| Сабақтың мақсаты: оқушыларға өмір, оның мәні туралы түсінік беріп, адамның өмірі өз қолында екендігі, дұрыс әрекет құндылығының маңызы жайлы түсініктерін кеңейту. Міндеттері: Оқушыларға адам өмірінің маңыздылығы, оның дұрыс әрекетпен байланысты екендігі туралы түсінік беру; Оқушылардың адамгершілік қасиеттерін дамытуға ықпал ету; Еліне, халқына абыройлы қызмет етуге тәрбиелеу; | Ресурстар: (дәптер, оқулық) Слайд, карточка
|
| Сабақ барысы: Ұйымдастыру кезеңі: 5Т ережесін еске түсіру. Тәртіп Тазалық Татулық Тыныштық Талап Тыныштық сәті. Жайлы баяу музыка қойылады. Нұрға бөлену Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге ұоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек – қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқынмен шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түкпір-түкпіріне нұр бағыттаңыз. Ойша айтыңыз: “Мен нұрлымын... Нұр менің ішімде... Мен Нұрмын”. Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.
Кім өз пікірімен бөліскісі келеді?
Үй тапсырмасын тексеру. Балалар «Өмір» туралы өлеңдерін оқиды. Сұрақ: 1.Яғни, балалалар бүгінгі сабағымыздың тақырыбы қандай? Өмір туралы 2.Адам үшін ең қымбат не? Әрине ең қымбаттысы өмір. Осы өмірді мәнді ету өз қолымызда. Сабағымыздың тақырыбы: Өмірің өз қолыңда. Өмір деген не?
Абай атамыздың он жетінші қара сөзін оқу, мазмұндау Абайдың 17 қара сөзін интерактивті тақтада тыңдату. Сұрақтар: Автор қайрат, ақыл, жүректің ерекшеліктерін қалай жеткізген? Ғылымның «жүрекке билет» дегеннің мағынасын қалай түсінесіңдер? Абай қандай адамды «қасиетті адам» дейді? Неліктен? Тағы қандай қасиеттерді «жүрекке билетуге» болады деп ойлайсыңдар?
|
Тақтамен жұмыс
Сайт http://kivvi.kz/watch/ 822d8df1irwj/
Өзін-өзі тану оқулығы
|
Дәйексөз. Адамның жақсы өмір сүруіне үш сапа негіз бола алады, олар барлығына басым болатын – адал еңбек, мінсіз ақыл, таза жүрек. Ш. Құдайбердіұлы Сұрақтар: Жүректің тазалығы дегенді қалай түсінеміз? Адал еңбек, мінсіз ақыл, таза жүрек- үшеуін дұрыс әрекетпен қалай байланыстырамыз? Оқушылар дәйексөзді дәптерге жазып, мағынасын ашып, өз ойларымен жеткізеді. |
|
