Орамалды өңдеу технологиясы

Сабақтың тақырыбы: Практикалық жұмыс № 18  «Орамалды өңдеу технологиясы»

Сабақтың мақсаты:

-Оқушыларды орамалды өңдеу технологиясымен таныстыру. Теориядан алған білімдерін практикамен ұштастыра білуіне мән беру,икем, дағды,біліктерін қалыптастыру.

- Оқушыларға іс тігу өнерін үйрету үстінде  талғамы мен өнерге деген шеберлік, ынта қабілетін дамыту. Затты, бұйымды безендіру дағдылары мен біліктілігін бекіту.

-Өз бетінше ұқыпты, әрі жылдам жұмыс істеуге баулу, тәртіптілік пен саналылыққа, өзара көмек беруге тәрбиелеу, салт-дәстүрді құрметтеуге, әсемділікке, эстетикалық талғамдарының қалыптасуына тәрбиелеу

Сабақтың түрі:  Жалпы білімді меңгерту сабағы

               Сабақтың әдісі: Сарамандық,сұрақ-жауап әдісі, мультимедия.
               Пәнаралық байланыс: бейнелеу,математика,тарих,әдебиет.
               Көрнекілігі: проектор, бұйым бөлшектері, бағалау парағы, смайликтер

Қажетті құралдар: Қайшы,ине,жіп, сантиметрлік таспа, бор,
Сабақтың барысы:
І.Ұйымдастыру кезеңі.
Сынып оқушыларымен амандасу,түгелдеу,журналға белгілеу.

Оқушыларды сабаққа психологиялық дайындау:  Мұғалім:  «Мен саған сенемін, себебі сен ұқыпты оқушысың» Оқушы келесі көршісіне жалғастырады. Барлығы айтып болған соң Мен, саған, сенемін сөздері бойынша үш топқа  топтастыру. Бағалау парағын таратып беру.

ІІ.Үй тапсырмасын сұрау.

Графикалық диктант

1  Табиғи талшықтар үш топқа бөлінеді ме?(иә)

2  Матаның арқау жібі жиектемені бойлай өте ме? (жоқ)

3  Негізгі жіп берік, жіңішке болады ма?( Иә)

4  Алжапқыштың қалтасы жабық қиықты бүгіп көктеумен өңделеді ме? (жоқ)

5  Ашық қиықты бүгіп көктеу машина тігісіне жатады ма? (жоқ)

6  Тігін машиналары екі топқа бөлінеді ме? (Иә)

7   Қол инесінің науашасы болады ма? (жоқ)

8   Тігін машинасы екі жіппен тігеді ме? (Иә)

9 Алжапқыштың ұзындығын алу үшін  мықынның жартылай орамын өлшейміз бе?  (жоқ)

10  Алжапқыш бел бұйымына жатады ма ? (Иә)

Иә

.

.

.

.

.

Сұрақтар

1

2

3

4

5

6

7

8

9

10

Жоқ

.

.

.

.

.

1-3 дұрыс жауап-«5»,4-7 дұрыс жауап – «4», 8-10 дұрыс жауап – «3»

Оқушылардың жаңа тақырыпқа зейінін аудару мақсатында «Жұмбақ шешу» ойынын ұсыну

Жұмбақ                                            шешуі                                  мақал

  1.Танауында арқаны,

Бiр батып,бiр шығып,             ине                       Тігіншіні инесі асырайды.

Алға қарай тартады. 

  2. Екі басы дөңгелек,

Екi ұшы сүйiр,                                 қайшы                 Алтын қасық ішуге жақсы

Қиғанға үйiр.                                                           Алтын қайшы кесуге жақсы                                                    

 3.Тұра қалсам алдына,                                                      Көз адамның айнасы                     

 Жалтыраған ақ айдын,                    айна

  Өзiмдi -өзiм мен мына,                   

 Көре аламын ап-айқын.

4.Тігіншінің қорғаушы құралы        оймақ                Оймақ пішсең де ойлап піш

 5.Танауында арқаны,                           

. Бiр батып,бiр шығып

 Алға қарай тартады                   ине                        Тігіншіні инесі асырайды.

ІV.Жаңа сабақ.
-Оқушылар біз қандай бұйым тіккелі  жатырмыз?
-Орамал

 - Орамал – сүртінуге арналған ұзынша төрт бұрышты мата. Этнолог С.Қасимановтың айтуынша, орамал сөзінің түбірі парсылардың “рой” – бет және “мал” – мата сөздерінен қалыптасқан. Орамал пайдалану мақсатына қарай бет орамал, қол орамал, сулық орамал, майлық орамал деп бөлінеді. Қол орамалды ертеректе қыздар кестелеп ұнатқан жігітіне сыйға тартатын болған. Еуразияны мекен еткен көптеген халықтардың әйел өкілдері орамалдың арнайы жасалған түрлерін басқа да тартқан. Оның көлемі мен түрі әрбір тарихи-мәдени өңірлерде әрқалай болып, оған жергілікті ұлттық ерекшеліктер (калорит) берілген. Дәстүрлі қазақ қоғамында орамалдың ерекше бағаланғандығын халық арасындағы “Орамал тон болмайды, жол болады” деген мақалдан да аңғаруға болады. Оны адамдар өзара сыйластық пен ықыласты көрсету үшін бір-біріне сыйға да береді. Халық арасында орамалдың басқа тартатын шаршы, қиықша, т.б. түрлері кең тараған. [1]

Топтық  жұмыс 1-топ: Қазақтың ұлттық бас киімдері ;  2-топ:Бас киімге байланысты ырымдар ;  3- топ: Алжапқыш пен басорамалды моделдеу

- өзара бағалау

Сарамандық жұмыс 

Материалдар және құрал-жабдықтар. Үшкіл орамал пішімі, әрлеу сызбасы, жіптер, қайшы, оймақ, оқулық.

Кіріспе нұсқау: Қол жұмыстары кезіндегі қауіпсіздік ережесі

Ағымды нұсқау:  Орамалдың қиықтарын жабық қиықты бүгіп көктеу әдісімен өңдеу

Оқушылар жұмыс жасап жатқан кезде музыка қосып қою.

                   Нұсқау карта

1.  Үшкіл орамалды түзу қиықтың шетін ішке қайырып, бүгіп көктеу әдісімен өңдеңдер.

2.  Қиғаш қиықты әрлеу  тігісімен өңдеңдер.

3.  ылғалды- жылумен өңдеу жұмысын жүргізіңдер.

Қорытынды нұсқау: Дайын бұйымның сапасын тексеріңдер

Сергіту сәті: Автопортрет салу :Оқушыларға ақ бет және түрлі-түсті фломастер таратылып беріледі,ақ бетті төбелеріне қойып өздерінің суретін салады, болғандары тақтаға барып жұмыстарын іле береді.

V.Бекіту.
(Жақсы жасалған жұмыстарды атап өту,қателерді талдау)
VІ.Қорытындылау.Сабақты смайликтер арқылы бағалау
VIІ.Бағалау.Бағалау парағы бойынша өзара бағалау,өзін-өзі бағалау
(Жұмыс орнын жинау,бағалау.)
VIIІ.Үйге тапсырма беру.
Үйден аяқтап келу