Табиғат тылсымы

Өзiн-өзi тану сабағының жоспары

Мектеп: №26  гимназия          Мерзiм:  04.04.17       №27

Тақырып: Табиғат тылсымы

Құндылық: қиянат жасамау

Қасиеттер: мейірімділік, қамқорлық,

Мұғалiм: Жасұлан М.Ж.      Сынып: 5 «Б»           Оқушылар саны: 18

Сабақтың мақсаты: оқушылардың «табиғат», «туған жер», «атамекен» ұғымдарына байланысты түсініктерін кеңейту.

Міндеттері:

­ табиғаттың адам өміріндегі маңыздылығын түсіндіру;

­ табиғатқа қамқорлық жасай білу іскерліктерін дамыту;

­ табиғат ғажаптарын тани білуге және онымен үйлесімді өмір сүруге тәрбиелеу.

Ресурстар:

А4, түрлі-түсті қарындаштар, оқушы дәптері.

Сабақ барысы:

1. Ұйымдастыру кезеңi. Тыныштық сәтi.

ОРМАНҒА ОЙША СЕРУЕН.

Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз.

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Сабақ барысын талқылау:

Табиғат адамға шаттық пен шабыт беретін орта. Табиғат аясында демалған адам өзін қашанда жақсы сезінеді. Адам табиғаттан сұлулықты сезінеді, әдемілікті өз бойына сіңіреді, кеңдік пен талғамды үлгі етеді. Табиғат сұлулығын тамсана қараған, жан тәнімен сүйсіне білген адам ғана табиғаттың осындай жақсы жақтарын көріп, сезе алады. Табиғат адам жанына жомарттық, қиялдарына ұшқырлық, сөзімдеріне асқақтық, көңілдеріне мөлдірлік сыйлайтын орта!

1. Үй тапсырмасын тексеру.

Жылдың төрт мезгілін суретке салып келу.

• Қай мыл мезгілі ұнайды? Неліктен?

• Табиғат тылсымы дегенді қалай түсінесіңдер?

• Табиғаттың қандай көріністері сендерге әсер етеді? Неліктен?

• Табиғат сұлулығын қалай сезінуге болады?

• Табиғат аясында өздеріңді қалай сезінесіңдер?

Оқушылардын үй тапсырмасын сұрау.

1. Әңгiмелеу (сұхбат).

Ә. Ысқабаевтің «Бесағаш бұлағы» атты әңгімесінен үзінді.

• Қасымбек Бесағаш бұлағын неліктен ерекшк жақсы көрді?

• Ақсақал неліктен бұлақ көзін ашу үшін еңбектенді?

• Табиғатты аялаудың мәні неде?

• Өздеріңнің ерекшк жақсы көретін жерлерің бар ма? Қандай?

Түсіндіру, өз ойларын сұрау.

1. Дәйек сөз.

«Табиғаттың өзінде өзгеше бір сүйсінерлік, жанға жайлы бір нәрсе бар»

Ш. Уалиханов бұнымен не айтқысы келді?

1 Қыздар1-рет, ұлдар 1-рет, қосылып 1-рет қайталау. Мағынасын ашу, талдау.

1. Шығармашылық жұмыс, топтық жұмыс.

«Табиғат не үшін қажет?»

1. Ғалым

2. Дәрігер

3.Суретші

4.Дихан

Топқа бөлу.

1. Топпен ән айту.

Табиғат ­ анамыз

Сөзі: Н. Жанаевтікі

Әні: С. Қаратаевтікі

Табиғат­ол анамыз,

Табиғатқа баламыз.

Құшағында ойнаймыз,

Шаттық әнге саламыз.

Жазда аралап тауын да,

Барамыз біз бауына.

Өзеніне шомылып,

Жүгіреміз жауында.

Әуенді қосып, бірге айту.

1. Үй тапсырмасы.

В.Сухомлинскийдің «Бала және Інжугүл қоңыраулары» атты ертегіні оқып келу.

Күнделіктеріне жазғызу.

1. Бағалау

Жапырақшалар тарату арқылы бағалау.

Әр оқушыны бағалау, алғыс айту.