"Мен үлгілі ата - анамын"

Тақырыбы: «Мен үлгілі ата – анамын»

Мақсаты: ата – анамен баланың қарым – қатынасын жақсарту

Армысыздар құрметті ұстаздар мен қадірменді ата-аналар!

Мектеп-біздің панамыз,Одан білім аламыз. Ұстаздар жол көрсетсе, Биіктейді санамыз - деп білім алып отырған білім ордамызға қош келіпсіздер!

Барлық туыстық атауларға негіз болатын ұрпағының жақсы азамат болып өсуін тілейтін кімдер?

Әрине бұл-әр адамның ата-анасы!

Олай болатын болса бүгінгі байқауымыздың бағдарламасы ағайын-туысты тануға,сыйлауға үйрететін,тәрбиелейтін ата-аналарымызға арналады.

1 шарт. Отбасындағы бала тәрбиесіндегі көрініс.

2 шарт. Сұрақ-жауап.

3 шарт. Отбасылық өнер.

4 шарт. Психологиялық ойын. «Миға шабуыл»

5 шарт. Сезімнің суретін салу.

 Ендеше 1 шарт бойынша көріністі сәттілік тілеп алғашқы сынағымызды бастаймыз.

Ана деген алатаудай асқар шың,

Махаббаты қол аспан — күн.

Ананың аңсайтыны — баласы

Баланың да аңсайтыны – баласы.

Сұрақ-жауап,яғни сұрақтар өмірден алынған. Мысалы біз кейде балаларымызға «Ақымақсың сен қолыңдағының барлығын таратуға дайынсың…» дейміз, бұл — негативті қондырғы.Салдары жайлы ойласаңыз осы кезде балада өзін төмен бағалау,қызғаншақ,өзінің құрбыларымен қиындықтар өзімшілдік пайда болады . Сіз былай жауап беруіңіз керек: «Жарайсың! Сен қолыңдағыны өзгелермен бөлісесің! »-бұл позитивті қондырғы.

Қатысушыларымыздан әділ-қазылардың алдынан сұрақтарын алуын сұраймыз.Әр ата-анаға екі сұрақтан.

Сұрақтар:

  №1

1.«Басыма бәле болдың ғой».

2.«Бұл  сенің ақылың   жететің жұмыс емес, араласпа!..»

 №2

3.« Қалыңырақ киін, ауырып қаларсың!»

4.«Сен  тура   әкең  сияқты жалқаусың…»

  №3

5.«Ешнәрсе  істей алмайсың,қолыңнан түк келмейді!»

6.«Өмір өте қиын: өскен соң білесің!..»

  №4

7.«Лассың, қопалсың!»

8.«Өзің  ешқандай  іс істеме,үлкендерден  рұхсат  сұра!»

№1

Салдарын жүргізуші оқып тұрады.

1. Өзін кінәлі сезіну, өзін төмен бағалау, айналасындағыларға өшпенділік, бөтендік, ата-анасымен жанжал пайда болады.

Позитивті жауапты қатысушы айту керек.

1.«Бақытымсың,қуанышымсың!»

Салдарын жүргізуші оқып тұрады.

2.Өзін төмен бағалау,психикалық дамуында іркіліс,өзінің пікірінің жоқтығы,бөтендік,жанжал туады.

Позитивті жауапты қатысушы айту керек.

1. «Ал,сен қалай ойлайсың?»

№2

  Салдарын жүргізуші оқып тұрады.

3.Өзінің денсаулығына деген жоғары уайым,уайымдау,қорқыныш,жиі тұмау аурулары пайда болады..

Позитивті жауапты қатысушы айту керек.

1. «Шынықсаң сау боласың!»

Салдарын жүргізуші оқып тұрады.

4.Ата-анамен қарым-қатынастағы қиындықтар,бірбеткейлігі,ата-анасының қылығын қайталау қалыптасады.

Позитивті жауапты қатысушы айту керек.

1. «Біздің әкеміз тамаша адам!»

  №3

Салдарын жүргізуші оқып тұрады.

5.Өзінің күшіне деген сенімсіздік,өзін төмен бағалау,қорқыныш,өзінің денсаулығына деген жоғары қорқыныш,талапсыздық,мақсатқа жетуде жайбасарлық пайда болады.

Позитивті жауапты қатысушы айту керек.

1. «Тағы бір істеп көр,сенің қолыңнан келеді!»

Салдарын жүргізуші оқып тұрады.

6.Сенімсіздік,қорқақтық,еріксіздік,тағдырға мойынсыну,бақытсыз жағдайларға бейімділік,күмандану,пессимизм пайда болады.

Позитивті жауапты қатысушы айту керек.

1. «Өмір қызық әрі тамаша! Барлығы жақсы болады!»

№4

Салдарын жүргізуші оқып тұрады.

7.Өзін-өзі кінәлау,қорқыныш,өзіне және өзінің сыртқы келбетінекөңіл аудармау,достар таңдай білмеу.

Позитивті жауапты қатысушы айту керек.

1. «Сен таза әрі жинақы кезіңде,саған қараған өте керемет!»

Салдарын жүргізуші оқып тұрады.

8.Қорқыныш,өз-өзіне сенімсіздік,мақсатсыздық,үлкендерден қорқу,тәуекелсіздік,өзгелердің пікіріне тәуелділік,беймазалық пайда болады.

Позитивті жауапты қатысушы айту керек.

1. «Сен күштісің,қолыңнан барлығы келеді.»

3 шартымыз бойынша отбасылық өнер көрсету. Ал енді ата-аналарымыздың өнерін тамашалаймыз.

«Жүректен шыққан жылы сөздер..»атты сергіту сәтін ойнайық.

( түрлі-түсті қағаздан қиылған кішкентай жүрекшелер таратылады.)

Жүрекшелерге өз баларыңызды қалай еркелетесіздер,қандай мейірімді сөздер айтасыздар,яғни жүректен шыққан жылы сөздеріңді жазыңыздар.

(үлкен жүректі тақтаға ілеміз,әрбір қатысушы жүрекшелердегі жазған сөздерін оқып үлкен жүрекке орналастырады.)

Мына үлкен жүрек,ата-ана,сіздің жүрегіңіз,ал мына жүрекшелер сіздің балаларыңыздың жүрегі.Әрқашанда балаларыңызға деген жылы сөздеріңіз көп болсын! Олай болса,ата-ана жүрегі қашанда бала,ал бала жүрегі ана деп соғуы керек.

4 шартымыз бойынша психологиялық ойын «Миға шабуыл».

Яғни ата-аналарға балалары естіп-көріп жүрген ертегілердің атын терісқарай айтамыз,ал ата-аналар тез арада оңғаратып айтып беру керек.Әр ата-анаға бір ертегіден жасырамыз.

1.ашзат алаб – Тазша бала

2.радла есөк – Алдар көсе

3.қабңақ лаш – Қаңбақ шал

4.сымапла рытаб – Алпамыс батыр

5 шартымыз сезімнің суретін салу. Құрметті ата-аналар! 4 түрлі сезімнің аты жазылған парақтар тұр, бір-біреуден алуларыңызға болады.

 Сезімдер

1.Бақыт

2.Таң қалу

3.Риза болу

4.Махаббат

 ( ақ қағазға түрлі-түсті қаламмен қиялындағы сезімнің суретін салып болған соң,оны сипаттап береді.)

Қымбатты көрермендер қауымы! Осымен балалармен бірігіп ата-аналар арасында өткен «Мен үлгілі ата-анамын» байқауы аяқталды.