Сан есімнен өткенді қайталау

Сабақ тақырыбы: Сан есімнен өткенді қайталау

Сабақтың мақсаты: Сан есімнен оқущылардың қаншалық ұғынғандықтарын байқау, түрлі ойындарды пайдалана отырып, балалардың байқағыштық, тапқырлық, жылдамдық, есте сақтау қабілетін арттыру

Сабақтың түрі: Қорытындылау сабағы

Сабақ әдісі: сұрақ-жауап, салыстыру, топтау, талдау, карточкамен жұмыс

Сабақтың пәнаралық байланысы: әдебиет, математика

Сабақтың көрнекілігі: плакат, ребус, кесте

Сабақ барысы: 1.Ұйымдастыру «Көңілді санамақ»

2.Үй тапсырмасын сұрау

Оқушылардан үй тапсырмасы сұралады. Шарты: Сан есімдерді қатыстырып, «Үш қозы туған қой», «Жайлауда» тақырыбында әңгіме жазып келу.

3.Өтілген тақырыпты «Хат қоржын» арқылы тексеру. Пошташы қыз қонаққа келіп, конверт таратады. Хат келген оқушы жауап береді.

1. Сөз таптары қалай аталады?

2. Қандай сөз табын сан есім дейміз?

3. Сан есім құрамына қарай нешеге бөлінеді?

4. Сан есім мағынасына қарай нешеге бөлінеді?

5. Сан есімнің емлесін түсіндір?

6. Сан есімнің сөйлемдегі қызметі қандай?

7. Мына сан есімдерден реттік сан есім жаса: 2, 1000, 300, 304, 46.

Мұғалім тілегі: Бір мен екі алмаңдар

Үшке алданып қалмаңдар

Кілең төрттік алғандар

Бесті ғана армандар

4. а) Мәтінмен жұмыс. Топтарға мәтін таратылады. Сан есімді теріп жазып, мағынасын ашу. Б) 1-2 топқа карточка, 3-4 топқа ребус.

5. Жұмбақ шешіп көрейік.

1-топқа: Аты әйгілі он екі қақпасы бар

Әр қақпада 30-дан тоқтасы бар

2. Төрт аты бар

Төрт пілі бар

Шайқас ауанын біліп ал.

3. Бойы екі қарыс

Алып тұр 25 арыс

4. Жүз төрт түйме, он бір ине

2-топқа: 1. Ағайынды он

Кигені екі тон

2.Жүз мүйізің бар

Үстінде киізі бар.

3.Өзі төрт қанатты және алты аяқты

Сөйтсе де тік ұшақтың көшірмесі сияқты.

4. Жиырма төрт батыр,

Бірін-бірі жеп жатыр.

3-топқа:

1. Екеуі де бір үйде,

Бірін-бірі көрмейді.

1. Төрт аяғым болғанмен,

Жүре алмаймынөзімше.

1. Үш тіспен шөп жейді,

Ол затты не дейді.

1. Қос құлағын бұрама,

Он екі белдік құрама

Оның саған қосылып

Ән салғанын сұрама

4-топқа: 1. Екі ана,

Екі анада

Он бала

Есімі біреу бәрінің.

2. Кіші есіктей қара дәптер,

Алты жастан танисың.

Он жыл бойы бағалап көр

Сыйлығына жарайсың.

3. Апалы-сіңілі келеді,

Бір-біріне ереді.

4.Айқасқан екі таяқ,

Тұрады жоқты сұрап.

1. Жаңылтпаш айту.

1.Құзғын жүз күн жасай ма,

Құзғын жүз жыл жасай ма

Құзғын жүз жыл жасайды,

Қалдықтарды асайды.

2.Көже ішіп отыр үш кісі,

Үшеуінің ішінде

Менің ағам ең ішкіші.

3.Ол беске дейін

Мен үшке дейін санадым

Олкешке дейін

Мен түске дейін санадым.

4.Өрісінде 101 өгіз

Сұрап алдық біз бір өгіз

Сұрасаңыз біз бір өгіз

Есебін –ап біз жүреміз.

1. Терме диктант.

«Әлемнің сегізінші кереметі»

Әлемде 7 керемет болса, біздің Астанамыз әлемнің сегізінші кереметі. Биіктігі 97 метр болатын бәйтерек ғимараттың бітіміне дүние жүзі халықтарының мифтік, поэтикалық саласына ортақ әлемдік бәйтерек бейнесі негіз етіп алынған. Ғимарат 1997 жылы Астана Қазақстан Республикасының елордасы атанғанын білдіреді.

Бұл нысанды салуға 2812 текше метр темір бетон, 999 тонна құрылымдық металл, 251 тонна арматура жұмсалған. Екі лифті 86 метр биіктікке орналасқан панорамалық залға лезде алып шығады. Нақ осы жерден Астананың жан-жағы алақандағыдай көрінеді.

Сергіту жаттығулары «Белсенді топ»

1. «Кім тапқыр» Кім ішінде сан есімі бар сөздерді ойлап жазса, сол көп ұпай жинайды. Мысалы: түбір, күшік.

2. «Кім ойшыл» 4,6,100,1,1000,40,2,50,7.

Осы сандарға байланысты мақал тауып жазу.

1. Бағалау.

2. Үйге тапсырма: «Сен білесің бе?» айдарымен кітап, энциклопедиядан қарап, жануарлардың неше жас жасайтынын жазып келу және Гиннестер кітабынан қызықты мәліметтер жазып келу.