Әшекей бұйымдар жасау Еңбекке баулу 3 сынып

Пәні:

Еңбекке баулу

Сыныбы:

3ж

Уақыты:

Сабақтың тақырыбы:

Әшекей бұйымдар жасау.

Құзіреттілікке жеткізетін сабақтың мақсат – міндеттері:

а) ақпараттық құзіреттілік:

Ақпарат көздері арқылы әшекей бұйымдар жасау жайлы оқушыларға түсінік беру.

ә) коммуникативтік құзіреттілік:

Моншақтан жасалатын әшекей бұйымның жасалу жолының ретін меңгере отырып, ауызша сөйлеу дағдысы , логикалық ойлау қабілетін қалыптастыру.

б) проблеманы шешу құзіреттілігі:

Түрлі түсті сумоншақтан алқа, білезік, сырға жасуға дағдыландыру.

Сабақтың типі:

Жаңа материалды түсіндіру.

Сабақта қолданылатын педагогикалық технологиялар:

Ынтымақтастық, білім беруді ізгілендіру.

Сабақтың әдісі:

Түсіндірмелі-иллюстративті, машықтық.

Пәнаралық байланыс:

Бейнелеу өнері, дүниетану.

Оқыту құралдары:

Оқулық , түрлі – түсті сумоншақтар,ине,жіп,қайшы

Сабақтың барысы

Мұғалімнің қызметі

Оқушының қызметі

Күтілетін нәтиже

І. Ұйымдастыру бөлімі

Амандасу, түгендеу; оқу-құралдарының дайындығын, кезекшінің жұмысын тексеру; сабақтың мақсат-міндеттерін таныстыру; бүгінгі сабаққа оқушылардың қызығушылығын ояту, назарын сабаққа аудару.

Психологиялық дайындық.

Гүл өсірсең терлеп,

Мұның аты – еңбек.

Кесте тіксең зерлеп,

Мұның аты – еңбек.

Қиындықтың бәрін

Еңбек қана жеңбек.

Амандасады; оқу-құралдарын дайындайды, кезекшілік міндеттерін атқарады; сабақтың мақсат-міндеттерімен танысады; көңіл-күйі көтеріңкі болады, мұғаліммен бірге өлең жолдарын қайталайды.

Гүл өсірсең терлеп,

Мұның аты – еңбек.

Кесте тіксең зерлеп,

Мұның аты – еңбек.

Қиындықтың бәрін

Еңбек қана жеңбек.

Сынып сабаққа психологиялық тұрғыдан дайын болады, мұғалім мен оқушылар арасында ынтымақтастық қарым-қатынас орнайды.

ІІ. Жаңа материалды түсіндіру.

Сергіту сәті

-Оқушылар бүгінгі өткелі отырған тақырыбымыз:

Әшекей бұйымдар жасау.

Оқушылар тақтадағы суретке назар аударайық.

Рухани мұраларымыздың бәрі-әшекей бұйымдар.Зергерлердің жасаған әдемі бұйымдары арулар бойына сән,ажар береді.Зергерлер негізгі материал ретінде пәле-жаладан,тіл-көзден сақтайтын қасиеті бар деп,алтын мен күміс металдарды пайдаланған.Көптеген әшекей бұйымдар ұзатылатын қыздардың сән-салтанатты жасауы ретінде арнайы дайындалған.Зергерлік бұйымдарға білезік,сырға,жүзік,алқа,шашбау жатады.Бұл бұйымдарды ұлттық салт-дәстүрімізде қыздар сәндік үшін таққан.Әшекей бұйымдарды тек алтын,күміс,платина,жез,мельхиор металдарынан ғана емес,ұсақ моншақтардан да жасауға болады.

Әшекей бұйымдарды өздеріңде жасай аласыңдар.Сендер үшін өз қолдарыңмен жасаған бұйымнан артық нәрсе жоқ.Ол затқа сендер бар ынталарыңды,қиялдарыңды,өнерлеріңді,

білімдеріңді жұмсайсыңдар.

Әшекей бұйымдарды жасау үшін сумоншақты,ұсақ моншақтарды пайдалануға болады.Олардың өлшемдері,түстері де әр алуан.Сондықтан жасайтын бұйымға байланысты моншақты,оның түсін,ине-жіпті таңдай білу керек.

Оқушылар сергіту сәтін орындап,сергіп алайық.

Ұсталардай тарсылдатып,

Шегені де қағамыз.

Әшекейлеп, әдемілеп

Қағазды да қиямыз.

Оқушылар бүгінгі жаңа тақырыптың атымен танысады.

-Тақтадан алқаның суретін көріп тұрмыз.

Оқушылар сумоншақ туралы ақпарат алады.

Оқушылар мұғаліммен бірге сергіту сәтін орындайды.

Ұсталардай тарсылдатып,

Шегені де қағамыз.

Әшекейлеп, әдемілеп

Қағазды да қиямыз.

Оқушылар қойылған сұраққа ойлана отырып, дұрыс жауап беруге үйренеді.

Алқа жайлы білетін ойларын айта алады.

Оқушылар сергіту сәті арқылы бір сергіп қалады.

IІІ. Машықтық кезең.

Алдымен қауіпсіздік ережелерін біліп алайық.

1.Моншақтар шашылып кетпес үшін оларды бөлек ыдысқа немесе қорапшаға салған дұрыс.

2.Моншақ өткізетін жіп өте мықты болғаны жөн.

3.Моншақтарды жіпке өте тығыз тізбеу керек.

4.Жұмыстың соңында жіптің ұшын мықтап бекітпесе,бар істеген жұмысың зая кетеді.

Ал енді оқушылар ереже түсінікті болса,біз сумоншақтан алқа жасап көрейік.Ең алдымен бізге керекті құрал-жабдықтар

Ине,жіп,қайшы,сумоншақтар

Жұмыстың орындалу реті:

1.Моншақтың көзінен өтетіндей екі ине таңдап ал.Ине жуан болса,моншақтың тесігінен өтпей қалуы мүмкін.Қажетті өлшемдегі мықты жіптің екі ұшын екі инеге өткіз.

2.Бір жақ ұшындағы инеден 1 үлкендеу моншақты,екінші жақтан 4 сумоншақты өткіз.Соңғы өткізілген төртінші сумоншақтан үлкендеу моншақтың инесін де өткіз.

3.Осы моншақты өткізу ретін бірнеше рет қайтала.Жіптің ұшын түйіндеп,ілгектерін бекіт.

Білезік пен сырға да осылай жасалады.Оларды жасау үшін моншақты тізу ретін неше рет қайталау керек екенін ойланып көріңдер.

Түрлі түсті сумоншақтан өздеріне өң таңдап, оған түрлі түсті сумоншақтан ұнаған алқалар жұмыс түрін қайталап салады.

Оқушылар түсті сумоншақты инеге және жіпке қалай өткізу керек екенін үйренеді. Оқушылар жеке қабілеттерін жұмысты орындау арқылы шеберліктерін шыңдайды.

ІV. Үйге тапсырма Қорытынды, бағалау.

Оқушылар үйге осы жұмыстарыңызды аяқтап келесіздер.

1. Жұмыс барысында қандай керекті құрал-жабдықтар қолдандыңыздар?

2. Бүгін моншақтан қандай бұйым жасадыңыздар?

-Сабақ аяқталды.Сау болыңыздар!

Үй тапсырмасын күнделіктеріне жазып алады.

1. Жұмыс барысында түрлі-түсті сумоншақтар және де жіп қолдандық.

2.Бүгін моншақтан әшекей бұйым жасадық.

- Сау болыңыз!

Үй тапсырмасына кіріседі, келесі сабақта мәлімет беруге дайындалады.

Оқушылар қойылған қорытынды сұрақтарға жауап береді. Жұмыс жасаған орындарын жинайды. Оқушылардың жұмысын бағалайды. Сабақ қорытындыланады.