"Электронды пошта менің көмекшім"

 Күні: 22.11.2016ж

Сыныбы: 9 «Б»

Пәні: қазақ тілі

 Сабақтың тақырыбы: Электронды пошта менің көмекшім.

Сабақтың мақсаттары:

Білімділік: Электронды пошта  туралы білімдерін кеңейту. Электронды поштаның жетістіктері және оның адам өміріндегі маңызы  туралы түсінік беру.

Дамытушылық: Оқушыларға лексикалық  білім бере отырып, ойлау қабілетін, іскерлік белсенділігін дамыту.Топтық жұмыс арқылы белсене жұмыс жасауға ұмтылу.

Тәрбиелік: Оқушыларды өз бетімен жұмыс істеуге, комуникативтілікке, өз - өзіне сенуге, тиянақтылық пен ұқыптылыққа, ақпараттық мәдениетін қалыптастыруға тәрбиелеу.

       Лексика:  электронды пошта, ақпарат алу, тез, жылдам жеткізу, бірден жіберу, уақыт үнемдеу, қолайлы, тиімді, е-поштаны тіркеу, тегін ашу, жасырын нөмір, поштамен ақпарат жіберу, хатты алғаны туралы мәлімет алу, пошта арқылы достасу, 10 Мб-дейін ақпарат қабылдау немесе жіберу.

Әдіс-тәсілдері: сұрақ-жауап, түсіндіру, баяндау,  әңгімелесу, жұптық, топтық жұмыс, бағалау критерийлері.

Сабақтың көрнекіліктері: мәтін жазылған үнтаспа, жаңа сөздер жазылған плакат, стикерлер, бағалау парағы.
 

Сабақтың түрі: жаңа

Сабақтың типі: аралас сабақ

Сабақтың барысы:

І.Ұйымдастыру кезеңі.

1.Оқушылармен амандасу, зейінін сабаққа аудару.

Психологиялық тұрғыдан сабаққа дайындық, яғни, оқушылардың көңіл-күйін сабаққа икемдеу. «Сәлеметсіңдер ме,балалар, бір-біріңе қараңдаршы.Қандай әдемісіңдер! Ал,енді бір-бірімізге күлімдей, мейірімді көзбен қарайық.Сабақты бастамас бұрын алдарыңдағы  суреттердің бірін қазіргі көңіл күйлеріңе сәйкес таңдап алыңдар. Сабақтың соңындағы суреттеріңмен салыстырып қандай өзгерістер болғанын анықтаймыз»

(балалар өздеріне смайлдың бір суретін таңдап алады)

Үй тапсырмасын тексеру.  «Иә немесе Жоқ» деген жауап арқылы белгілеп, үй тапсырмасына жауап береді. «Миға шабуыл» тәсілімен жоғарыдағы сұрақтарға жауап алу көзделеді.

1

2

3

4

5

6

7

8

9

10

11

12

13

14

15

1. Шылаулар білдіретін мағынасы мен сөйлемде атқаратын қызметіне қарай 3-ке бөлінеді.

2. Шылаудың толық мағынасы болмайды.

3. Шылау сөзі орыс тілінде «союзы» деп аударылады.

4. Сөйлем ішінде шылау жеке тұрып сөйлем мүшесі бола алмайды.

5. Шылаудың түрлері: септеулік, демеулік, жұрнақтық

6. Септеулік шылаулар: да, де, та, те, және, әрі.

7. Демеулік шылаулар: түгіл, тұрсын, тұрмақ

8.Жалғаулық шылаулар жалғаулықтар деп те аталады.

9. Қостанай, Павлодар, Петропавл, Көкшетау солтүстік Қазақстанға жатады.

10. Астана қаласында Ертіс өзені бар.

11. Қостанай Қазақстанның ең үлкен қаласы.

12. Қазақстанның астанасы Астана.

13. Қазақ тілі пәні аптасына 4 рет болады.

14. Қазір бізде күз мезгілі.

15. Бүгін бізде аптаның сейсенбі күні.

Ой шақыру сұрақтары арқылы тақырыпқа ену:

 Е-пошта дегеніміз не?

Сенің е-поштаң бар ма?

 Е-поштаның тиімділігі неде?

 Е-поштамен сөйлесетін достарың көп пе?

 Олардың е-поштасында қандай ақпараттар бар?

 Е-поштамен қандай жұмыстар атқаруға болады?

 Е-пошта арқылы сыйлықтар жіберуге бола ма?

 Е-поштадағы фото суреттерді бағалайсыз ба?

  Е-поштадағы өзің туралы сауалнаманы қазақша толтыра аласыз ба?

 Е-поштамен хабарласып тұратын достарың қанша?

 Е-пошта арқылы сөйлесетін шетелдік достарың бар ма?

 Видео хабарламаны  қолданасыз ба? Оның тиімділігі неде?

 Е-поштаның тарихы туралы не білесіз?

ІІ.Сабақтың тақырыбын, мақсаттарын айту.

-Бүгін сабақта біз сендермен бірге Е-поштамен байланысты сөздерді сонымен қатар оны қалай пайдалану керектігі, оны қалай пайдалануды, не үшін қажет екені туралы өтеміз.  Жаңа сөздерді меңгеріп, тақырып бойынша әңгімелесеміз. Бүгінгі сабағымыздың тақырыбы «Электронды пошта менің көмекшім»,  дәптерлеріңді ашып бүгінгі күнді және тақырыпты жазып қойыңдар.

ІІІ.Жаңа сабақ.

Мұғалімнің кіріспе сөзі

-Жаңа тақырыпты меңгеру үшін бізге жаңа сөздер керек. Ендеше бүгінгі сабағымыздың жаңа сөздерімен танысып алайық. Тақтада   жазылған сөздерге назар аударыңдар (бір оқушы сөздерді оқып шығады, балалар кезектесіп қазақша-орысша сөздерді айтады, сөздермен сөз тіркес немесе сөйлемдер құрастырады).

Сөздікпен жұмыс.

Бағдарлама – программа

Жүйе – система

Ойлап тапты – придумали

Ақпарат – информация

Тиімді –выгодно

Хабарлама – сообщения

Мәтін арқылы тақырыпты меңгерту

       Электронды пошта тарихы 1965 жылдан басталады. Массачусет технологиялық институтының қызметкерлері Ноэль Моррис пен Том Ван Влек CTSS операциялық жүйеге негізделген MAIL  бағдарламасын ойлап тапты. Бұл бағдарлама IBM 7090/7094 компьютеріне орнатылған болатын..Ең басында қарапайым ғана қызмет атқаратын бұл бағдарлама қазір үлкен қолданысқа ие болды. Е-поштаның қызметін көптеген адамдар қолданады. Е-пошта арқылы тез ақпарат алуға болады. Достарыңмен де байланысқа жылдам шыға аласың. Олардың фотосуреттерін де көре аласың. Мереке кезінде сыйлықтар да жібере аласың. Е-поштамен жұмыс істеген тиімді.

  1. Мәтін бойынша жұмыс.

Оқушылардың мәтінді дұрыс түсінгенін тексеру үшін мәтінді іштерінен оқу тапсырылады. Мұғалім олардың мәтінді түсінгендерін тексеру үшін тапсырмалар орындатады.

№

Сөйлемдер

дұрыс

бұрыс

1

Электронды пошта тарихы 1975 жылдан басталады.

2

Е-поштаны қолдану тиімді.

3

Бұл бағдарлама IBM 7090/7094 компьютеріне орнатылған болатын.

4

Бұл бағдарлама қазір үлкен қолданысқа ие болды.

5

Е-поштаның қызметін  адамдар мүлде қолданбайды.

6

Достарыңмен де байланысқа жылдам шыға аласың.

7

Мереке кезінде сыйлықтар да жібере аласың.

  IV.Тапсырмалар.   

       1. Лексикалық не грамматикалық бірліктерді игеруге бағытталған жұмыстар.   

Мәтіннен термин сөздерді табыңыз.

Тез сөзінің синонимдік қатарын түзеңіз.

Е-пошта арқылы тез ақпарат алуға болады сөйлеміндегі тез

сөзінің орынына басқа сөз қойып жазыңыз.

Диалогтік сөйлесім. Жазылым.

 Мәтін бойынша бірнеше сұрақтар жазғызу.

 Е-поштаны ашу үшін төмендегі сауалнаманы толтырыңыз:

Аты:

Фамилиясы:

Туған жылы, күні, айы:

 Жынысы:

 Қаласы:

 Е-поштаның аты:

Паролі:

Ұялы телефон №:

Құпия сұрақ:

Жауабы:

Қосымша е-пошта:

V. Диалогтік сөйлесім. Жұптық жұмыс. Тілдесім.

Қатысушылар: оқушылар.

Тапсырма. Бір-біріңнен е-пошта ашуға көмек сұраңдар. Пошта ашу кезінде орындайтын іс-әрекеттеріңізді рет-ретімен айтыңдар.

     Сұрақтар:

Сен е-пошта аша ласың ба?

 Маған е-пошта ашуға көмек бересің бе?

       Қатар отырған оқушылар бір-біріне тақырып бойынша сұрақ-жауап арқылы диалог құрастырады.

Тапсырма: Досыңыз туралы үш сөйлем жазыңыз.

VІІІ. Сабақты бекіту.

1. Е-поштаның тиімділігі неде?
2.  Е-пошта арқылы сыйлықтар жіберуге бола ма?
3.  Е-поштадағы фото суреттерді бағалайсыз ба?
4. Е-поштаның тарихы туралы не білесіз?

ІХ. Бағалау.

Х. Үй тапсырмасын беру.

«Электронды пошта» тақырыбын қысқаша мазмұндау.

ХІ. Рефлексия.

Бүгінгі сабақта не білдіңдер?

Сабақ ұнады ма?

-Барлығың бүгінгі сабаққа  жақсы  қатыстыңдар. Жарайсыңдар!Енді балалар,сабақ аяқталғандағы көңіл-күйлерің қандай екенін суреттерден таңдап алып сабақ басындағы суреттермен салыстырып, мына тақтаға іліп қойыңдар.

ХІІ. Қоштасу

-Сабақ аяқталды.Сау болыңдар!