Мұғалім мен оқушы арасындағы қарым- қатынас тренинг

«Алтыншоқы орта мектеп-бақшасы» КММ

Өткізген: психолог Р .Н. Карибекова

2015 оқу жылы

Мұғалімдер мен оқушылар арасындағы қарым- қатынас

Мақсаты:

1. Мұғалімдер мен оқушылар арасында жағымды психологиялық қатынас тудыру;

2. Мұғалімдер мен оқушылардың өзара сыйластыққа, сүйіспеншілік пен мейірімділікті сезініп, қарым- қатынас жасауына көмектесу;

3. Педагогикалық ұжымда жағымды әлеуметтік- психологиялық ахуал қалыптастыру.

Қажетті құралдар: нақыл сөздер, түсті қағаздар, баяу музыка, суреттер.

Барысы:

1. Ұйымдастыру кезеңі.

Сәлемдесу рәсімін жүргізу.

Қатысушыларды үш топқа бөлу. Топтың аттарын қою. Қатысушыларды сабақтың тақырыбы, барысымен таныстыру.

1. Негізгі бөлім.

   1. «Менің пікірім...»

Әр топқа сұрақтар таратылып береді. Сол сұрақтар бойынша ұстаздар мен оқушылар өз ойларын ортаға салады.

• Ұстаз бен шәкірттің қарым- қатынасының бастауы не деп ойлайсың?

• Ұлағатты ұстаз деп кімдерді айтар едің?

• Инабатты шәкірттеріңіз бар ма?

• Инабаттылық тәрбиеден бе, әлде туа біткен қасиет пе?

1. «Суреттегі ой»

Қатысушыларға сурет салынған үлестірмелер беріледі. Бұдан не көріп тұрмыз? Суреттер бойынша өз ойларын, не түсінгендерін айтып ортаға салады.

1. тапсырма. Ақ қағазға салынған төртбұрыш ішінде қара нүкте орналасқан.

Мұғалімдер: «Ортасында қара нүктесі бар, ақ кеңістік. Бұл бала алғаш дүниеге келгенде ақ қағаздай, сол қағазға ата- анасымен біздердің салған бейнеміз қаншалықты дұрыс болса, сол нәтижесімен салыстыруға болады...»

1. тапсырма. Жарқын шуағын төккен күн астында әр ұлттың үш баласы қол ұстасып тұрғаны бейнеленген.

Мұғалімдер: «Сыртқы түстері әр түрлі болғанымен бұл балалардың жан дүниесі бірдей, сондықтан ұлағатты ұстаздар оларға күн сәулесіндей бірдей мейірім шуағын төгеді... »

1. тапсырма.Біреуді нұсқап тұрған сұқ саусақты бейнелеу.

Оқушылар: «Біз сұқ саусағымызбен өзгені көрсетіп тұрғанда бізге үш саусағымызбен өзімізді көрсеткенімізді аңғара бермейміз. Ендеше, біз әлдекімді кінәлағанда, өзіміздің кінәмыз бар ма, жоқ па, осы жағына көңіл бөлуіміз қажет. Кінәні өзгеден емес, өзімізден іздейік...»

1. тапсырма. Түнгі аспан, жымыңдаған жұлдыздар, жарығы сөнбеген бір үй бейнеленген.

Оқушылар: «Түн. Айнала жым-жырт. Аспанда жымыңдаған жұлдыздар, ел ұйқыда, бірақ ояу бір кісі бар. Ол – мұғалім. Ол қанша жыл ұстаз болғанымен, жұмыста да, үйде де ертеңгі сабағына үлкен жауапершілікпен дайындалып келеді...»

1. «Ізгі ой».

Баяу музыка қойылып мұғалімдер мен оқушыларға тапсырма беріледі.

Ойларын қағаз бетіне түсіреді.

1. (оқушыларға)

Бір адам туралы сүйіспеншілікпен, ізгілікпен ойланып, оны қағазға түсіріңіз.

1. (мұғалімдерге)

Сіз үшін киелі немесе жұбаныш әкелуші болып саналатын әрбір есімді немесе сөздерді іштей ойланып қағазға түсіріңіздер.

1. «Еңбек ағашы». Қазір сіздерге үш түрлі қағаз қиындылары таратылып беріледі. Сол қағазға өз ойларыңызды жазып, әрқайсысн өз орнына ілесіздер.

• Бұталарға – мұғалім қандай болу керек?

• Жапырақтар – мұғалімнің түпкі маұсат- мұраты.

• Гүлдер – мұғалім еңбегінің нәтижесі.

• Жемістер – шәкірт қандай болуы керек?

Міне, сіздер «еңбек ағашын» құрастырып шығардыңыздар. Сіздердің еңбектеріңіздің жемісі осы емес пе?

1. «Ой түйін».

Әр топ екі түрлі түстер таңдап аласыздар.

1. топ. Таңдаған түсі қызыл, жасыл. (қалампыр гүлін жасау). Ұстаздарымыздан алған біліміміз бен тәрбиенің арқасында Отанымызды сүйетін патриоттар болып өсеміз. Осы гүлді ұстаздарымызға сыйлаймыз.

2. топ. Таңдаған түсі көк, сары. (Қазақстан туын бейнелейді). Ұстаздарыңыздың еңбектерін ақтап егеменді еліміздің білімді ұрпағы болып, тілімізді, дінімізді құрметтей отырып, еліміздің туын биікке көтеруге ұмтыламыз.

1. Сабақты аяқтау жұмысы.