Қарым- қатынастарын нығайту

Тақырыбы: Педагогикалық ұжымның қарым – қатынасы

Мақсаты: мұғалімдерді өз – өзімен, өзіндік жеке ерекшеліктерімен таныстыру, қарым- қатынастарын нығайту, ұжымда жағымды атмосфера орнату

Қатысушылар: мұғалімдер

Қажетті құралдар: А4 форматтағы қағаздар, интерактивті тақта, түрлі –түсті бояулар, шарлар, жапон әліппесі.

Трениг жоспары:

Сәлемдесу «Жапон әліппесі» жаттығуы

«Өзіңді білгің келсе» жобалық тест.

.«Аңдар мен жәндіктер» жаттығуы

«Паравоз» ойыны.

«Ыстық ықылас» тілек айту

Кері байланыс

1.Сәлемдесу «Жапон әліппесі» жаттығуы

А – ка З – з П – но Ц – ми Б – зу

И – ки Р – ши Ч – кэ В – ру К – мэ

С – ари Ш,Щ – хи Г - жи Л – та Т – чи

Ь,Ъ,Ы – зук Д – тэ М – рин У – до

Э – мэй Е – ку Н – то Ф – лу Ю – фу

Ж – су О – мо Х – ри Я – на

Мұғалімдер осы әліппе арқылы өздерінің есімдерін жапон тілінде қасына сын есімді косып айтып шығуы керек. Мысалы: Сабырлы Сая деген жапон тілінде ариказузукшитазук Арикана

2.«Өзіңді білгің келсе» жобалық тест.

Мақсаты: қатысушылар жобалық тест арқылы өздерінің мінез- құлықтары мен жекелік қасиеттерін біле алады.

Нұсқау: А4 форматтағы ақ қағазға сурет салу ұсынылады.

Болған соң салынған суреттеріне қарай талданады.

Сурет салу: күн, тау, үй, ағаш, жол, жол, сақина.

Тау – дөңгелек салынса, мінезі жұмсақ, мейірімді, сенгіш. Егер тау ұшты болса, өкпелегіш, тік мінезді. Егер аралас салынса – басында қар болса, өзгермелі адам.

Үй – суретте ағаш үй салынса, арманы орындалады. Егер бір терезе салынған болса өзіне жақын бір адам туралы көп ойланады. Егер бірнеше терезе болса және жапқыштары болса, ол тұйық, сақ адам. Үйдің төбесінде мұржасы болса, түтін шығып жатса, әңгімеге жақын, өсекқұмар адам.

Ағаш – біреу болса өзінің жолдасына ұнайды. Егер бірнешеу болса, балаларды жақсы көреді, оларға уақыт бөліп, көңіл аударады. Қоршаған әлемді сүйеді, қанша мықты әдемі салынса, сұлулыққа соншалықты құмар.

Жол – үйге жақын жатса, жолы жеңіл, алыс болса керісінше. Егер жол үйдің есігінен шықса, тапқан табысын үйге әкелетін, ал керісінше болса айналасына тарататын адам.

Сақина – көзсіз болса қонақ қабылдағанды, қонақ шақырғанды ұнатады. Көзі болса болашақты ойлайды, капитал жинайды. Неке жүзігі мықты отбасын білдіреді.

3. «Аңдар мен жәндіктер» жаттығуы

Нұсқау: Ұстаздарға қағаз таратылады. Мұғалімдер әр қатарға өздерінің ұнайтын аңдар мен жәндіктердің аттарын жазады. Саны алтау. Осыдан кейін әркім менің оқыған сөйлемімді тыңдайды, оқылған сөйлем арасында өзі жазған сөздерді рет – ретімен оқып отырады, яғни өзінің кім екендігін анықтау.

Қорытынды:

Мені жұрт .... деп ойлайды.

Мені ...... деп ойласа екен деп ойлаймын.

Дәл өзім .....

Мен жұмыста.....

Жолдасыңыздың алдында.....

Негізі........

4. «Паравоз» ойыны.

Мақсаты: ұжымда бір –бірімен жағымды қатынас қалыптастыру, көңіл – күйлерін көтеру.

Нұсқау: Мұғалімдер бір қатарға тұрып реттік санымен 1,2ге саналады. Екі топқа бөлініп, бірінші топ қолдарын бір рет шапалақтап, оң аяқтарын екі рет жерге қағады. Ал екінші топ қолдарын екі рет шапалақтап, оң аяқтарын бір рет жерге қағады. Осылайша ойын жалғасады, шатасқан ойыншы өз өнерін ортаға шығып көрсетеді.

5. «Ыстық ықылас»

Әрбір қатысушыға шарлар үлестіріледі,оны өздері үрлейді, сол шарға өз атын жазады.Барлығы ортаға шығады,музыка қосылып қолдарындағы шарларын жоғарыға лақтырады музыка тоқтағанда кез-келген шарды алу керек.Шарда аты жазылған адамға тілек айтады.

Соңында психолог ұстаздарға деген тілегін білдіріп, тренингті аяқтайды.

6. Кері байланыс.

Қорытынды.

Тренингтен алған әсерлерімен бөліседі.