Психологиялы? тренинг саба? "МЕЙІРІМ"

Біз мейірімді баламыз

Мақсаты:

• Мейірімділік сезіміне баулу

• Біріне-бірі жақсылық жасауға, көмек беруге үйрену

• Мейірімділік сезімін жақсы тілекпен, жақсы сөзбен жеткізуді үйрету, дағдыландыру

Әдіс тәсілдері: Әңгіме айту, талдау, сұрақ жауап ойыны

Құрал жабдықтар: Түрлі -түсті қағаз, ақ қағаз, үнтаспа,сөздер жазылған плакаттар

Амандасу рәсімі

Балалар шеңберге тұрып,бір-бірінің қолдарынан ұстап « Мен қандаймын» сұрағына өз атының бірінші әріпінен басталатын сөзді атымен қосып айтады.

«Танысу тренингі»

Барлығымыз шеңбер жасап отырайық. Қазір шеңбер бойымен кезекпен жүргізушінің оң жағындағы отырған қатысушыдан бастап топқа танысуды бастаймыз. Алдымен өз есімдеріңді айтыңдар. 1-2 сөйлем арқылы қай сыныпта оқитынын өзінің атын, өзінің мінезі туралы айту керек. Осы сөздерден кейін психолог өзін таныстырып әңгімелейді. Психологтан кейін әрбір адам айналым бойынша өзін-өзі таныстырады. Танысу біткен соң, таныстырудың қалай өткені туралы пікірталас жүргізіледі. Психолог топқа мынадай сұрақ береді. Кімнің таныстыруы сіздің есіңізде қалды және оның таныстыруы сізге несімен ұнады?

Көңіл күйді көтеру

Үшке дейін санап, балалар көздерін жұмады. Көз алдымызға елестетейік жауып тұрған жаңбырдың тамшылары жай тамшылар емес, алтын тамшылар. Әрбір алтын тамшы жерімізге, қаламызға мейірімін төгіп, нұрын шашып тұр. Айналаға қарасақ, ағаштар жайқалып, көшелеріміз айнадай тазарып, гул шоқтары жайнап тұр. Аспанда әдемі түрлі-түсті кемпірқосақ көздің жауын алып тұр.Ол түсті естеріңе сақтап, көздеріңді ашыңдар. Қағаз бетіне сол түсті доғалдандырып түсіріңдер.

Сабақтың мазмұны

Бүгін біз мейірімділік жайында әңгімелейміз

А) Мейірімділік деген не ?

В) Неге мейірімді болу керек ?

Г) Қалай мейірімді болуға болады?

Күй сазымен мейірімділік туралы әңгіме тыңдау.

Бір мазасыз балапан өмір сүріпті. Күндердің күнінде ол анасынан «Мейірімділік деген не?» - деп сұрапты. «Сен әлі кішкентайсың, өскеннен кейін түсінесің » - деді анасы. Бірақ балапан шыдамсыз еді. Ол жауапты тезірек білгісі келді. Сөйтіп ол жолға шықты. Жолда ол жылап жүрген ешкіні кездестіреді. Ол балапаннан жоғалып кеткен лағын тауып алуға көмектесуін сұрайды.

«Менде уақыт жоқ»- деді балапан. Мен мейірімділіктің не екенін білуім керек – дейді де әрі қарай жүгіріп кетеді. Шалғайдан қыз баланы кездестіреді, ол ағашқа ілініп қалған шарды ала алмай жүреді. «балапан, балапан, маған шарды алуға көмектесіп жіберші» - деді. Балапан –«мен мейірімділіктің не екенін білгім келеді». «Ал мен білемін, менің анам әрдайым қайырымды адамдар туралы әңгіме айтады.»

• Маған да айтшы – деді балапан.

«Бірінші сен шарды алып бер » Балапан ұшып барып шарды алып береді. «Мінекей сен қайырымды іс істедің, мейірімділік деген осы». Қандай оңай деп таң қалды балапан.

Мейірімділік туралы сұхбат жүргізу. Сұрақ қойғызу.

Мейірімділік – ол басқалардың игілігіне қамқор болу. Қайырымды болу, жердегінің бәріне қамқорлық жасау дегенді білдіреді. Мейірімділік адамдармен және жан-жануарлармен қарым-қатынаста байқалады. Мейірімді болу деген адамдарға қамқорлық жасау және де қоршаған ортаға, өзіне жасағаннан артық болмаса кем қамқорлық жасамау.

«Кім ең мейірімді» ойыны

1. Сен аулада кішкентай баланың жылаған даусын естідің. Не істер едің?

2. Досың нашар баға алып қалды.Не істер едің?

3. Аяғы жараланған итті көрдің.Не істер едің?

«Жүрек» ойыны

(жүрек бірнеше пішіндерге бөлінген)

Әрбір ойынға қатысушы бала сиқырлы қоржыннан адамның қасиеттерін анықтайтын сөзге жазылған түрлі пішіндер алады. Қайырымды, мейірімді,сабырлы,кешірімді. Соңынан осы пішіндерден үлкен бір бүтін жүрек құрастырылады.

Рефлекция

Әр топқа тапсырмалар беру.

1. Сенің мамаң жұмыстан шаршап келді. Сен қайырымды болсаң не істер едің?

2. Даладан сен қанаты сынған құс көрдің. Сен мейірімді болсаң не істер едің?

3. Көшеде саған кәрі атай кездесіп, сеннен дәріханаға дейін шығарып салуын сұрады. Егер сен мейірімді болсаң не істер едің?

4. Досың сабаққа келе алмай ауырып қалды.Сен қайырымды болсаң не істер едің?

Тексеру тесті.

Мынадай баланы мейірімді деуге бола ма?

Балалар «ия» және «жоқ» деп жауап берулері керек.

1) Қыста құстарға ұя жасаса

2) Әрқашан кімге көмек керек екенін сезіп жүрсе

3)Рагаткамен құстарды атса

4) Ата –анасына кішкентай бөпесін күтуге көмектессе

Тақтадағы сөздерді оқу

Бақытты болу үшін бір-бірімізге жиі жақсылық жасауымыз жылы сөздер айтуымыз, қуаныш сыйлай білуіміз керек. Мейірімділік дегеніміз – бір-бірімізге деген жылуымыз,достығымыз, көмегіміз.

Шығармашылық тапсырма

Жүректің ішіне өзіңе ең жақын адамның суретін сал.

Ембі қалалық жанындағы №7 орта мектеп интернаты

ПСИХОЛОГИЯЛЫҚ ТРЕНИНГ

Өткізген Л.А.Саукебаева

2015-2016оқу жылы

Анықтама

Ембі қалалық жанындағы интернатпен №7 орта мектеп интернатының тәрбиеленуші оқушыларына 2016 жылы қыркүйек айында «Мейірім» тақырыбында тренинг сабақ өткізілді.

Мақсаты:

- Мейірімділік сезіміне баулу

- Біріне-бірі жақсылық жасауға, көмек беруге үйрену

- Мейірімділік сезімін жақсы тілекпен, жақсы сөзбен жеткізуді үйрету, дағдыландыру.

Оқушылар бұл сабақта өздерінің қоғамға, мектепке, адамдарға, жан-жануарларға деген мейірімділігі жайында ашық әнгімелер жүргізді.Тренинг соңында сабақтың қалай өткендігі жайында ой бөлісті.

Ұсыныс: Интернат тәрбиеленуші оқушыларына арналған басқа да көңіл күйді котеретін тренинг сабақтар өткізу.

Интернат психологы Л.А.Саукебаева