?ол тігістеріні? терминологиясы

Сабақтың тақырыбы: Қол тігістері. Қайшымен, үтікпен жұмыс істегендегі

техникалық қауіпсіздік және санитарлық – гигиеналық

талаптармен таныстыру. Қол жұмыстарының

терминалогиясы. Сарамандық жұмыс.

Қол тігістерін орындау

Сабақтың мақсаты:

Білімділігі: білім беруде – тігіс тігу, тігістің пайдасы мен тігілу

жолдары туралы біліктілігін арттыру. Тігіс тігу кезінде дағдыны

қалыптастыру. Тор тігісі мен сабақшалап тігу технологиясын

меңгерту. Жұмыс жасау кезінде қауіпсіздік ережесін есте сақтау

Дамытушылық: тігістердің жасалу реттілігін суреттегі бейнелеулер

көмегімен, мақсатқа өз бетінше жету оқушыға мүмкіндік беру.

Тәрбиелік: топпен жұмыс жасай білуге, өзара көмек көрсетуге,

шығармашылық қабілеттерін дамытуға тәрбиелеу.

Сабақтың түрі: сайыс сабақ

Сабақтың типі: аралас

Сабақтың әдісі: сұрақ – жауап, жұмбақ шешу, мақал- мәтел құрастыру, топпен жұмыс

Көрнекіліктер: қол тігістерінің түрлері, нұсқау карточкалары, бағалауға арналған фишкалар

Пайдаланған технология: Үш өлшемдік әдістемелік технология

Техникалық құрал: интерактивтік тақта

Керекті құрал – жабдықтар: қайшы мата қиындылары, ине, жіп, жұмыс қобдишалары

Сабақтың барысы:

• Ұйымдастыру кезеңі:

1. Оқушыларды түгендеу

2. Сабаққа қажетті құралдарын тексеру.

3. Сайыстың шарттарымен таныстыру:

• «Таныстыру» (Сайыскерлеріміз өздерін таныстырып өтеді)

• «Кім тапқыр» (Өтілген тақырыпты пысықтау)

• « Жалғасын тап» (Техникалық қауіпсіздік ережесі)

• «Жаңа сабаққа көшу баспалдағы» (Жаңа сабақ)

• «Оймен кәне өсейік, ойлы жұмбақ шешейік» (Жұмбақ )

• « Мақал - сөздің мәйегі» (Мақал – мәтелдің жалғасын табу)

• Сабақты қорытындылау

• Үйге тапсырмасы

• Оқушыларды бағалау.

• Сайыс кезеңі:

І кезең: Сайыскерлеріміз өздерін таныстырады.

1. Өнер

2. Шебер

ІІ кезең: Өтілген тақырыпты пысықтау: « Кім тапқыр» ойыны.

1. Мата өнеркәсіпте не тігу үшін кеңінен пайдаланады?

Жауап: Мата өнеркәсіпте киім – кешек тігу, төсек – орын жабдықтарын тігу

кезінде кеңінен қолданады.

1. Мата неден тұрады?

Жауап: Мата талшықтан тұрады.

1. Талшықтар шығу тегіне қарай неше топқа бөлінеді (қандай түрге)?

Жауап: Талшықтар шығу тегіне қарай табиғи және қоспалы болып екіге

бөлінеді.

1. Мақта неше жылдық өсімдік, оның түсі қандай, неде тұрады?

Жауап: Мақта бір жылдық өсімдік. Мақта өсімдігінің жемісі аппақ ұзын

талшықтарға құрамдас қораптан тұрады.

1. Зығыр неше жылдық және не тектес өсімдік?

Жауап: Зығыр - зығыр талшықтарын беретін, бір жылдық шөп тектес өсімдік.

1. Зығыр неше түрге бөлінеді, түрлері қандай?

Жауап: Зығырдың үш түрі бар: салалы, жабайы, бұйра зығыр.

ІІІ кезең: Техникалық қауіпсіздік ережесі: « Жалғасын тап»

1тапсырма

1. Жұмысты бастамас бұрын үстімізде алжапқыш және орамал болу қажет.

2. Жұмыстың басында ине қорабындағы немесе ине шаншығыштағы инелердің санын білу керек.

3. Ине шаншар алдында ортаңғы саусағыңа оймақ кию қажет.

4. Оймақ қолыңды жарақаттаудан сақтайды.

5. Қайшыны үшкір жағымен ұсынуға болмайды.

6. Жұмыс соңында ине мен түйреуіштерді санап, ине шаншығышқа салып қою керек

2тапсырма

ІҮкезең: Жаңа сабақ «Жаңа сабаққа көшу баспалдағы»

Тігін жұмыстарына арналған құралдармен саймандар.

3- тапсырма

Қол жұмыстарында қолданылатын терминологиялар

УӘЖ технологиясы бойынша

Қол жұмыстарын орындағанда, мынадай терминологиялар қолданады.

Бұйымның бөлшектерін өзара инешаншым және тігім арқылы қосады. Сонымен инешаншым дегеніміз – матада жіптердің айқасуы арқылы аяқталған процесі.

Тігім – бірнеше рет қайталанған инешаншым орны.

Тігіс – бөлшектердің біріккен орыны.

Тігістің ені деп бөлшектің шеткі қиығынан тігіске дейінгі ара қашықтықты айтады.

Орындалу әдісіне қарай инешаншымдар қолмен және машинамен іске асырылады. Ал қолдануына қарай біріктіру және сәндік болып бөлінеді.

4 тапсырм

Қол тігістерінің түрлері

(сарамандық жұмыс)

Берілген бос ұяшықтарға тиісті сөздерін жаз және матаға тігістің түрлерін тігу керек.

Ү кезең: Жұмбақ шешу «Оймен кәне өсейік, ойлы жұмбақ шешейік»

Жарқылдаған қос қылыш

Қолға тисе жоқ тыныш

( қайшы )

Саусаққа киіп ем тобатай,

Инені жүгірттім оп - оңай

(оймақ)

Киім деуге жатпайды

Киімді кірден сақтайды

(алжапқыш)

Жалғыз аяқ, тілік ерін

Тұмсығынды найзасы бар

Киімдерді тігіп керім

Адамдарға пайдасы бар.

(тігін машинасы)

Кигізіп ап ұзын жіпті көзіне

Киім тігіп береді ол өзіңе

(ине)

Гүлдері бар құлпырған

Кең жазықтан аумайды.

Оған әркім ұмтылған

Киім киер оңтайлы

( мата)

ҮІ кезең: Мақал – мәтелдің жалғасын табу. « Мақал - сөздің мәйегі»

ҮІІ кезең: Сабақты қорытындылау

Семантикалық карта