"Жаным толған жақсылық"

«Өзін – өзі тану – махаббат пен шығармашылық педагогикасы» атты онкүндікке арналған психологиялық тренинг – жаттығулар.

Уақыты: 10.02.2017 жылы

Қатысушылар: 7 – сынып

Барысы:

Сәлематсыздар ма, құрметті оқушылар! Мектебімізде «Өзін – өзі тану – махаббат пен шығармашылық педагогикасы» тақырыбында онкүндік өтіп жатыр. Бұл онкүндік еланамыз, Өзін – өзі тану пәнінің негізін салған Сара Алпысқызы Назарбаеваның туған күніне орай өткізіліп жатыр. Осыған байланысты, менің сендермен тренинг – жаттығулар өткізгім келді. Ендеше тренингімізді бастайық.

Әр нәрсенің басы болатыны секілді, тренингімізді де сәлемдесуден бастайық!

1 – жаттығу. «Дәстүрлі емес амандасу» жаттығуы.

Қатысушылар екі – екіден топтасып тұрады. Берілген нұсқау бойынша тапсырмаларды бірге орындаймыз.

1. Бір – біріне күлімсірей қарап алақанның ішін және сыртын тигізіп сәлемдесу;

2. Оң жақ тізелерін түйістіру арқылы сәлемдесу;

3. Оң жақ, сол жақ иықтарын тигізіп сәлемдесу;

4. Маңдайларын бір – біріне тигізіп сәлемдесу.

2 – жаттығу. «Бір өтірік, бір шындық» жаттығуы.

Қазір біз өзіміз бір шындық пен бір өтірік өз ойымызды айтамыз. Мысалы, мен мұғаліммін және де менің ұшағым бар. Өз ойымызды еркін жеткізуіміз керек.

Талдау: қайсысын айту қиындық туғызды, өтірікті ме, шындықты ма?

Өтірік айту кез келген адамның қолынан келе бермейді. Және өтірік айтқан адам емін еркін жүре алмайды. Үрейленіп, бір күні өтірігім ашылып қалар ау деген қорқынышпен өмір сүреді, еңсесі үнемі төмен болады. Ал тек қана шындықты айтатын адам бақытты өмір сүреді, еңсесі биік болады. Сондықтан да, ащы болса да тек қана шындықты айтайық! Ал шын мәнінде, шындық бұл біздің қазіргі іс – әрекетіміз, қазіргі біздің бейнеміз, ал өтірік бұл біздің арманымыз бен қиялымыздың жүзеге асуын қалап жүрген ойларымыз екен.

3 – жаттығу. «Қолымыздан келеді!» жаттығуы.

Оқушылар шеңбер құрып тұрады. Бір – біріне қарама – қарсы тұрған оқушыларға жіп беріледі, екі шетін ұстап тұрулары керек. Жіптің ең соңғы түйіскен жеріне қалам немесе қарындаш қойылады. Ал шеңбердің ортасына аузы ашық ыдыс қойылады. Сынып ұйымшылдықпен бірігіп қалам немесе қарындашты төменде тұрған ыдыстың ішіне салулары керек.

4 – жаттығу. «Отырыс» жаттығуы.

Топ екіге бөлінеді және бір – біріне қарама – қарсы екі қатарға отырады.

Нұсқаулық: «Өздеріңіздің оң және сол жақтағы көршілеріңізге қараңыздар және өз орындарыңызды естеріңізге сақтауға тырысыңыздар. Қазіргі біздің орналасуымызды «бір» санымен белгілейік. Қазір мен «екі» деймін, сол кезде әрқайсысымыз өз орнымызды ауыстыруымыз керек. «Екі». Өз көршілеріңізді тағы да есіңізде сақтап қалыңыз. Мен «үш» дегенде және «төрт» дегенде жоғарыдағыдай орнымызды ауыстыруымыз керек. «Үш» (10 – 15 секундтық үзілістен кейін) «Төрт».

Ал қазір мен кез келген санды атаймын және әр сан аталған сайын сол санға сәйкес күйді көрсетуіңіз керек.

5 – жаттығу. «Комплимент».

Шеңбер құрылған күйі оқушылар бір, екіге саналады. Бірінші нөмердегілер шеңбердің ішінде тұрады. Екінші нөмердегі адаммен жұптасады. Енді бірінші нөмердегі оқушылар екінші нөмерді оқушыларға жақсы лебіздер айтады. Екінші нөмердегі оқушылар айналып жүреді.

Орындары ауыстырылып жаттығу жалғасады.

Қорытынды:

Бүгінгі тренинг ұнады ма?

Қандай әсер алдыңдар?

«Сіз қандай ата-анасыз?»

Аты –жөніңіз:______________________________________________________

1. Сіздің балаңыз мектептен кейін, үйге біресе көзін көгертіп, біресе шалбарын жыртып келеді.

А) Сіз не болғанын сұрап, шалбарын тігіп, компресс қоясыз
Ә) Балаңызға көмектесесіз, кішкене ұрсасыз, бір күні осы қылықтары үшін бірдеңеге ұрынатынын айтасыз
Б) Оған ешқандай көңіл аудармайсыз. Бәрін өзі істесін.

2. Балаңыздың достары бар. Бірақ олардың тәртібі нашар, тыңдамайды.

А) Сіз ол балалардың ата-аналарымен сөйлесесіз
Ә) Балаларды үйге шақырып, оларға әсер етуге тырысасыз
Б) Балаңызға достарының кемшіліктерін айтасыз, олардың үлгі бола алмайтынын түсіндіресіз.

3. Балаңыз ойнағанды ұнатады, бірақ жеңілгенді ұнатпайды.

А) Еш әрекет етпейсіз, балаңыз жеңіліске үйренсін
Ә) Ол жеңілісін мойындап үйренгеншеғ енді онымен ойнаудан бас тартасыз
Б) Жеңілісін мойындауға үйрететін жағдайды әдейі туғызасыз

4. Сіздің балаңыз тәулігіне 24 сағат ойнауға бар. Кешкілікте мүлде ұйқысы келмейді.

А) Ұйқының қандай маңызды екенін түсіндіресіз
Ә) Нешеде жатам десе де рұқсат бересіз, бірақ таңертең уақытында тұрғызасыз
Б) Төсегіне белгіленген уақытта жатқызып, жалғыз қалдырасыз

5. Балаларға арналған телебағдарламаларды азсынып, балаңыз күні бойы теледидар көруге дайын.

А) Балаларға арналған бағдарлама бітісімен ұйқыға жатқызып, ол ұйықтағаннан кейін ғана теледидарды қосасыз.
Ә) Оған нені көруге болатынын, және нені көруге болмайтынын түсіндіресіз
Б) Балаңыз үшін кейбір тыңдайсыз

6. Балаңыз үлкендердің сөзіне көп араласады.

А) Бұл қылықтың жағымсыз екенін түсіндіресіз
Ә) Тыңдамағаны үшін жазалайсыз

7. Сіздің балаңыздың жасы әлі кіші болса да өзінше ғашық болады.

А) Бәрін сол қалпында қалдырасыз
Ә) Балалық махаббатқа жол бермейсіз
Б) «Махаббаттың» не екенін, қарым-қатынастың қандай болу керек екенін түсіндіресіз.

8. Басқа балалар сіздің балаңызды ұрады, келемеждейді

А) Есесін қайтаруға үйретесіз
Ә) Сол балалардың ата-аналарымен сөйлесесіз
Б) Балаңызды сол балалармен араластырмау үшін бәрін жасайсыз

9. Балаңыз қатал, аяушылықты білмейді, басқа балаларға қол жұмсайды

А) Өзіне де дәл сондай жағдай туғызасыз (аяушылық білдірмейсіз)
Ә) Осы кезге дейінгіден көбірек көңіл бөлесіз балаңызға
Б) Зорлық, зомбылықтар көрсетіп фильмдерді көруге тыйым саласыз

Жинаған баллды ата —аналар өздері санайды

нәтижесін психолог хабарлайды:

0 — 18 Сіз балаңызды өзіңіз сүріп жатқан өмірге дайындап, соған ыңғайлап тәрбиелеп жатырсыз. Сіз оның басқа заманның адамы екенін ескермейсіз. Балаңыздың заманында ең бастысы — адамдардың өз-өзіне сенімділігі, шығармашалығы, өкінішке орай сіз ол қасиеттерді көрмейсіз де, дамытпайсыз да. Сіз өмірдің өзгеріп, алға жылжып бара жатқанын көрмейсіз. Сізде ескі көзқарас қалыптасқан.

19 — 35 Сіз балаңыздың келешекте қалай өмір сүретіні туралы әлі де аз ойланасыз. Бірақ та сіз заман талабына сай болу үшін жарасып бағасыз. Тәрбиеде ескі әдіс-тәсілдерді қолданбауға тырысасыз. Кездескен қиындықтарды балаңызға өз бетімен шешуге үйретіп жүрсіз. Оған жеткілікті түрде бостандық бергенсіз, өзіңіз бағындыруға тырыспайсыз. Бірақ әлі де өзіндік өмірге дайындық аз. Сіз балаңыздың өз бетімен ойлауын дамытуды қолға алыңыз, сонда балаңызда әр нәрсеге, жағдайға деген өз көзқарасы қалыптасады.

36 — 50 Сіз балаңыздың мейірімділік пен әділеттілігі басымдырақ,ақыл, ойды, ашық мінезді, жеке пікірді бағалап, өзімшілдікті сөгетін әлемде өмір сүретініне сенесіз.