміз керек.

Міне, біздің алдымызда үлкен «Болашақ» шыңы тұр. Сол шыңға талмай, шаршамай нық сеніммен жетуіміз керек!

1-оқушы:

Жарқыратып туған елдің таңбасын - дегендей біз өз рәміздерімізді әрқашан ең биікте қастерлеп өтеміз!

2-оқушы:

Еліміз пайдалы қазбаға өте бай. Оны сақтайтын қоймалар салады. Өзге ғаламшарлықтармен де байланыс жасайтын болады. Қазақстан туған жеріміз дами түседі.

Тәрбиеші:

- Міне, бүгін Қазақстан туралы постер қорғап, өз ойларыңды айттыңдар. Сен президент болсаң, Қазақстанды қалай көркейтесің?

- Болашаққа қандай ұранмен барасыңдар!

Оқушылар хормен:

- Алау болып жанамыз,

Көкке қанат қағамыз!

Біз бақытты жастармыз!

Біз – Қазақстанның болашағымыз! (лентаны жоғары көтереді)

Тәрбиеші:

-Мектебіміздің мақтанышы әнші қызымыз Дүйісбаева Гүлжанаттың орындауында ән "Мекенім- Қазақстан!".

Экраннан журналист шығады.

Нұржан(журналист):

- Міне, мектептің жасөспірімдері бүгінгі таңда, Егеменді еліміздің ұрпақтары болып тәрбиеленуде! Қазір осы жерде отырған қонақтардан сұхбат алғым келіп тұр.

-Сізге бүгінгі кластан тыс шара ұнады ма? ( Қонақтар сөйлейді)

- Назарларыңызға көп рахмет!