Ашық сабақ: "Қар күрегін жинап құрастыру"

Пәні: Еңбекке баулу.

7 «В» сынып

Күні:20.01.2017ж

Сабақтың тақырыбы: Қар күрегін жинап құрастыру.

Сабақтың мақсаттары:

1. Білімділік:Қар күрегінің жасалу жолдарын түсіндіру, ағаш өңдеу әдістерін

меңгеру, оған қажетті құрал-саймандармен танысу.

2. Түзету-дамытушылық: Оқушылардың танымдылық, зейінін, есте сақтау

қабілеттерін арттыру, ой-өрісін дамытуға ықпал

ету,ұсақ моторикасын жетілдіру, өз беттерінше

жұмыс жасау дағдыларын қалыптастыру.

3. Тәрбиелік: Оқушыларды еңбекке, ұқыптылыққа, шеберлікке, төзімділікке,

ұйымшылдық пен жинақылыққа тәрбиелеу, кәсіби бағдар беру.

Сабақтың түрі: аралас сабақ

Сабақтың әдіс-тәсілдері: Сұрақ-жауап, экран, теориялық,

сарамандық жұмыс.

Пәнаралық байланыс: математика, сызу, ӘТБ

Сабаққа керекті құрал-саймандар мен материалдар:Фанера саптық ағаш,

табан, мм-лік сызғыш, ара, сүргі, бұрғы, бұрама шеге, қаңылтыр, бұрауыш.

Сабақтың барысы:

1.Ұйымдастыру кезеңі:

А) Оқушылардың сабаққа қатысуын тексеру.

Ә) Керекті құрал жабдықтарын алдыру.

Б) Олардың арнайы киіміне көңіл бөлу.

В) Оқушылардың назарын сабаққа аудару.

2. Өткен сабақты қайталау: Сұрақ-жауап арқылы

- Балалар, біз өткен сабағымызда қандай тақырып өттік?

III-деңгей	IV-деңгей
Сендер күректің қандай түрлерін білесіңдер?	Күрек не үшін қолданылады? Мұғалімнің көмегі арқылы күректердің түрлерін ажырата білу.

3. Жаңа сабақ. Түсіндіру әдісі

- Балалар, қазір жылдың қай мезгілі? (қыс). Қыс айында қар көп жауатындықтан, қар күреу қиынға түседі. Сендер үшін қарды жалпақ темір күрекпен күреу қиын әрі ауыр. Сондықтан өздеріңнің жастарыңа ыңғайлы әрі жеңіл етіп ағаш материалдарынан күрек дайындауға болады. Мұндай күрек жасауға көп материалдар да қажет емес, мектеп шеберханасында оны жасауға керекті құрал жабдықтар да жеткілікті. Сонымен, біздің негізгі мақсатымыз қар күрейтін ағаш жасау. Ағаш күрек негізі үш бөліктен табаннан, саптан және қалақшадан тұрады. Дайындамалар ретінде – ағаш білеуше мен фанера, шере тақтай қажет. Міне, осы аталған материалдар мен құрал-саймандарды қолдана отырып қар күрегін жасаймыз және оны жинап құрастырамыз. Сонымен, қар күрейтін күрек жасау үшін көп шығын қажет емес, біздің жасаған күрегіміз базармен салыстырғанда арзан. Жасалған бұйым әрі берік, әрі әсем, көп жыл қызмет ететіні сөзсіз. 1- қалақшаға майда шегемен 2-ші табанда қағып біріктіреміз. Одан соң қалақша мен табанға сапты бекітеміз, әрі қарай қамыт қойып оны бұрама шегемен бұрап бекітеміз. Соңынан қалақшаның жүзіне қаңылтырдан қамыт кигізіп аталған жұмысты аяқтаймыз. Осымен біздің жасаған қар күрегіміз дайын болды. Балалар, сендер жаңа сабақты түсінбеген жерлерің болса сұраңдар.

А) Қалақшаның ұзындығы: 44 см, ені 39 см, саны 2 дана.

Ә) Саптың ұзындығы: 135 см, ф 30 мм, саны 2 дана.

Б) Табанның ұзындығы: 39 см, биіктігі 6 см, саны 2 дана.

В) Қамыттың ұзындығы 39 см, саны 2 дана.

III деңгей	IV деңгей
Ағаш күректерді пайдаланып қандай жұмыстарды атқаруға болады?	Күректерді ағаштың басқа тағы да қандай материалдан дайындайды?

5. Сарамандық жұмыс.

Жұмысты бастамас бұрын әр түрлі құрал-саймандар қолданатындықтан техника қауіпсіздік ережесін еске саламыз.

А) Араның Т.Қ.Е.

Ә) Бұрғының Т.Қ.Е.

Б) Шеге, бұрама шегенің Т.Қ.Е.

В) Сүргінің Т.Қ.Е.

Г) Темір қайшының Т.Қ.Е

Д) Құм қағаз Т.Қ.Е.

Сабақты талдау: Кемшіліктерді түзету

6.Сабақты қорытындылау.

Оқушылардың 2 топ бойынша жасаған бұйымдарының сапасын тексеріп, жұмыстарының нәтижесін, кеткен кемшіліктерін көрсетіп шығамын. Ағашты дұрыс өңдеп небір бұйымдар жасауға көздерің жетті, енді өздерің ізденіп көріңдер, осыны естеріңнен шығармаңдар.

Бағалау: Оқушылардың жаңа сабақтан алған білімдерін, еңбектерін бағалау.

Жұмыс орнын жинау.

Күтілетін нәтиже:

Біледі: Оқушылар ағаш материалдарымен жұмыс істей біледі.

Игереді: Ағаш қалдықтарын пайдаланып, әр түрлі бұйым жасауды игереді.

Меңгереді: Оқушылар жаңа сабақты мұғалімнің түсіндіруі бойынша меңгереді. Құрал-саймандармен жұмыс атқаруды біледі.

Тексерілді: --------------------Л.Т.Аттыбаева

Күні: 137.01.17ж

Сабақ тақырыбы: Екінші тағам “көкөністерді бұқтыру”

1.Білімділік: Оқушыларға екінші тағам түрлерімен, көкөністерді бұқтыру

тәсілдерін үйрету.

2.Дамытушылық: ӘТБ сабағындағы алған білімдерін, күнделікті өмірде

қолдана білуге, шеберліктерін, іскерліктерін, ойлау

қабілеттерін жетілдіру.

3.Тәрбиелік: Оқушыларды ұйымшылдықпен жұмыс жасауға үйрете отырып,

еңбексүйгіштікке, шыдамдылыққа, аспаздық өнерге баулу.

Сабақтың түрі: аралас

Сабақ әдісі: түсіндіру, ой қозғау, сарамандық жұмыс, сұрақ- жауап.

Сабақ көрнекілігі: Слайдтар, көкөністер түрлері.

Сабақта қолданылатын құралдар: Мультиварка, ыдыстар, тақтайшалар,

пышақтар, көкөніс түрлері.

Сабақтың барысы:

I.Ұйымдастыру кезеңі: Оқушылармен амандасу, түгендеу,

оқушылардың назарын сабаққа аудару.

II.Үй тапсырмасын сұрау:

1.Бірінші тағамға қандай тағам түрлері жатады?

Жауабы: Сорпа, қырыққабат сорпасы, күріш сорпа, кеспе көже,

наурыз көже.

2.Бірінші тағамды қандай азық- түліктерден дайындаймыз?

Жауабы : Ет, пияз, картоп, қызанақ, әр түрлі жармалар, дәмдеуіштер

3.Ет қайнатылған сұйықтық қалай аталады? Жауабы: сорпа

“Ой шақыру” сұрақ-жауап.

1.Көкөністер туралы не білеміз? (оқушының ой пікірін тыңдау)

2.Көкөністер түрлерін кім айтады? ( картоп, сәбіз, қызылша, шалқан,

асқабақ, патисон,кәді, бұрыш, т.б.)

III.Жаңа сабақ.

Балалар бүгін сабағымызда осы көкөністерден екінші тағам түрлерін дайындап үйренеміз.

-Екінші тағамға қандай тағам түрлері жатады?

(макарон, палау, мәнті, картоп езбесі, т.б.)

-Өте дұрыс, екінші тағамға қою тағам түрлері жатады.

Көкөніс тағамдары адам ағзасына жеңіл сіңетін дәрумендерге толы азық. Сондықтан үнемі күнделікті тағам даярлауда көкөністерді көбірек пайдаланған жөн. Көкөністерде біздің ағзамызға қажетті минералды затар бар.

Тағамдар жеңіл, сіңімді, сыртқы көрінісі әдемі, дәмді, иісі ұнамды болу үшін, бүгін сабағымызда, көкөніс тағамдарын бұқтырып өңдеп екінші тағам даярлап үйренеміз.

Бұқтыру- азықтарды алдын ала турап, арнайы кастрюлге салып, тұз, май, дәмдеуіштер, азғана сұйықтық құйып пісіреді.Бұқтырылған кезде, қақпағын жауып, бұқтыру және қосууақытына қосады.

Қажетті азықтар: 1) Орамжапырақтың жарты бөлігі

2) Сәбіз- 1 дана 6) болгар бұрышы- 1 дана

3) Картоп – 2 дана 7) пияз- 1 дана

4) қызанақ – 3 дана 8) 150 гр май

5) кәді – 1 дана 9) тұз, қара бұрыш, дәмдеуіштер.

IV.Сарамандық жұмыс

1.Жұмыс орнын ұйымдастыру.

2.Қауіпсіздік ережелерін есте сақтау(электр мультиваркасы, пышақпен жұмыс).

3.Көкөністерді бұқтыру (слайд).

4.Дайын тағамның сапасын анықтау.

5.Жұмыс орнын жинақтау.

6. Техника қауіпсіздік ережелері.

-пышақпен

-тоқ пешімен

Сабақты қортындылау.

1.Тағамдар қанша түрге бөлінеді? (1-2 сұйық, қою тағам)

2. Шикідей жейтін көкөністерді атаңдар?

Жауабы: сәбіз, орам жапырағы, қияр, қызанақ, т.б.

3. Бұқтыру дегеніміз не?

Жауабы. Көкөністерді баяу отта дайындау.

Бағалау: Білім деген биік шың,

Бақытқа сені жеткізер,

Білім деген ақылшың

Қиындықтан өткізер, - деп бүгінгі сабағымызда озық ойымен өте

жақсы қатысқан оқушыларды мадақтау, бағалау.

Үйге тапсырма:

Өз қалаулары бойынша көкөністердің суретін салып әкелу.

	Өлшеуіш құрал-саймандарын дайындау
1	Өлшеуіш құрал-саймандарға қойылатын талаптар	2	09.01.17
2	Белгілеу аспаптарына қойылатын талаптар	2	10.01	Үлгі макет
3	Өлшеу жұмыстарына арналған бұрыштық -өлшеуіш туралы мәлімет (Столярный угольник)	2	11.01
4	Өлшеуіш бұрыштықты пайдаланып жұмыс жасау	2	13.01.	Жұмысты орындау
5	Бұрыштықтың құрылысы мен атқаратын қызметі	2	14. 01
6	Малка-туралы жалпы мәлімет	2	16. 01
7	Бұрамалы рейсмустың түрлері туралы мәліметтер беру	2	17. 01
8	Қар күрегінің сызба-нұсқасын жасау,бөлшектерін кесіп дайындау	2	18. 01
9	Дайын бөлшектерден қар күрегін жинап құрастыру	2	20. 01	Жұмысты орындау
10	Штангелциркульдің құрылысы мен атқаратын қызыметі	2	21. 01	Үлгі макет
14	Ағаш материалдарының қасиеттері
1	Ағаш материалдарының микроскопиялық құрылысы туралы мәлімет	2	23. 01	Өлшеуіш құралдар
2	Ағаш материалдарының физикалық қасиеттері	2	24. 01
3	Ағаш материалдарының механикалық қасиеттері	2	25. 01	Жұмысты орындау
4	Ағаш материалдарының химиялық қасиеттері	2	27. 01
15	Әр түрлі тесіктерді бұрғылап тесу Құрал- саймандары
1	Бұрғылар туралы жалпы мәлімет.	2	28.01.
2	Бұрғылау жұмыстары кезіндеТ.Қ.Е. сақтау шаралары.	2	30.01	Т.Қ.Е.сақтау
3	Әр түрлі өлшемдегі тесіктерді бұрғылайтын бұрғылардың түрлері.	2	31.01	Бұрғылардың түрлері
4	Бұрғыны қайрап өткірлеу тәсілдері	2	1.02.17	Т.Қ.Е.сақтау
5	Электр бұрғы туралы жалпы мәлімет	2	3. 02.	Электр бұрғы
6	Бұрандалы бұрғы туралы жалпы мәлімет	2	4. 02.	Т.Қ.Е.сақтау
7	Қысқаша науа тәрізді бұрғы туралы жалпы мәлімет	2	6. 02.	Қасықша науа тәрізді бұрғы
8	Бұрғылау тәсілдерін үйрену және бұрғы конструкцияларымен танысу	2	7. 02.
16	Ағаш материалдары
1	Қылқанды және жалпақ жапырақты тілінген дайын ағаш материалдары	2	8. 02.	Ағаштардың түрлері
2	Қылқанды және жалпақ жапырақты дайын	2	10. 02.	Сақтау тәсілдері