Бекітілді: Сабақ жоспары
Сабақ реті: сыныптан тыс өтілетін сабақ
| Пәннің аты: Технология | Уақыты: | Кабинет: № 7 | Мұғалім: Актанжанов. С.С. |
| Сабақтың атауы | Жол жүру ережесі |
| Мақсаты Күтілетін нәтиже | Оқушыларға жол жүру ережесіне байланысты ескерту және басымдылық жол белгілерін түсіндіру. Дамыту мақсаты: балалар болашақта жол жүру ережесіне байланысты өмірлерінде кездесетін жағдайларда мектепте алған білімдерін қолдануға ұмтылысын дамыту. |
| Психологиялық ахуал | Бүгінгі күнге бір-бірімізге жақсы тілектер айту. топпен жұмыс және әркім өз қағидасын қорғай алуға тәрбиелеу. |
| Топқа бөлу | Оқушыларды екі топқа бөлемін, бірінші топ «Жол қозғалысы инспекторы» және екінші топ «Жүргізуші» жол жүру ережесінің әр түрлі жағдайларды талқылау. |
| Қызығушылықты ояту | Жол жүру ережесіне байланысты бейнекөріністер, плакаттар, слайдттар |
| Жаңа сабақ |
Жол белгілері – көлік қозғалысын реттеу және көлік жүргізуші мен жаяу жүрушіге маңайдағы жол жағдайы жөнінде ақпарат беру мақсатында көше мен жол бойына қойылатын арнайы белгілер.
- Жол белгілерінің бекітілген суреті мен техникалық сипаттамалары «Жол белгілері мен сигналдары туралы»Конвенция (Вена, 1968) мен осы Конвенцияны толықтыратын Еуропа елдері келісімі (Женева, 1971) талаптарына сәйкес жасалады. 1998 жылға дейін Қазақстанда 1987 жылы КСРО-да қабылданған жолда жүру ережелері қолданылды. 1998 жылдан республикада жолда жүрудің жаңа Ережелері қабылданған. Осы ережелерге сай жол белгілері мемлекеттік стандарттар негізінде анықталады. Бұл стандарттар бойынша, жол белгілері 7 топқа бөлінеді:
- ескерту белгілері
- басымдылық белгілері
- тыйым салу белгілері
- міндеттеу белгілері
- ақпараттық-көрсеткіш белгілері
- қызмет көрсету белгілері
- Қосымша тақтайшалар.
- Ескерту белгілері жолдың қауіпті бөлігінің жақындағанын хабарлайды. Ол айналасы қызыл жолақпен көмкерілген ақ түсті тең қабырғалы үшбұрыш түрінде жасалып, ортасына қауіп түрін айқындайтын шартты белгілер салынады.
Басымдылық белгілері көше қиылыстарын, жолдың жіңішкерген бөлігін, кесіп өту кезектілігін белгілейді. Олар пішіндері мен түстері әр түрлі 9 жол белгілерінен тұрады. - Тыйым салу белгілері жолдағы көлік қозғалысына белгілі бір шектеулер енгізеді немесе бұрын қойылған шектеулердің күшін жояды. Олардың пішіні дөңгелек болады, шеті қызыл жолақпен көмкеріліп, ақ түсті ортасында тыйым салатын шартты белгілер көрсетіледі.
- Міндеттеу белгілері бір бағытта немесе көліктің белгілі бір түріне ғана жүруге рұқсат етілетіндігін көрсетеді. Солға бұрылуға рұқсат ететін белгілер кері бұрылуға да рұқсат береді. Жиегі ақ жолақпен көмкерілген көк түсті, пішіні дөңгелек не тік төртбұрыш болып келетін 18 белгіден тұрады.
- Ақпараттық-көрсеткіш белгілер қозғалыстың белгілі бір режимдерін енгізеді немесе күшін жояды, сондай-ақ елді мекендер мен басқа да нысандардың орналасуы туралы хабарлайды. Олардың өлшемдері, пішіндері мен түстері әр түрлі болып келеді. Қызмет көрсету белгілері жол бойында және жолдан әр түрлі қашықтықта орналасқан қызмет көрсету нысандары туралы ақпарат береді. Пішіндері тік төртбұрыш болып жасалып, жиектері қалың көк жолақпен көмкеріледі, ақ түсті ортасында нысандар туралы шартты белгілер көрсетіледі. Олардың жалпы саны – 12.
- Қосымша ақпараттық белгілер (тақташалар) бірге қолданылатын жол белгілеріне қосымша ақпарат беруге арналған. Негізінен түсі ақ, төртбұрыш кестешелер түрінде жасалып, ортасына қосымша ақпараттардың шартты белгілері келтіріледі. Жол белгілері жолдың (жүріс бағыты бойынша) оң жағына биіктеу бағанаға немесе жолдың үстіне биіктетіп орналастырылады. Олар 100 м қашықтықтан анық көрінетіндей болып жарықтандырылады. Жол белгілері мемлекеттік автомобиль инспекциясының келісімімен орнатылады
ІV.Сарамандық жұмыс. Таратылған карточалардағы жағдайларға екі топтан бір, бір өкіл шығып өз көзқарастарын қорғайды. Берілген билеттердің жауаптарын шешеді. |
| Үйге тапсырма | Тыйым салу белгілеріне дайындалып келеді |
| Кері байланыс | - Жалпы жол жүру ережесі не үшін қажет?
- Жол белгілері неше топқа бөлінген?
- Ескерту белгілері қандай қашықтықтарда қойылады?
- Басымдылық белгілерінің қандай ерекшелігі бар?
- Жол қиылысындағы реттік туралы не білесің?
|
Просмотр содержимого документа
«Жол жүру ережесі»
