Әлеуметтік желінің бала өміріне зияны
Ғасырлар бойы армандаған тәуелсіздік тізгіні жас ұрпақтарда ал дені сау жастарды тәрбиелеу негізгі мектеп қабырғасынан басталады. Денсаулық –адам өмірінің басты байлығы. Денсаулық, салауатты өмір салты –бақытты өмірдің негізі, ал денсаулыққа жауапкершілікпен қарау адамның ішкі табиғи қажеттілігі болуы керек. Елбасымыз «Қазақстан –2050» Қазақстан халқына жолдауында денсаулық республиканың стратегиялық дамуының ұзақ мерзімді басымдықтарының бірі болып табылады» - деген болатын. Осыған орай мектебімізде жастар арасында салауатты өмір салты құндылықтарын, рухани және шығармашылық мүдделер басымдықтарын белсенді таратуға көмектесетін балалар мен жасөспірімдердің ынталы бірлестіктерін, қоғамдық жастар ұйымдарын одан әрі жетілдіру, балалар мен жасөсіпірімдерді әлеуметтік – психологиялық сауықтыру бағдарламаларын жүзеге асыру қолға алынып, жоспар құрылып, мектебімізде 10 қаңтар мен 10 ақпен аралығында «Психологиялық денсаулық айлығы» жарияланып, іс-шаралар өткізілген болатын. Айлық «Бұл әлем қандай тамаша!» атты сурет көрмесін ұйымдастырудан бастау алса, «Адамгершілік - асыл қасиет» тақырыбында пікірталас өтті. «Денсаулық дегеніміз – бұл аурудың немесе дене кемтарлығының жай ғана жоқ болуы үшін емес, денелік психологиялық және әлеуметтік тұрғыда ойдағыдай толық күйі- » деп дүниежүзілік денсаулық сақтау ұйымы анықтама бергендей 8-сынып оқушылары арасында мектеп психологы А.Бекишеваның ұйымдастырумен «Жаны саудың тәні сау»тақырыбында коучинг өткізіліп, 8 а, 8 г-сынып оқушылары белсене қатысып, өз ойларын еркін жеткізді. Жастар арасында спортқа бейімділікті арттыру мақсатында қысқы ойын түрлерінен жарыс өткізіліп, жеңімпаздар анықталды.
Адам психикасы қуанғанда, күлгенде, көңілін көтергенде одан әрі жақсы дамиды екен. Мектеп психологы М.Майсаеваның басшылығымен 9-10-сынып оқушыларының қатысуымен «Жақсылықпен жаным дос» көңілді тапқырлар отауының ойыны психологиялық денсаулық айлығына ерекше мән қосып, жаңашылдық байқатты. Ерекше өнерді 10 а мен 10 в сынып оқушылары көрсете білді.Мұнымен тоқтап қалмай ойын барысында жетім, әлеуметтік жағдайы төмен оқушыларға көмек қолы созылып, шағын қайырымдылық акциясы өткізілді. Теңіздей терең білім ала отырып, жақсылықты жандарына серік еткен жас өскін рухани байлықтарының ақ қағаздай таза екендігін тағы да бір дәлелдеп бергендей. Бұл аз уақыт ішіндегі денсаулықты нығайтуға дәлірек айтсақ, психологиялық қажеттіліктерді еске салып, жан дүниемізді байытуға арналған іс-шаралар болатын. Мұндай шағын ғана денсаулық айлықтары жалғасын тауып, деніміз сау болсын!
М.Мақатаев атындағы
№13 орта мектебінің
Психологы Майсаева Мөлдир
