Мен және менің сыныбым

КММ №45 бейімделген орта мектебі

2017-2018 оқу жылы

5 сынып оқушылардың орта буынға бейімделу

бойынша тренинг

Өткізді:

педагог-психолог Даутова З.Т.

Өскемен қаласы

2017ж

Тақрыбы: «Мен және менің сыныбым.»

Мақсаты: 5-ші сынып оқушыларына орта буында оқуға бейімделулеріне психолого-педагогикалық қолдау көрсету.

Міндеттері:

1. Орта буында оқу бейімділіктері, дағдылары туралы түсінік беру;

2. Өздігінен қабылдау, өздігінен ашылу және басқаларды қабылдау негізінде басқа адамдармен қарым-қатынас жасау дағдыларын дамыту;

3. Өзіне-өзі сенімділігін арттыру

Тренинг барысы

1. «Сәлемдесу» жаттығуы

Қазір біз сендермен ойын ойнаймыз, қимылды тез жасауларың керек. «Бастаймыз» деген белгі берілгенде, мен қалай амандасу керек екенін айтамын, сонда сендер бір - бірлеріңмен тез - тез амандасасыңдар. Әр адаммен әртүрлі амандасасыздар. Сонымен, көзбен… қолмен… иықпен… құлақпен… тіземен… иекпен… өкшемен… арқамен.

Рефлексия: Ұнады ма? Не қиын болды?

1. «Менің есімім» жаттығуы

Қатысушылар шеңбер бойымен отырып, өз есімдерін айтады және есімдерінің басқы әрпінен басталатын бір жақсы қасиетін айтады.

1. «Сөйлемді жалғастыр» жаттығуы

Барлығы шеңбер бойынша, бір-біріне допты бере отыра өз ойларын айтады. Қатысушыларға сөйлемдерді жалғастыру ұсынылады: «Бастауыш мектептен менің есімде қалғаны...», «Бесінші сыныпта менің....көргім келеді.».

Талқылау: 5-ші сыныпқа көшуге байланысты, оқушылардың мектеп өмірінде жаңадан не пайда болғанындығы туралы айтылады.

1. «Кім.....нені» жаттығуы

Кім тәттіні жақсы көреді, солар бір адымға алға шығады; кімде мысық бар, солар қолдарын көтереді; футбол ойнау кімге ұнайды, солар оң аяқтарын көтереді; кімнің көздері жасыл, солар сол қолдарын көтереді; кім математика пәнін жақсы көреді, солар бас бармағын көрсетеді және т.с.с.

Жаттығудың соңында Кім 5-ші сыныптың оқушысы болып енеді, соларға қолдарын көтеру ұсынылады. Осы сәтте жүргізуші қатысушылардың ортақ істерінің көптігін атап өтеді.

1. «Мен кіммін? Мен қандаймын?» өзін-өзі талдау жаттығуы

Қатысушылар жазбаша түрде үш сөйлемді жалғастыру қажет: Мен ойлаймын; мен...; Басқалары мені..... деп есептейді; Менің .... болғым келеді.

Талқылау: Оқушылар өз сөйлемдерін оқиды. Не оңай болды? Не қиын болды?

1. «Тап қане» ойыны

Қатысушылар 3топқа бөлінеді. Әр команда тапсырмасы бар бет алады. Мимика, жест, кішкентай қойылым арқылы бір затты атамай көрсетуі керек (бақылау жұмысы, оқу жылы соңындағы күнделік, шпаргалка, кітап, чайник, 5 алған оқушы, ата-анасы мақтаған бала, теледидар көріп отырған бала, компьютер)

1. «Менің визиткам және сыныптың портреті» жаттығуы

Оқушыларға өздерінің визиткасын не таңбасын жасау ұсынылады. Визиткаға өз есімдерін және бір жақсы қасиетін жазу ұсынылады.

Тақтада біздің сынып плакаты ілініп тұрады. Тапсырманы орындап болғанан кейін, әр қайсысы плакатқа өзінің кеуде белгісін желімдейді.

Жүргізуші әрбір оқушыға олардың әрқайсысының сыныптың жеке бөлігі екендігін түсіндіреді. «Мен» жалпы «Бізді» құрайды. Қорытындысында жалпы ортақ «Біз» «Мен» деген пікірсіз бола ала ма?

1. «Алақан» жаттығуы

Қағаз бетіне әр оқушы өз алақанының суретін салып, орта тұсына өзінің атын жазады да, келесі оқушыға береді, әр саусақ суретіне жақсы ниеттегі сөздер жазылып, бір-біріне жалғастырылады, соңынан әркім өз алақанындағы жылы сөздерді оқып, көтеріңкі көңіл-күй болуға мүмкіндік алады.

1. Рефлексия

Оқушыларға кері байланыс сұрақтары қойылады:

1. Тренингте не ұнады?

2. Не ұнамады?

3. Не қиын болды?

4. Осы тренинг барысында өзіңе не алдың? Не түйдің?