Бекітілді __________________
Тақырыбы: "Астана – арман қала."
Мақсаты: Байтақ қазақ даласының иесі кім екенін алыс пен жақынға танытатын қазақ жерінің кіндігіне Ақ ордасын тіккен – жаңа Астана тарихымен таныстыру; Астанасына қарап елін таниды дегендей, Астананың мемлекетіміздің биік мәртебесі, жоғары дәрежесі, елдік пен тұтастықтың, бірліктің тұтқасы екендігін таныту; Екі ғасыр тоғысында Еуразия құрлығындағы ірі тарихи оқиға болып, тарихқа енген астанамыз - Астана қаласымен мақтануға тәрбиелеу;
Түрі: саяхат сабақ
Көрнекілігі:, Астана қаласының суреттері, буклет, кітап көрмесі
Техникалық көрнекілігі: Интербелсенді тақта
Жоспары:
1. Кіріспе - мұғалім сөзі
2. Әдеби- монтаж
3. Астана айшықтары - суреттер сөйлейді
4.Астанаға саяхат Дина апаймен кездесу
5. Жаса, жайна ару қалам - Астана!
Барысы
Құрметті оқушылар, ұстаздар ҚР Тәуелсіздігінің 25 жылдығына орай, бүгінгі болып отырған "Астана – арман қала" атты тәрбие сағатына қош келдіңіздер!
ҚР Мемлекеттік Әнұраны орындалсын.
Ән: Әнұран
Кіріспе.
- Біз қай елде өмір сүреміз?
- Қазақстанда.
- Қазақстан қандай ел?
- Тәуелсіз ел.
- Тәуелсіз ел дегенді қалай түсінесіңдер?
- Ол өз алдына дербес мемлекет деген сөз, яғни, өзінің гимні, өзінің елтаңбасы, өзінің туы, өзінің астанасы болады.
- Біздің астанамыз қай қала?
- Астана қаласы. Бүгін біз сынып оқушыларымен бірге Астана қаласына саяхат жасаймыз.
(Астана қаласының тарихын бейнебаян арқылы көрсете отырып таныстыру.)
Астана тарихы - сонау1830 - жылдан бастау алады. Ол кезде қала патша әскерінің бекінісі болған.
- Ақмола бекінісі деп аталған. 1863 - жылы 16 - шілдеден бастап Ақмола – округтік қала атанды. Қала халқы 2000 - дай адамды құрады. Дами келе: 1893 - жылы Ақмола қаласында қала халқы 6428 жанды құраған. Қалада 3 шіркеу, 5 мектеп, 1 училище, 3 зауыты бар уездік қала болған. 1960 - жылы тың игеру кезеңінде – тың игеру орталығына айналды. 1961 - жылы Ақмола деген атауы – орысша Целиноград деп өзгертілді. Целиноград - облыс орталығына айналды.
Еліміз тәуелсіздік алған соң, 1992 жылы қалаға қайтадан өзінің қазақша атауы беріліп, Ақмола облысы атанды. Ақмола облысы – еліміздің ірі астық өңірі және ірі ауылшаруашылық машина жасау орталығы болды. Жер қойнауы пайдалы қазба байлықтарға бай.
Елбасымыздың шешімімен 1997 - жылдан бастап жаңа астананы осы Ақмола қаласының жер аумағына көшіріп, атауын «Астана»деп өзгерту қабылданды. Керемет жеделдетілген құрылыс жұмыстары жүргізіліп, айналасы аз уақыт ішінде: әсем де, ару қала – Астана қаласы бой көтерді. 1998 - жылы негізгі құрылыс нысандары аяқталып, іске қосылды. Сонымен 1998 - жылы 6 - шілде Астана қаласының туған күні болып белгіленді.
1 – жүргізуші:
Астана – еліміздің бас қаласы. Ол өте әдемі қала. Біз – осы елдің болашақ патриотымыз. Ендеше Астана туралы бүгін жырлап, әңгімелеп, мақтан етейік.
2-жүргізуші:
Астана – күн санап көркейіп келе жатқан қала. Осы аз уақыт ішінде Астана ғажайып қалаға айналды.
Астана төрі елімнің.
Тұғыры туған елімнің.
жетелер алға арманды.
Жемісі сенсің сенімді
Астана үміт қаласы
Бас болған елдің данасы
Мақтана оған қарайды
Қазақтың барлық баласы.
Жайнап өсті Астана
Бәйтерегі көк тіреп,
Болды Астана бас қала
Іске асты көп тілек.
Әсем үйлер самсаған
Көшелері көсілген
Ағады ерке Есілі,
Астанадан нәр алып.
Кеткен қала есімі
Жер шарына таралып
Бабалардың көзіндей.
Даналардың сөзіндей.
Ұлы дала тұрғызды,
Ұлы қала өзіндей.
Отанымның төрінде,
Сарыарқаның өрінде.
Ту ұстаған Астанам,
Әсем қалам, бас қалам.
Маған қымбат бұл елімнің
Шешек атқан әр гүлі.
Аялайды бәрімізді
Жайнай бер, жаңа Астанам,
Ертегідей ғажап бас қалам.
Ынтымақтың тербеп бесігін,
Тәуелсіз ел көшін бастаған.
2 – жүргізуші. Ал, енді демалатын да сәт келді.
Абдикеримова Қарақаттың орындауында «Қосалқа» күйі
Мұғалім: Ал, енді балалар, Біз Астана қаласы жайлы өлең, тақпақтармен жырладық.Астана аласының көрнекті жерлері жайлы не білесіңдер?
1 – жүргізуші: сен Астана қаласында болдың ба?
2 – жүргізуші: Ия мен болдым. Ал сен ше?
1 – жүргізуші:Мен болған жоқпын.
2 –жүргізуші Біз Астананың ең әдемі жерлеріне барамыз.
Ол- «Астана-Бәйтерек» кешені. Ол өте биік, зәулім және әдемі.
Слайд . «Бәйтерек» монументі – Астана символы.
“Астана – Бәйтерек” кешені болып табылады. Есілдің сол жағында бой көтерген алғашқы сәулет туындысы. «Бәйтеректі» «өмір ағашы» деп те атайды. Мәңгілік өмірді жер жаһанға жария етіп тұрған «Бәйтерек»- Бас қаламыздың символы. «Астана-Бәйтерек» үш бөліктен –тамыры, діңі және ұшар басынан тұрады. Үш бұрышты күміс тұмар даму үрдісіндегі өміршеңдікті білдіреді. Керемет құрылыс. Астананың қасиетті белгісі болып табылатын 97 метр биіктікте орналасқан көрініс алаңы, сол құс ұшатын ұядай жерден сәнді де, сәулетті Астананың көрінісін көруге болады.
Слайд. «Думан» ойын – сауық кешені суреттері көрсетіледі.
Келесі көрікті жерлерінің бірі- “Думан” ойын-сауық кешені – күмбезді кеңістік, океанарум, кинозалдар. Керемет акватеатрда қызықты көл шоуын және қастарындағы жыртқыш балықтарды бақылауға болады. Кинозалда мықты дыбыс пен арнайы дайындалған көз әйнектер арқылы экранда болып жатқан оқиғаның ортасында тұрғандай сезінесіз.
Слайд. Бейбітшілік және келісім сарайы.
Бейбітшілік және келісім сарайы Қазақстан жеріндегі достастық, бірлік пен бейбітшілік нышаны болып табылады. Республика жас елордасында тәуелсіз мемлекеттің бейбітшілік пен келісімге ұмтылысын бейнелейтін Пирамида түріндегі құрылыс салу идеясы Елбасы Н.Назарбаевқа тиесілі. Жоба авторы болып атақты британ сәулетшісі Норман Фостер.
Слайд. ЭХРО-2
Қазақстанның астанасы EXPO-2017 халықаралық мамандандырылған көрме өткізілетін орын болып сайланды. Астана – жеңімпаз қала. Астанадағы ЕХРО-2017 көрмесі ТМД елдері мен Орталық Азия аумағындағы өткізілетін ең алғашқы халықаралық деңгейдегі көрме болмақ.
Ұйымдастырушылармен таңдалған тақырып Future Energy (Болашақ қуаты) болып табылады. Қазақстан энергетиканы дамытуға өз үлесін қосуға және Астанада альтернативтік энергетика саласында таңдаулы ойшылдар мен жобаларды жинауға ұмтылып отыр. Бұл тақырып энергия сақтау бойынша таңдаулы әлемдік технологиялармен, әлемде бар альтернативтік күн, жел, теңіз, мұхит және термалдық су энергияларын пайдалану бойынша жаңа жобалар мен технологиялармен кеңінен таныстыруға мүмкіндік береді.Сондықтан да біздің Тәуелсіз жас мемлекетіміз үшін ЭКСПО- көрмесін өткізудің маңызы өте зор. Әрбір қазақстандық біздің жеңіске жететінімзге сенеді және көрмелердің халықаралық бюросы делегаттары оң жауап береді деген үмітте. Өйткені біз үшін жеңіс маңызды.
Слайд. Ханшатыры
Хан Шатыр, әлемдегі шатыр түрді құрылыстардың ең орасан зоры болып, және Қазақстандағы сауда орталықтарының ең үлкені, әрі бірегей сырт пішінімен айшықталады. Хан Шатыр ОССО – бір шатырдың астында әлем деңгейіндегі ойын-сауық және сауда-саттықты біріктірген, алғашқы лайфстайл-орталық болып саналады.
“Хан Шатырдың” ішкі көлемі 110 мың шаршы метр аумақты алып жатыр. Бұл сауда және ойын-сауық орталығында ең үлкен қалалық бақ, ірі сауда орталықтары, кинотеатр, концерт залдары болады. Сонымен бірге ғимараттың барлық қабаттарында дәмханалар мен мейрамханалар орналасқан. Орталықтың ішінде тропикалық бақтар, гүлзарлар, субұрқақтар бар. Балалардың тамаша демалысы үшін биіктігі 7 және 4 метрді құрайтын су сырғанақтары жабдықталған.
Ғимараттың сәулетшісі, сәулет өнерінің шебері - Норман Фостер
Слайд. "Нұр Астана" мешіті
Нұр-Астана мешіті (ағылш. Nur-Astana Mosque), Астана қаласында орналасқан мешіт. «Нұр Астана» мешіті 2005 жылдың 2 наурызында ашылды. Мешіт Астана қаласындағы Есіл районында орналасқан. Мешіт Катар мемлекетінің Әмірі шейх Хамад бин Халифа әл-Сәнидың қайтарымсыз сый ретінде бөлген қаржысына тұрғызылды.
Мешіттің іргетасы 2002 жылы қаланған болатын. Құрылысқа 6 840 000 АҚШ доллары жұмсалды. Мұсылман мәдениеті орталығының ашылуына Мемлекет басшысы Нұрсұлтан Назарбаев қатысты. Ол рухани орталыққа Қағба мен Құран бейнеленген, сүрелер түсірілген жапқышты сыйға тартты, айтып кетерлік, салтанатты ашылуы 2005 жылдың 2 наурызында болды.
1-жүргізуші
-Ал енді келесі Сыр сұхбат айдарында бізде бүгін қонақта білім беру жолында талмай, табысты еңбек етіп, оқушысы Шариханов Даниярды мектепті «Алтын белгімен» бітіргені үшін бастауыш сынып мұғалімі Жалғасбаева Дина апай биылғы жылы күзгі каникул кезінде бір апта еліміздің жүрегі – Астана қаласына тегін саяхат жолдамаға ие болып, демалып қайтқан Дина апайды қошеметпен қарсы алайық!
Сәлеметсіз бе апай! Хош келдіңіз! Дина апай! Астана қаласына демалып қайттыңыз. Осы еліміздің бас қаласы, жас қаласында алған әсеріңізді балалармен бөлісе отырсаңыз!
Астана қаласының келбеті сізге қандай әсер қалдырды?
Слайд. Астанаға саяхат.
Би "Қазақ би"
Кең байтақ қой Қазақстан картасы,
Астанамен айшықталған ортасы.
Бүгін бізге таңдай қағар күллі әлем
Бұның бәрі елбасының арқасы.
Шықты тарап ой данадан,
Бері қарады жұлдыз беті.
Өзі қалап сайлаған,
Елімнің бар Президенті
Туған елдің көркі неткен ғажайып?!
Дала күйін шертейік, біз қала жырын жазайық.
Жерұйығы Сарыарқаның даласы
Арман қусаң Астанаға қарашы.
Бабалардың көзіңдей
Даналардың сөзіндей
Ұлы дала тұрғызды
Ұлы қала өзіндей.
Астанам
Астанамның төрінде,
Сарыарқаның өрінде,
Ту ұстаған Астанам
Әсем қалам, бас қалам.
Қадамың бар баспаған,
Асуың бар аспаған,
Халқың жетсін мұратқа,
Ей, бас қала Астанам!
Асқақтай бер, Астанам!
Берекеге бастаған!
Болашақтың есігін
Өз қолыңмен аш маған.
Ән орындалады. «Туған жер».
1 – жүргізуші: Бүгін біздің сыныпта үлкен той болып жатыр.
2 – жүргізуші: Иә, біз елордамыз Астана қаласына саяхат жасадық.
1- жүргізуші: Қазақ халқының салтында әрбір той-думанда бата беріліп, жылы лебіздер айтылады екен. Ендеше, біз де жылы лебізімізді айтайық.
2 –жүргізуші: Жылы лебіз айтқан әр балаға біз жылы жүрегімізді сыйлаймыз.
1-жүргізуші: Бұл жылы лебіздер «Жүректен жүрекке» деген ізгі тілектер тізбегі деп аталады.
Жылы лебіздер.
1.Зәулім, биік үйлер, ғимараттар көбейсің!
2.Тұрғындары- жарқын жүзді адамдар, бақытты балалар болсын.
3.Көркейе бер Астана!
4.Бүкіл әлем Астананың сұлулығына таң қалсын!
5.Есіл өзенінің суы ортаймасын!
6.Өсіп өркендей берсің!
7.Астана-мемлекет дидары бол!
8.Жаса, Жаңа Астанам!
9.Астана- Еуразия контингенті жүрегі бол!
10. Астана көңілімізге шаттық сезім ұялатсын!
11.Тәуелсіздігіміз нығайсың!
12.Қазақстан жасасын! Қазақ елі гүлденсің!
13.Шекарамыз берік болсын.!
14. Еліміз тыныш болсын!
15.Жастарымыз білімді болсын!
Дауыстап бірге:
Жаса, жаңа жас қалам.
Жайнай бер менің Астанам.
Шар лақтырылады.
ІІІ. Қорытынды:
"Ерке Есіл жағасында бой көтерген, ерекше сәулеттік ландшафты бар, бірегей мүсіндік нышандары сап түзеген, жоғары технологиялы болашаққа ұмтылған, өзгені сыйлап, өзінің жаңа астанасы мен өз елін шексіз мақтаныш тұтатын көп ұлтты және көп дінді халқы бар әсем де мейірлі астанамыз, міне осындай қала" дей отырып бүгінгі тәрбие сағатымызды "Астана" атты жақсы бір әнмен аяқтаймыз.
