Жерұйық Астанадай бар ма екен?

Насрединова Светлана Қыдырғалиқызы

қазақ тілі пәнінің мұғалімі

Талғар ауданы

“МЖДШО бар

№ 17жалпы білім беретін

орта мектебі”МКМ

Сабақтың тақырыбы: Менің Астанам

Мақсаты:

Білімділік: Оқушыларға Астана туралы мағұлмат беру.

Тәрбиелік : Отанға деген патриоттық сезімін ояту.

Дамытушылық: Өз ойларын жетік жеткізуге, тапқырлыққа дамыту.

Юлия:

Әнұраным-Жанұраным

Айтар әнім, сөйлер сөзім

Туған жерім- сағынарым,

Мәңгі –бақи шырқалады

Республика Әнұраны! (Гимн орындалады)

Мұғалім: Сәлеметсіздер ме , ұстаздар, оқушылар.

Жерұйық Астанадай бар ма екен?

Сөзімді демеңіздер жалған екен.

Аударған жер шарының ықыласын.

Бүгін мен Астанамды мақтан етем.

Бұрынғы шаң бораған көшелерін.

Табанға жасыл кілем төседі ерім,

Күн сайын ажарланған асыл қалам,

Кейпін көрсетіп тұр өсер елдің.

Әлемге мақтан етем Астанамды,

Астанам асқақтатты асқақ әнді,

Көтеріп қалың елдің мәртебесін,

Бақытты болашаққа баста мәңгі.

Астана - ххі ғасыр қаласы. Жаңа Астана тағдыры жас ұрпақ тағдырымен , жастардың арман- үмітімен тығыз байланысты.

Мен оның түнін сүйем, күнін сүйем,

Ағынды өзен, асқар тау, гүлін сүйем

Мен оның қасиетті тілін сүйем,

Мен оның құдіретті үнін сүйем!-

деп ақын М.Мақатаев жырлағандай, Отанымыздың астанасы Астананы сүйіп, аялау үшін бүгінгі сабағымызда «Алтын сандық» атты танымдық ойынын ойнаймыз.

Олай болса, балалар сәт сапар!

Ойынымыздың шарты бойынша екі топқа бөлінеміз. «Қырандар», «Барыстар».

Бұл ойында біз төрт қақпаның есігін ашуымыз керек.Олар: «Тас қақпа», «Қола қақпа», «Күміс қақпа», «Алтын қақпа».

Қақпаларды ашып біткенде , бізді алдымыздан «Алтын қақпа» тосып тұрады.Алтын сандыққа бір топ қана жетеді. Алтын сандықта сендерді бір тосын сыйлық күтіп тұр. Ол сыйлықты алу үшін алдымен сандықтағы тапсырманы орындауымыз керек.

1-ТАС ҚАҚПА

1-тапсырма:

1.Тәуелсіздік күні қашан?

2. Қазақстан Республикасының көлдері мен өзендерін ата?

3. Қазақстан Республикасының Президенті кім?

4. Бірінші мамыр қандай мереке?

5. Қазақстанның астанасын ата?

2-тапсырма:

НАҒРОҚДЫЛАТ

МАТЫАЛ

АНАТСА (Керісінше жазылған сөздерді дұрыстап оқу керек.)

2-ҚОЛА ҚАҚПА

1-тапсырма: 1-топқа:

Мәтінмен жұмыс.Толықтырып жаз.

Мен Астанада тұрамын.Үйім ... көшесінде. Үй... қабатты. Менің пәтерім ... қабатта. ... бөлме бар.

2-топқа:

Алматы- үлкен ... . Қалада ... , ... , ... бар. Қаланың көшелері таза, ... . Алматы - ... қала.

2- тапсырма:

Сұраулық шылау жалғап жаз. (жазбаша)

Бала, қала, мектеп, өшіргіш, дәптер, пәтер, қалам, қағаз, кітап, қарындаш, күн, көз.

Сұраулық шылау жалғап жаз.

Тақта, бор, қыз , адам, әріп, көйлек, үй, гүл, қыз, адам, доп, сынып, жүзім, сәбіз.

3-тапсырма .Сөздікпен жұмыс.

Алаң- площадь

Ескерткіш- памятник

Саябақ- парк

Кең- широкий

Биік- высокий

Отырды- сел

Қай?- какой?

Болдым- был

Тұрады- живет

Күтіп тұр- ждет

Жұмыс істейді- работает

Құлын- жеребенок

Бота – верблежонок

Лақ- козленок

Бұзау- теленок

Бие- кобыла

Қозы- ягненок

Аялдама- остоновка

Жол - дорога

3-КҮМІС ҚАҚПА

1-тапсырма:

(Отан туралы, Астана туралы өлең) 2 топтан оқушылар шығып, өлеңнің авторымен таныстырып өлеңді мәнерлеп оқуы керек.

2- тапсырма: Мәтінді оқы, аудар.

А) Это мой дом. В доме четыре комнаты. Две комнаты большие, две комнаты маленькие. В комнате три окна, одна дверь. На полу лежит красивый ковер.

Ә) Я живу на улице Байтурсынова. № дома 3 , № квартиры 10. Квартира на втором этаже. В квартире три комнаты. Одна комната большая, две комнаты маленькие.

4 - Алтын қақпа:

Тапсырма:

Төмендегі тақырыптарға сурет салып, әңгіме құрастыру.

(Қалада .Ауылда.)

Тапсырма:

Мейрамдар . ( Әр топ Қазақстанның мейрамдарын атап өтеді. Қай топ көп атаса, сол топ жеңеді.)

Тәуелсіздік сөзіндегі әріптерді пайдаланып, жаңа сөздер құрастыру.

Блиц- турнир

( 2 топқа сұрақтар қойылады. Бұл жерде ойынның шарты жылдамдықты талап етеді).

Наурыз көжеге неше түрлі дәм қосады?

• Апта күндерін ата.

• Ай атауларын ата.

• Тудың авторын ата.

• Елтаңбаның авторын ата.

• Гимннің әнін жазған кім?

• Бүгін аптаның қай күні?

• Сұраулық шылауларды ата.

• Сын есімнің сұрағы?

• Зат есімнің тәуелдік жалғаулары?

• Сенің сынып жетекшің кім?

• Сүт тағамдарын ата.

• Дейін дегеніміз не?

• Сен қай мектепте оқисың?

• Төртінші ай атауын ата.

• Балалар мектепке қай айда барады?

• Қазір жылдың қай мезгілі?

• Сілтеу есімдіктерін ата.

• Реттік сан есімнің сұрағы, жұрнақтары, мысал?

• Қыстық киімдерді ата.

Көп ұпай жинаған топ алтын сандықты ашу құрметіне ие болады. «Астана» әуені қосылады, тақтада Астананың әдемі ғимараттарының слайд – шоуы көрсетіліп тұрады. Балалар сандықтан Астананың әсем ғимарты- «Бәйтерек » макетін шығарып, құрастырып, Есіл өзенінің бойына орналастырады.

Макетті құрастырып болғанда, сандықтан ұтқан топқа сыйлық шығарылады.

Қорытынды.

Мұғалім: Қазақстан- әсем елордасы бар , ынтымағы жарасқан халқы бар , экономикасы өркендеп , дамып келе жатқан тәуелсіз мемлекет. Сол мемлекеттің болашағы – өсіп келе жатқан жас ұрпақ –мына сіздерсіздер.

Бағалау. Алтын сандыққа жеткен топқа- « 5» , екінші топқа- « 4» бағасы қойылады.

Үйге тапсырма: «Менің Астанам» тақырыбына сурет салып келу.