бастауыш сынып мұғалімі, №14 орта мектеп-гимназиясы,
Талдықорған қаласы, Алматы облысы
ӘЛІППЕМЕН ҚОШТАСУ. қош бол сүйікті әліппе!
(Әліппемен қоштасу ертеңгілігіне арналған
ашық тәрбие сағаты, 1 «Г» сыныбы)
Мақсаты: Оқушылардың әліппеден алған білімдерін тиянақтау. Әр оқушының іс-әрекеттері арқылы икемділігін, қабілеттерін көрсету, шығармашылық мүмкіндіктерін ашу.
Оқушылардың ата- ана, Отан, ел, болашақ алдындағы борышын сезінуге, елін, Отанын сүюге, оны қорғай білуге тәрбиелеу.
Құрметті қонақтар! Бүгінгі мерекемізге қош келдіңіздер! Кеше ғана мектеп табалдырығын емене аттаған жас бүлдіршіндер бүгін саналы оқушы болып барлық ғылымның атасы, біздің болашағымыздың негізі – Әліппені бітіріп отырмыз. Мұғаліммен бірге оқушылармен қоса оқыған ата-аналар бірлескен еңбегіміздің жемісін көрейік.
Мұғалім: Өтті оқу сан сабақ
Бүгін үлкен салтанат.
Оқулықпен достаспақ,
Әліппемен қоштаспақ,
Өсті білім, бойларың.
Құтты болсын тойларың!
Даяна: Алақай-ау, алақай! Алақай-ау, алақай!
Бұдан былай мен енді
Емеспін жай балақай.
Осыдан да көлемді
Оқи алам өлеңді.
Бардым бүгін мектепке
Оқушымын мен енді
Мұғалім: Балалар көңілді әріптерден сөз құрайық. Ә Л І П П Е
Хормен:
Болашаққа жол ашар –
Ол сүйікті – Әліппе!
Ол сүйікті – Әліппе!
Мұғалім:
Олай болса, бәрімізге ең қымбат Әліппені ортаға шақырайық.
Хормен: Әліппе! Әліппе! Әліппе!
Әліппе:
Армысыңдар, жас достар!
Армысыңдар, ата-ана!
Болашаққа жол бастар,
Әліппең келді ортаңа.
Мерекеңмен құттықтаймын
Бүлдіршіндер, балдырғандар!
Жақсы білім көрімдік,
Болсын сізге халайық.
Не үйреніп, не білдік,
Қане, ортаға салайық!
Мұғалім: Балалар, осы Әліппе сөзінің әр әрпін саралап айтсақ. Ә — әлемді, Л – легімен, І – ізгілік, П – парасатпен, П – паш, Е – етеміз. Мұғалім: - Балалар, олай болса, сүйікті Әліппемізді ренжітпей , рахметімізді айтып, өзімізден кейінгі кішкентай бауырларымыз бен қарындастарымызға табыс ету-біздің міндетіміз. Сондықтан біз осы уақытқа дейін алған білімімізді көрсетіп, ән-күймен, өлеңдермен өрнектеп, өнерімізді ортаға салайық.Әліппе, бүгін кешіміздің ең қадірлі қонағысыз. Сондықтан құрмет тағына жайғасыңыз. -Балалар, білім алу үшін ең алғаш қайда келеміз ? Оқушылар:Мектепке келеміз Мұғалім: Мектеп туралы қандай мақал-мәтел білесіңдер ? Мектеп кеме, білім теңіз.Мектеп-білім ордасы.
Алиби: Іші толы әріпке
Мынау-әйбат Әліппе
Барлық ілім-білімнің
Әжесі-осы әліппе!
Жанайым: Келгенде алғаш мектепке
Білмеуші едік әріпте.
Оқимыз қазір ертегі
Үйреткен оны-Әліппе.
Эльдана: Әліппемен қош айтысып қаламыз,
Енді қолға ана тілін аламыз.
Ата-ана қуанышқа ортақ бол
Сауатты болып шықты міне балаңыз.
Асылхан: Бар кітапқа бас болған
Әліппе-ғылым анасы.
Әліппеден басталған
Даналықтың данасы.
«Ұстазым» әні
Алина: Алфавиттің «А» тұрады басында,
Әрқашанда «Ә» тұрады қасында.
Байқадың ба «Б» тұрады үшінші,
Ал осының сыры недетүсінші.
Қайырымжан: «А» деген ол – аналар ғой ардақты,
«Ә» деген ол – әкелер ғой салмақты.
«Б» деген ол – балалар ғой әдемі,
Біздің елде үшеуі де кәделі.
Алшақ кетпей.
Сондықтан да расында,
Тұрады олар Алфавиттің басында.
Балауса: Отан-біздің әніміз, Отан – біздің сәніміз Ер жетеміз туған ел Сені сүйіп бәріміз.
Жанәлем: Әліппем, менің Әліппем,
Сені қолға алып мен.
Есігін аштым мектептің,
Ертеңгі сәуле жарықпен.
Камила: Ашыла берді алдымнан,
Кең дүниенің есігі.
Соғылған сандар алтыннан,
Әліппе – білім бесігі.
«Самба» биі
Дінмұхамед: Әліппе деген алтын жол,
Апарар сені алысқа.
Жеңіл емес, ауыр жол,
Тырысып бақ намысқа.
Ж.Алихан: Оқуды көп ойладық.
Қызығына тоймадық.
Әріптерді үйреніп,
Сауат аштық, тойладық.
Бекжан: Әліппе даңғыл жол ашты,
Жаңадан пәндер жалғасты.
Әліппе сырын ұқтырған,
Рахмет, ұстаз алғашқы!
«Қазағым менің» әні
Амина: Әліппем, менің Әліппем,
«А» деген бастап әріптен.
Сөз құрап жаза бастадым
Тақылдап таңба танып мен.
Айым: Әліппем, менің Әліппем,
Өмірді келем танып мен.
Қайталап айтам мың рет,
Саған көп-көп рахмет!
Мұрат: Әріптердің тойында,
Әркім құмар ойынға.
Әріптер сыры ашады,
Әсем биге басады.
Алуа: Қолыңа тұңғыш қалам ап,
«А» әрпін алғаш жазарсың.
Білім ап «А»-ны саралап,
«Б»-сына көңіл саларсың.
Мұхаммеджан: Жақсы кітап – «Әліппе»,
Үйретеді әріпке.
Ойыншықпен қоштастым,
«Әліппемен» достастым.
«А»-дан бастап әріпті,
Түгел маған танытты.
«Қуыршақ» биі
Ғалия: Әліппе сенің сырласың,
Әліппе досың болады.
Әріптердің шұғыласы
Дәптеріңе қонады.
«Әліппе» әні
Әліппе:
Ал, достар, бүгін сендер енді менің жолымды әрі қарай жалғастыратын ана тілі пәнімен танысасыңдар. Ана тілін ортаға шақырайық.
Ана тілі:
- Сәлеметсіздер ме, балалар?
Туған елдің тілімін,
Ақылыңмен танылам.
Түсіндірер бәріне
Ана тілі мен болам.
Балалар, мен сендердің келешекте сауатты азамат болатындарыңа сенемін.
Даяна: Ана тілің – арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.
Мұғалім: Олай болса, балалар, алған білімімізді ортаға салайық
1слайд
2 слайд
3 слайд
4 слайд
5 слайд
«Жаса Қазақстан» әні
Әлисұлтан: Қош бол, құтты Әліппем!
Көп нәрсені үйреттің.
Таныстырып әріппен,
Тақылдатып сөйлеттің.
Бақыт: Енді жаза білеміз,
Әріпті қосып әріпке.
Риза боп соған жүреміз,
Сүйікті біздің «Әліппе».
Б.Алихан: Еңбегімен елге сыйлы, Барлық адам мақтаған. Бізге оқытқан Әліппені Ұстазымыз жақсы адам
Ұстаздық еткен жалықпас, Үйретуден балаға,-деп Абай атамыз айтқандай , 42 әріпті үйретіп, білімге жетелеген алғашқы ұстазымызға алғысымыз шексіз.
Азамат: Отан — менің өз елім, Отан – туған өз жерім Отан – далам өзенім, Гүлдей жайнап өсемін.
Мерей: Әліппе – білім анасы,
Әліппе – кітап данасы.
Әліппе бетін ашпаған,
Адамның бар ма баласы?!
Жібек: Ұстаз деген- ұлағаттың шайыры Қыдырының тиетұғын қайыры Ұстаз деген – шуағы мол шапағат, Шаршамайтын, шалдықпайтын тәйірі.
Көрініс.
Ойын қуған жүрген думан бұл кімдер. Сылдыраған балаң тілмен естіледі бір үндер.
Альтаир: Апам айтқан күзде мектепке барасың деп, Көп-көп оқу құралдарын аласың деп.
Балауса:Онда – мында машинаңды неге тастамайсың? Сен әлі ешнәрсені түсінбейтін кішкентайсың.
Даяна:Жоқ, ол жетіге толды, Үлкен бала болды. Мына қуыршақты, машинаны Бөпесіне сыйлайтын болдық. (Балалар ойыншықтарын бөпелерге береді.)
Осы арада 3-сынып оқушысы Амина мектепке бара жатып, ортаға келіп қосылады. Амина: Балалар мектепке бармайсыңдар ма?
Дінмұхамед: Мектеп, мектеп деген ол не өзі? Оның бар ма мұрны, аузы, көзі
Айым:Онда не береді? Менің де барғым келеді.
Амина:7-ге толсаң, ойын қумай бос текке Оқисың әрине сен де мектепте
Ғалия: Мектепте үйрендің сен нені? Көп пе оның сендерге бергені.
Амина: Мектепте бәріміз білім аламыз, Жан-жақты дамып өседі санамыз. Біз секілді ағылшын тілін меңгересің Мектепке домбыра қағуды үйренесің Үйірмеде билегенде бір ғажайып күйге енесің Ән сабағына қатысып ән айтасың Интерактивті тақтада жаңалықпен қайтасың, Спорттың неше түрімен шынығасың, Қарның ашса, асханада сусын ішіп тынығасың. Бүгін 1-қыркүйек білімнің күні Сыңғырлайды мектепте қоңырау үні Мектебім мінекей, ақ ордам тым асқақ Ұстазым, достарым тұр әне қол бұлғап. Жүріңдер, үңіліп мектептің сырына Шығайық біз бірге білімнің шыңына. Елназ: Күлімдеген, күнім деген Қамқор болған, ұстазым Жаны жайсаң Жайдарлы жан Ұғындырған сөз сырын
Бәрін білген, Білім берген Жас ұрпаққа талмастан Әрбір жастың Қарлығаштың Көңіл сырын дәл басқан.
Наз: Ата-анадан кейінгі Жарқыным сенсің Ержеткенге дейінгі Ақылшым сенсің мектебім.
Біліміңді аяма Ата-анадай аяла Мектеп ана болмаса Бала құшақ жаяма.
Альтаир: Сипадың да басымнан Әліппені ұсындың Бақытымның осыдан Басталғанын түсіндім
Мұғалім: -Балалар, біз әлі бағаланбаймыз, бірақ жаңа жылдан кейін сендерге баға қойылады. Қай баға жақсы екенін білу үшін, бағаларды сөйлетіп көрейік.
Азамат: 1 дегенің жаман баға, Алады оны жаман бала. Камила: 2 дегенің нашар баға, Інішегім нашарлама. Альтаир: 3 дегенің орта баға, Сапасы оның орта ғана. Айым: 4 дегенің жақсы баға , Алады оны жақсы бала. Бақыт: 5 дегенің үздік баға, Оқитын бол үздік қана.
Ойын «Дұрыс, дұрыс емес»
«Вальс» биі
Әліппе:
Әліппенің бетін жарық ет,
Ұл-қызды түгел білімді ет!
Келесі оқу жылына,
Аман-есен түгел жет!
«5» болсын алар бағамыз,
Біліммен бақыт табамыз,
Өнер – білім көп тоқып,
Өсе берсін санамыз!
Әумин!
Ал, мен енді сендермен қоштасамын. Қош болыңдар, балалар! Сабақты жақсы оқыңдар!
Хормен: Қош бол, қош бол, құтты Әліппе!
Рефлексия:
Сонымен, балалар, сендер Әліппе кезеңінде нені оқып, үйрендіңдер?
