Мақал-мәтелдер 5-сынып

Мұғалім

Азимбаева Аяулым Қалиқанқызы

Пән

Қазақ тілі

Сынып

5 «ә»

Мерзімі

06. 12. 2016

Сабақтың тақырыбы

Мақал-мәтелдер

Сілтеме

«Тіл және әдебиет» пәндерінен оқу бағдарламасы

Күнтізбелік-тақырыптық жоспар. 5-сынып.

ІІ тоқсан. 6 желтоқсан, 2016 ж.

Сабақтың мақсаты

Білімділік: оқушыларға мақал-мәтел туралы лингвистикалық білім беру, алған білімдерін жаттығу жұмыстары арқылы бекіту.

Тәрбиелік: оқушыларды ұлтжандылыққа тәрбиелеу,

Дамытушылық: оқушылардың лингвистикалық дүниетанымдарын кеңейту, ауызша және жазбаша тіл мәдениетін дамыту, қосымша материалдар арқылы пәнге деген қызығушылқтарын арттыру.

Күтілетін нәтиже

Мақал-мәтелдер туралы ұғымдары қалыптасады;

Ауызша және жазбаша түрде қолдана алады;

Өз пікірін қорғай алады;

Дүниетанымы кеңейеді;

Пәнге деген қызығушылығы артады.

Қолданылатын модульдер

1- модуль – оқыту мен оқудағы жаңа тәсіл (топтық жұмыс);

2-модуль – сыни тұрғыдан ойлауға үйрету;

3- модуль – бағалау;

4 – модуль – АКТ пайдалану;

7- модуль – көшбасшылық (топты басқару және сабақ барысында белсенділікпен қатысып отыру)

Негізгі идеялар

Мақал тоқсан ауыз сөздің тобықтай түйінін білдіріп, белгілі бір тұжырым жасайды. Мысалы: кең болсаң, кем болмайсың.

Мәтелдерде ой пікір бейнелі әрі тұспалдап айтылған ишара түрінде болады. Мысалы: қалауын тапсаң, қар жанар. Сөйлем мағынасы ашылмай, жұмбақталып қалады.

Ресурстар

Жалпы орта білім беретін мектептің 5-сыныбына арналған «Қазақ тілі» оқулығы

Көрнекіліктер

слайд, үлестірмелі қағаздар, аудиожазба, түрлі-түсті қағаз қиындылары, «Білім кемесі»

Пәнаралық байланыс

Қазақ әдебиеті, Қазақстан тарихы

Сабақтың барысы

Мұғалімнің іс-әрекеті

Оқушының іс-әрекеті

Топқа бөлу

2 мин.

Қызыл, көк, жасыл, сары түсті қағаз қиындыларын таратады.

Топ ережесін сұрайды.

Оқушылар түрлі-түсті қағаз қиындыларына сәйкес 4 топқа бөлінеді.

Топтың қарапайым ережесін қайталап айтады.

Психологиялық ахуал қалыптастыру

2 мин.

Бір-біріне жақсы көңіл-күй сыйлау үшін, бір топқа жүрекше ұсынып, сабаққа сәттілік тілейді.

Әрбір топ басшылары тілектерін айтып, келесі топқа жүрекшелерді ұсынады.

Үй тапсырмасын тексеру

7 мин.

Үйге тұрақты сөз тіркестері тақырыбына байланысты деңгейлік тапсырмалар ұсынады.

Үй тапсырмасын тексеруге арналған тапсырмалардың дұрыс жауаптарын тақтаға флипчарт арқылы көрсетіледі.

Үй тапсырмасын тексеруге берілген деңгейлік тапсырмалары орындайды.

І деңгей: сәйкестендіру

ІІ деңгей:

тест тапсырмасы

ІІІ деңгей:

семантикалық карта

Оқушылар бір-бірін тексереді.

Жаңа сабаққа өту кезеңі

2 мин.

Топтағы оқушыларға берілген фигуралардың екінші жағында мақал-мәтелдердің сөздері жасырылған.

Берілген сөздерден мақалдар құрастырады.

1.Нан бар жерде ән бар.

2.Ана тілің алпыс тілге татиды.

3.Оқ жетпес жерге қылыш суырма.

4. Өнер - таусылмас азық, жұтамас байлық

Жаңа сабақ

10 мин.

Қазақ тілі оқулығындағы мақал-мәтелдер тақырыбын топ ішінде талқылап, постер құруды ұсынады.

Әрбір топ жаңа сабақты өздері ізденеді.

1, 3-топ Мақал ұғымы

2, 4-топ Мәтел ұғымы

Құраған постерлерін қорғайды.

Оқулықпен жұмыс

5 мин.

Талдау жұмысы

3 мин.

127-жаттығуды орындауға бағыт беріледі.

Әр топтан бір оқушы тақтаға шығып мақалдарды бір бағанға, мәтелдерді бір бағанға жазады.

Тақтаға бір оқушы шығып, еңбек сөзіне фонетикалық талдау жасайды.

Жағдаяттық жұмыс

3 мин.

Оқушылардан жылқы туралы білетін мақал-мәтелдері сұралады.

Аудиожазба тыңдалып, сұрақ қойылады.

Сұрақтың дұрыс нұсқасын аудиожазбадан тыңдатады.

1.Ер қанаты-ат.

2.Жылқы-малдың патшасы.

3.Ағайын тату болса, ат көп, абысын тату болса ас көп.

4.Сұлу аттың көркі-жал.

5.Жүйрік ат-бірде ат, бірде қанат.

Әрбір топ өзінің жауап нұсқасын айтады.

Сергіту сәті

2 мин.

Өлең оқу

Тәуелсіздіктің 25 жылдығымен байланыстырылады.

Қалқаман Сариннің «Тәуелсіздік» өлеңі оқылады.

«Жалғасын тап» ойыны

2 мин.

1-топ мақал-мәтелдің бірінші сыңарын айтса, 2-топ сол мақалдың жалғасын табу керек. Тура сол сияқты 3-топ мақал-мәтелдердің бірінші сыңарын айтса, 4-топ сол мақалдың жалғасын табады.

Үйге тапсырма

2 мин

Мақал-мәтелдер туралы ереже жаттау. 129-жаттығу. Адамның қасиеті туралы айтылған үш мақал, үш мәтел тауып жазу. 131-жаттығу. Өзің қалаған мақал я мәтел негізінде ребус құраңдар.

Үй тапсырмасын күнделікке жазады.

Бағалау

2 мин.

Топ басшыларының айтқан бағаларымен сәйкестендіре отырып, қорытынды баға қойылады.

Сабақтың басында бағалау парақтары берілген. Топ басшылары бағаларын айтады.

Кері байланыс

3 мин.

Оқушыларға стикерлер береді.

Бүгінгі сабақтан алған өздерінің әсерлерімен бөліседі. «Білім кемесінің» желкеніне стикерлерін жабыстырады.