Тарихи орындар ?ыс?а мерзімді саба? жоспары

4- сабаққа болжау

Үшінші аптаның төртінші күнінде төртінші сабағымды өткізуге жоспар құруға кірістім. Сабағымды әдеттегідей тренингтен бастаймын. Оқушыларды топқа қалай бөлем деген оймен, төртбұрыштарға сандар жазу арқылы , үш топқа бөлсем деп ойлаймын. Әр сабақты бастамас бұрын қызығушылықтарын ояту үшін не істесем екен деп ойладым. Сабағымның тақырыбымен таныстырамын.»Тарихи орындар» Үш топқа флипчарт таратамын.Содан кейін топтарды бағалау парағымен таныстырамын, яғни І топ,ІІ топты бағалайды,ІІ топ ІІІ топты бағалайды,ІІІ топ І топты бағалайды,әр тапсырманың соңында бағаларын айтқызу. Дарынды оқушыларды анықтау мақсатында топтық жұмысқа мынадай тапсырмалар беремін. І топқа «Түркістан» қаласы туралы не білетіндерін қағаз бетіне түсіреді, ІІ топқа «Тараз» қаласы туралы жазады,ІІІ топ «Отырар» қаласы туралы білгендерін топта талқылай алады деп ойлаймын. Бұл жерден жеке, жұптық, топтық жұмысты көруге болатын еді. Себебі оқушылар жазған сөздерін жұппен тексеріп, топ алдында талқылау жасаушы еді. Мұнда жауап берген кезде оқушылардың дарындылықты, талант және көшбасшылықты анықтауға болады. Әр қаланың көрнекті жерлері болады, бұл қалалар әр елде несімен даңқты? деген сұрақ қоямын,оқушылар слайд бойынша автоқаламмен сәйкестіктерді көрсетеді. Мұнда АКТ –ны көрсетемін.Деңгейлік тапсырманы көрсету ретінде слайдта берілген сөздерді буынға бөліп, буын түрлерін анықтауға беремін. Берілген сөздерді топтап жазу.Ендігі жерде өзін-өзі реттеуді зерттеу үшін,түсініп оқу: мағынаны ажыратуға беремін.Үш топқа семантикалық картаны толтыруға беремін. Осы сабақты қорытындылай келе, жаңа тақырып төңірегінде сұрақтар қоямын, осы арқылы диалогтік оқытуды және сын тұрғысынан ойлау арқылы ВЕНН диаграманы көрсетемін.Әр топтар бірін – бірін бағалайды. Үйге тапсырма беремін.

Сабақтың жүрілуі бойынша мұғалімнің жазбалары: мұғалім немен айналысады және оқушылар немен айналысады.

№ 4-сабақ. Тақырыбы: Тарихи орындар

Сабақ өткізгеннен кейінгі рефлекcивті есеп

Оқушы оқу үдерісіне белсенді қатысқанда ғана материалды терең меңгеруге қол жеткізеді. Басқаша айтсақ, жеке бағдарланған білім беру шеңберінде, оқушылардың сыныпқа келген кездегі бастапқы сенімдерін, білімін және өзіндік ойын негізге ала отырып, өз пайымдауын жасауға қабілетті екенін мұғалім түсінеді. Егер оқу үдерісі оқушы мен оқу материалын қосатын «көпірді салуға» негізделсе, онда осы үдерісті үйлестіретін мұғалімдер көпірдің екі жағын да қадағалай білуі тиіс. Мұғалімдер оқушылардың не білетінін және нені жасай алатынын, сондай-ақ олардың қызығушылықтарын, әр оқушының нені жақсы көретінін және не істегісі келетінін түсінуге тырысады. (Мұғалімге арналған нұсқаулық, 35 бет).

Менің бұл сабағым зерттеу кезеңіндегі 4 сабақтан алынған . Бұл сабақ 4 «б» сыныбында «Тарихи орындар » тақырыбы бойынша өтілді. Сабақтың мақсаты “ Оқушының өз ойын теориялық біліммен ұштастырып, өз бетімен білім алу дағдысын қалыптастыру,шығармашылық қабілеттерін шыңдау, оқу әрекетін ұйымдастыра білуге үйрету» болды.Алдымен оқушыларды түгендеп,психологиялық ахуалды реттеу үшін, тренинг өткіздім де, топқа бөлдім.Содан кейін бағалау парағымен таныстырдым, яғни мұнда топтар белгілі критерийялар бойынша бірін- бірін бағалайды, сондықтан да сабаққа белсенді қатысындар деп ескерту жасадым. Оқушылардың сөйлеу мәдениетін арттыру мақсатында топтық жұмыс кезінде әр топқа флипчарт тараттым да, үшеуіне үш түрлі қаланың атауларын бердім.І- Түркістан, ІІ- Тараз, ІІІ – Отырар қалалары туралы білгендерін флипчартқа жазды, талдау жасалды.

Бұл топтық жұмыс уақытында Аружан,Милана,Индира, Люба белсенділік танытты. Тіпті сабақта белсенділік танытпайтын Алексей,Александра, Дархан да белсенділік танытты. Сабақтың басында Екатеринаның жай отырғанын байқадым. Бірақ уақыт өте келе басқа балаларға қарап, оның да қызығушылығы арта бастады. Кластер құруда топ арасында ой салу кезінде Аружан мен Милана, Виктория көшбасшылық танытты. Кластерді қорғауда Виктория, Индира, Милана өздерінің дарындылығымен көзге түсті.

АКТ-мен жұмыс кезінде тақтада жазылған әр ел несімен даңқты ,сөйлемдерді сәйкестіріп жазды. Бұл тапсырманы орындау кезінде барлық оқушыларды тақтаға шығарып, жұмыспен қамтуға тырыстым. Оқушылар түгел шығып, тапсырмаларды дұрыс атқарып шықты.

Деңгейлік тапсырманы көрсету үшін сөздерді буынға бөліп буын түрлерін ажыратты. Берілген уақыт ішінде әр топ өздерінің шама-шарқынша жұмыс істеді. Бұл тапсырмада байқағаным, І топтың оқушылары барлығы бірдей жұмыс істеп отырды, яғни оқушылардың арасында бір-біріне деген сенімділік бар екені көрініп тұрды. Мұнда, керісінше, сабақта екпінді оқушылардың бірі Александра белсенділік танытып, өзін жақсы жағынан таныта білді.

Деңгейлік тапсырманы көрсету үшін,топтарға параққа жазылған тапсырмаларды үлестіріп бердім, І топқа қатаң дыбыстан басталатын сөздерді теріп жазу, ІІ топқа – ұяң дыбыстан басталатын сөздерді,ІІІ топқа – үнді дыбыстан басталатын сөздерді теріп жазуға бердім. Әр топ тапсырмаларды тез және дұрыс орындап шықты.

Сыни тұрғыдан ойлауды көрсету үшін Венн диаграманы толтырды.Мұнда сабаққа белсене қатысатын, өзінің көшбасшылығын көрсететін Виктория, Милана, Индира, Аружан интерактивті тақтаға шығып жазды. Сабақ соңында топтар бір – біріне қойған бағаларын айтты, сол бағаларының неліктен бұлай қойылғанын түсіндіріп өтті. Топ арасында қойылған бағаларына келіспегендері бола қоймады, бәрі қостап, бір ауыздан келісті.Сабақты қорытындылау кезіңде рефлексия жүргіздім.Жалпы сендерге осы өтілген төрт сабақ ұнады ма, ұнаса несімен ұнады деп сұрадым. Оқушылардың көбі топта жұмыс істеуі, тренингтер, сурет салуымыз, өзімізді бос ұстауымыз деп қорытындылады.

Бұл сабақта қол жеткізген нәтижем – оқушылардың топ арасындағы өзара қарым-қатынасы жақсарды, бір-бірін тыңдауы, көңіл бөлуі, бір-біріне деген сенімділіктері артты. Керісінше оқу үлгерімі орташа оқушылар сабақ барысында белсенділік танытты. Негізі бұл сабақта қойған мақсатыма жеттім. Кетіп жатқан қателіктер әрине болды.

Сілтеме: Мұғалімге арналған нұсқаулық