Мен өмірді сүйемін» тренинг 6-8 сынып

Батыс Қазақстан облысы

Теректі ауданы

Шаған ЖОББМ

«Мен өмірді сүйемін»

тренинг-сабақ

\6-8\ сынып

Педагог-психолог:Гумарова Ж.Ж.

2018-2019жыл

Тренинг тақырыбы «Мен өмірді сүйемін»тренинг

Мақсаты: Оқушыларға өмір ұғымын түсіндіре отырып, өмірде кездесетін әртүрлі жағдайлар туралы ақпарат беру.
Күтілетін нәтиже: балалардың өмірге деген құштарлығын, қызығушылығын ояту.

Тренинг жоспары:

1. «Сәлемдесу» жаттығуы.

2. «Топқа бөлу»

3. Кіріспе сөз. Психолог сөзі.

4. «Ойланып көрейік» жаттығуы.

5. «Өмір туралы өлең шумақтарымен мақалдарды құрастыру...» жаттығуы.

6. «Ыстық картоп» жаттығуы.

7. «Метафора арқылы сөйлеу» жаттығуы

8. «Күлкі «К» витамині» тренингі.

9. Қорытынды.
   
   3. Кіріспе сөз. пихолог рбір адам - өмірге келген қонақ. Өмір өте мәнді, мағыналы, мазмұнды өтуі үшін «қамшының ғана сабындай қысқа өмірде «адамдардың бір - бірімен сыйластықта болғанына не жетсін!
   
   Жан – жағымызға мұқият қарасақ, айналамызда күйбең тіршілік жүріп жатыр. Адамдар еңбек етуде, жұмысқа бара жатады, жұмыстан қайтып жатады. Демалады, қонаққа барады, алға қойған мақсаттарына жетіп, басқа бір мақсаттар қойып жатады. Кейбіреулер болса қайғы - мұңды бастарынан өткеріп жатады. Ал, кейбіреулер не үшін өмір сүріп жүргендерін, қиындықтардан қалай құтылу керектігін білмей өмірден түңіліп жатады. Бұл - өмір. Қалтарыстары мен қиындықтары көп осынау өмірде адамдар бір – біріне және өздеріне мейіріммен қарап, ізгі ниетпен жақсылық жасай білу керек. Сол қиындықтарды жеңу жолдарын іздеп, алға қойған мақсаттарына жете білулері әркімнің өзіне байланысты екен.
   4. «Ойланып көрейік» жаттығуы.
   Мақсаты: Өмір туралы ұғымдарын дамыту.
   Уақыты: 5 минут
   Нұсқау: Төменде берілген сұрақтарға жауап таңдап алып, дәлелдеңдер.
   (қатысушылар іштей екі топқа бөлінеді).
   Адам не үшін өмір сүреді?
   - - Үлгілі отбасын құру үшін.
   - Білім алу үшін.
   - Қоғамға және өз ортасына пайда келтіру үшін.
   - Үлкен дәулетке қол жеткізу үшін.
   - Өзін өзгелерге таныту үшін.
   Өмірден өз орнын табу деген не?
   - Жоғары атаққа ие болу.
   - Материалдық дербестік және мол дәулетке жету.
   - Тату және берік отбасын құру
   - Адал достар көп болу.
   - Өзі сүйген адамының сүйіктісі болу.
   Өмірде үлкен табысқа жету үшін адам бойында қандай қасиеттер болу керек?
   - Еңбекқор, адал, әділ болу
   - Қабілетті, дарынды болу.
   - Өзін және өз мүмкіндіктерін жақсы білу.
   - Адамдармен тіл табыса білу.

1. Өлең шумақтарын, Мақал-мәтел құрастыру.

Адам мен табиғаттың тілдескені - өмірдің үндескені.

Өтпейтін өмір жоқ, сынбайтын темір жоқ.

Өмір озады, ажар тозады.

Доссыз — өмір тұл, Махаббатсыз — өмір тұл.

Жұмысы жемістінің — Өмірі келісті.

Уақытыңның босқа өткені — Өміріңнің бос кеткені.

Өмір қартайса да,Көңіл қартаймайды.

Өмір деген тұрмайды : қап-қарадан

Өмір деген тұрады: ақ- қарадан

Ақ –Қара, екі арасын ашып өтіп

Арымен өз бақытын тапқан Адам!

Дүниенің ағын да, қарасын да, Мыңқ етпейсің, қабылдап аласың да.

Қарасымен шамаң жоқ таласуға, Ей, өмірім, зымырап барасың ба?

Жер мен көктің желпініп арасында, Желігесің, түсесің қара суға.

Құйын қуған қаңбақтай аласұра, Ей, өмірім, зымырап барасың ба?

Мен отырмын теңіздің жағасында, Бересім де жоқ оған, аласым да.

Мені тастап, толқындар, ағасың ба? Толқынданып, өмірім, барасың ба?

Шаң шығарып ізінен құйындаған, Барасың ба, өмірім, қиындаған?

Сыйын маған, Ей, өмір, сыйын маған, Сыйыңды алам мен сенің бұйырмаған

6. «Ыстық картоп» жаттығуы

7.«Метафора арқылы сөйлеу» жаттығуы. Өмірде кейбір жағдайларды суреттеу, ертегі, аңыз, мысал, өлең арқылы түсінуге болады. Ендігі тапсырма метафора арқылы сөйлетіндеріңді білдіреді.

            Сіздерге 9 сөз беріледі. Сіздер әңгіме, ертегі, не өлеңде осы сөздерді пайдаланып, сөйлем құрастыруларыңыз керек: директор, жарайсыздар, кемпірқосақ, апта, психология, мектеп, ойын, ал кімге жеңіл, ура.

8. «Күлкі «К» витамині» тренингі. Бұл тренингте 3 топ «Мен таңдаған өмір...» тақырыбында 3 әзілден көрсетеді.

9. Қорытынды бөлім

Рефлексия. Келген қонақтарға рефлексия қағазын тарату, оқушылардан бүгінгі тренинингтен алған әсерлерін сұрау. Бүгінгі тренинг-ойын сабағы ұнады ма? Қандай әсер алып, өздеріне қандайда бір сабақ алдыңыздар ма?

Қорытынды психолог сөзі: Бүгінгі «Мен өмірді сүйемін» тренинг-сабағымыз аяқталды. Қатысқандарыңызға көп рахмет! Осылай өмірде белсенді, қуанышты болыңыздар! Өмірлеріңді бағалап, мәнді өткізе біліңдер! Қызықты сәттеріңіз мол болсын!