"Киім күтімі және оған қойылатын талаптар"

Сабақтың тақырыбы: Киім және оған қойылатын талаптар.Киім күтімі.

Сабақтың мақсаты:

  Оқушыларға киім туралы мәлімет бере отырып,киімді күту, жуу,тазалау,жуғыш заттарды қолдану ережесімен және киім күтудегі зат белгісіндегі таңбаларды таныстыру,оқушылардың өз киім-кешектерін күту, жуу, тазалаудағы икемділіктерін дамыту.

Көрнекілігі:Интерактивті тақта,корточкалар,жуғыш ұнтақтар,суреттер.

Күтілутін нәтиже: Оқушылардың сынни тұрғыдан ойлауларының дамуы,топпен бірлесе жұмысқа дағдылануы,киім түрлерін ажырату, киімді күте білу.

Сабақ барысы:

Сабақтың басы:

Ұйымдастыру кезеңі

а) оқушылармен сәлемдесу

ә) оқушыларды түгендеу

б)оқушы назарын сабаққа аударту .

Үй тапсырмасын тексеру

-«Кім жылдам?» ойыны
Ұяшықтарға сұрақтар жасыру
10 10 10 жауап берген топқа
20 20 20 жауап берген топқа
30 30 30 жауап берген топқа
1.Тігін машинасының түрлері неше түрге бөлінеді?

(Үш түрге 1. Қол жетекті 2. Аяқ жетекті.3. Электр жетекті) 10
2. Машина тігіс түрлерін ата?(Үш түрі бар 1. Жапсырмалы тігіс,2.бастырмалы тігіс 3)шет тігіс)10

3. Машина инесінің негізгі қызыметті не?(негізгі қызметі тігіс тігу) 10

4. Тігін машинасын жұмысқа қалай дайындайды? (астыңғы және үстіңгі жіптерді сабақтау,артық заттардан тазалау, машинаны ток көзіне қосу) 20

5.Мшинанаың жақсы жұмыс істеуінің маңызы шарттарының бірі? (иненің дұрыс рннатылуы)20

6.Тігін машинасының ең алғашөы жобасын кім ұсынды? (1755 жылы неміс Карл Вейзантель) 20

7.Тігін машинасын қандай маймен майлайды?(Тігін машинасына арналған арнайы маймен майлайды)30

8.Машина инесінің құрлысы қандай?(Колба, оқтама, ұшы ,оқтамасында –ұзын науашық, ұшында –көз болады)30

9.Тігін машинасын неге не үшін тазалдау және майлау қажет?(Тазалау және майлау машинаның бөлшектерін мезгілінен бұрын тозудан сақтайды)30
Сабақтың ортасы:

Бүгінгі күннің ретін жазып алайық.

Киім бізге не үшін қажет? Киімге қандай талап қойылады?

Киім – адамның денесіне киюге арналған бұйым, жасанды жамылғы түрлері. Киім адамды қоршаған ортаның, табиғаттың түрлі әсерлерінен қорғайды. Оның тұтыну мәнімен бірге ғұрыптық және белгілі бір мақсатқа қызмет ететін маңызы бар. Жақсы киінуге ұмтылатын кісіге жинақылық, тазалық қасиеттер тән болу керек.Үтіктелмеген, дақ түскен, кей жерлері майланып кеткен киімдерді, жағасы мен жеңі кірлеп, қыртыстанған жейдені киюге болмайды. Түймелердің дұрыс және берік қадалуын, киімдегі тесілген, жыртылған жерлерді жамап, тігіп отыруды ұмытпау қажет. Синтетикалық киімді киюдің кажеті жоқ, әсіресе жазды күні. Өйткені адам денесінің терлеуіне байланысты тер киімге сіңбей тері үстінде болып бірнеше жұқпалы ауру тарататыны микробтардың ұясына айналуы мүмкін.Маусым ауысқан кезде бұйымдарды жуып, тазалап, үтіктеп, күйеден сақтайтын препараттарды сеуіп, келесі маусымға дейін сақтап қояды. Сәнділік қарапайымдылық пен ыңғайлылық қазіргі кездегі сәннің киімге қоятын талаптары.

Эстетикалық талаптар: киім әдемі болуы керек; қазіргі заманғы сән бағытына сәйкес болуы керек; адамның жеке дене құрылысы мен жас ерекшеліктерін ескеруі керек.

Гигиеналық талаптар: киім жайлы микроклимат жасауы керек; жеңіл, жұмсақ, мықты, қыртысталмауы керек; қозғалыс, дем алу, қан айналымы еркіндігін қамтамасыз етуі керек; жеңіл жуылуы, тазалануы, үтіктелуі керек.

Эксплуатациялық (пайдалану талаптары): киімнің түрлі атмосфералық әсерлерге, суға, жуу құралдарына, тазалауға және де оның матасының тігуге төзімділігі. Киімнің пайдалану ұзақтылығы оны кию шарттарына байланысты болады.

Қолданылуына қарай киім түрлерінің бөлінуі:

• Сырт киім

• Жеңіл киім

• Іш киім

• Жағажай киімі

• Бас киімі

• Тоқыма киім

Пайдалану түріне қарай киімнің барлығы иықты және белдікті болып бөлінеді. Иықты киімдер иықтан,ал белдікті киімдер белден киіледі. Әйелдердің белдікті киімдердің ішіндегіең кең тарағаны –белдемше. 

-макси тобыққа дейін

-миди тізеге дейін

-мини тізеден біраз жоғары болып ажыратылады.

Жұптастырып сұрақ қою? Оқушылыр өздері іздеп жауап береді.

1. Сырт киімге нелер жатады?

2. Жеңіл киімге нелер жатады?

3. Жағажай киімдер?

4. Бас киімдер?

5. Тоқыма киімдер?

6. Иықты киімдер?

Қауіпсіздік ережесін еске түсіру.

1. Жарық жұмыс орнына сол жақтан немесе алдынан түсу керек.

2. Инемен жұмыс жаса.анда инені ауызға салуға болмайды,жастықшаға түйреп қою керек.

3. Қайшыны ашық тастамау және біреуге ұсынғанда ұш жағымен ұсынба.

4. Бұйым тігу кезінде шашты орамалмен жапсырып қою керек.

5. Жіпті тіспен үзбеу керек.

6. Жұмыс аяғында үстел үстін дұрыс жина.

Фостер қорғау:

Бүгінгі сабақта жұптасып киім түрлерінен постер қорғайды.

Рефлексия.

Бүгінгі сабақта не үйренгендерімізді жазамыз.

Сабақтың соңы:

Топтық жұмыс:

Бекіту кезеңі:

1.Киімге қандай талаптар қойылады?

2. Қыс мезгілінде қандай түсті киім киген дұрыс?

3. Жылы түстерге қандай түстер жатады?

4. Қолданылуына қарай киім түрлерінің бөлінілуін ата?

5. Пай далануына қарай киімнің өзі неше түрге бөлінеді?

6.Киімнің тозуына әсер ететін факторлар қайсылар?

7.Кір жуардың алдында кірді қандай үш түрге бөледі?

8.Аяқ киім күтімі қалай жасалады?

9.Қыстық киімдерді қалай сақтауға болады?

10.Күнделікті мектеп киімдеріңді қалай күтесіңдер?

11.Жаңа аяқ киімді киер алдында не себепті ылғал матамен сұртеді?

12.Киімге жаңа тиген дақты кетіру үшін не істеу қажет?

13.Киімдегі зат белгі киімнің қай бөліктеріне жапсырылады, онда не жазылады?

14.Балалар киімі қандай матадан тігілген дұрыс?

Үйге тапсырма. 86- бет оқу