"Өмір шапағаты " тренинг

,«Өмір шаттығы!» атты салауатты өмір салтына арналған қалалық акцияның сараптамасы

14 қазан 2016жыл сағат 16.00. №13 бөбекжай-бақшасы.

2016 жылдың 14 қазан күні сағат 16.00-де Қостанай қаласының әкімдігінің білім бөлімінің Қостанай қаласы әкімдігінің № 13 бөбекжай – бақшасында салауатты өмір салтына арналған «Өмір шаттығы!» атты мерекелік іс – шара өтті. Мерекелік іс – шараның мақсаты: бала мен ата-ананың жауапкершілігін арттыру және психикалық және психологиялық денсаулық әдісін нығайту,мектепке дейінгі баланың жеке тұлға ретінде дамуына ықпал ету;баланың физикалық дене белсенділігін қалыптастыру;мектепке дейінгі ұйымның тәрбиешілері мен ата-аналарының,балалардың психологиялық құзіреттілігін арттыру; психологиялық және әлеуметтік жағдайда салауатты өмір салтын әрбір отбасына жауапты өз денсаулығына көңіл бөлетін сауықтыру рәсімдерін қалыптастыру.

Міндеті: балалардың эмоциональдық күйін жоғарылату және өз-өзіне деген сенімін нығайту және де бір-бірімен жақсы қарым-қатынаста болып,жақсы тіл табыса білуге үйрету. Іс-шара мерекесіне екі ересек топтары қатысты. Олар: «Гүлім» мен «Құлыншақ» ересек топтары және де ата-аналар қатысты.Мерекелік іс-шараны жантанушы жүргізді.

Мерекелік іс – шара жайында айтатын болсақ, «Құлыншақ» тобы тәрбиешісі Исмаилова Алма Тельманқызы және «Гүлім» тобының тәрбиешісі Акауова Арайлым Қуанышпайқызы өз топтарымен мерекелік іс-шараға ат салысты.

Іс-шараны өткізу әдісі:

№1. Сәлемдесу.Ұжымдық коллаж «Көңілді ағаш».

Тапсырма: Барлық ата-аналар мен балалар таңертең бала-бақшаға кірген беттен өздерінің көңіл-күйлеріне байланысты ұнаған түсті жапырақты немесе гүлді таңдап тілектерін жазып « Көңілді ағашқа» іледі.Тілектерді балаларға немесе балабақшаға , тәрбиешілерге жазуы керек. Ата-аналар тәрбиешілерге және балаларға күндеріңіз жақсы өтуін және көңіл-күйлерінің көтеріңкі екенін және де балабақшаның ұжымына өздерінің жылы –жылы лебіздерін, тілектерін жазып ілді. Барлық ата-аналар, әжелер көтеріңкі көңіл-күймен балабақшадан шықты деген ойдамын.

№2.Сурет көрмесі « Өмір шаттығы».

Балалар «Өмір шаттығы» атты тақырыпта сурет салу керек.Өздеріне не ұнайды,көңіл-күйлерінің көтеріңкі болғанын немесе отбасын,жақсы көретін жануарын, досын , ұнайтын сүйікті кейіпкерін т.с.с. суреттер салып әкелді.Ересек топтарының балалары өздерінің қиялдарымен жақсы суреттер салып әкелген.Барлық суретті көрме жасап іліп,ата-аналар өз балаларының қаншалықты суретті жақсы салатынына көз жеткізді.Бұл салынған сурет балабақшаның әрбір тәрбиеленушілері өзіне деген қарым-қатынасты жоғары бағалауы деп ойлаймын.

№3.Ойын түрі «Мен сенімен дос болғым келеді».

Балалар шеңбер құрып отырғызып, жүргізуші қолына иірілген жіптің ұшын алып бірінші отырған балаға береді.ол бала жіпті саусағына орап өзіңің есімін және досының есімін атап,келесі балаға береді.Солай барлық бала айтып шығады,соңында ұштарын бірге қосып,балалардың қаншалықты ұйымшыл екенін байқаймыз.Балалардан «Достық»деген ұғымды қалай түсінетінін сұраған едік, ересек тобының балалары бұл сұраққа жақсы әрі нақты жауап берді,тәрбиешілері де осы іс-шараға белсене қатысып отырды. Жақсы сұраққа жауап беріп отырған балалар: Сергазиева Жания, Наукенова Саида, Қожахмет Арлан, Күнтуған Ляззат, Багасова Адия және Сырымова Фарина, Садвакасова Гүлжан, Ахметова Аида, Мақсұт Нұрали, Жантурова Аружан. Балалар белсенді қатысып,қөңіл-күйлері көтеріңкі болды.

№4.Конкурс «Көңіл-күй тосабын жасайық».

Балалар біз бүгін «көңіл-күй тосабын» жасаймыз.Ол үшін біз бәріміз бірге мына үлкен ыдыстың (кастрөл) ішіне сәл ғана қызығушылықты салайық, бәріміз күліп көтеріңкі көңіл-күймен 100 гр.еркелік,200гр.күлкі,осының бәрін 3 минут қайнатайық!Оған біз аспанның көгін және күннің күлімдеген көзін,өзіміздің жақсы түстерімізді және анамыз қалай еркелететінін еске алып тосабымызды араластырып пісірейік. Ал енді пісіп болса ашып қарайық, не көрдініздер? ол жерде пісіп жатқан тосап емес, ол біздің көңілді, көтеріңкі көңіл-күйіміз!». Ал енді балалар мен сендерге қазанның ішінде өздеріңнің «қуаныш» сезімдеріңді пісіруді ұсынамын. Ол үшін балалар өздеріңнің қандай көңіл-күйде тұрғандарынды, түрлі-түсті смайликті таңдап, көрсетіп қазанға саласындар.Осылай балалар мәз мейрам болып қуаныш сезімін пісіреді.

№5.Қоштасу сәті.Ата-аналарға арналған «Баспалдақ махаббаты».

Бұл тренингте ата-аналар өз балаларынызды қалай еркелетіп, қатты жақсы көретініңізді және қандай жылы сөздер айтатыныңызды , алдарыңызда жатқан аяқ іздеріне жүрекшеде жазылған жылы сөздерді таңдап,балаңызға деген махаббатты эмоциямен білдіріп аяқ іздеріне жапсыру керексіздер. Мысалы: «Мен сені жақсы көремін», «Сен менің бақытымсың», «Сенің барыңа қуанамын», «Менің күнімсің», « Сен өте мейірімді,ақылды баласың бұл өмірде!», «Жаным,күнім,айым» деген сиякты көптеген сөздерді таңдап жапсырасыздар.Барлық ата-ана балаға деген жылы сөздерін,махаббатын білдіріп,тренингті аяқтаймыз.

Бүгінгі мерекелік іс-шараны қорыта келе барлық ата-аналарға,балаларға және де тәрбиешілерге өте көп рахмет. Балалар белсене қатысып,соңында барлық балаларды мақтау қағаздарымен марапаттадық. Музыка залы түрлі-түсті суреттермен және «Өмір шапағаты !» атты сөздермен безендіріліген. Балалардың көңіл-күйлері көтеріңкі және өткізілген іс-шара ұнады деп ойлаймын. Соңында бәріміз қосылып «Әрқашан күн сөнбесін» әнін үш тілде шырқадық .Мерекелік іс-шара өз мақсатына жетті.