Сабақтың тақырыбы: Достық

Умирбаева Асель Жуманазаровна,

қазақ тілі мен әдебиеті пәнінің мұғалімі

№ 34 орта мектебі, Тараз қаласы

Қазақ тілі Сынып: 5-сынып

Сабақтың тақырыбы: Достық

Мақсаты:

1. Оқушылар достық жайлы жан- жақта мәлімет алады, көрнекіліктер арқылы түсінеді, сұрақтарға жауап беріп, сөйлемдерді аударады;
2. Оқушылардың ауыз екі сөйлеу тілі, ойлау қабілеттері жан-жақты дамиды;
3. Достыққа адал болуға тәрбиелеу.

Әдіс-тәсілдер:әңгімелеу, баяндау, суретпен жұмыс, сұрақ-жауап, диалог .

Көрнекі құралдар: Суреттер, мәтіндер, карточкалар, интерактивті тақта, сөздіктер т. б.

Сабақтың барысы:

I. Ұйымдастыру кезеңі:

* Оқушылармен амандасу;

— Сәлеметсіздер ме, оқушылар?!

* Кезекші арқылы оқушыларды түгелдеу;

* Сынып тазалығын қарау;

* Оқу құралдарын тексеру;

* Сұрақ — жауап әдісін жүргізу;

* Тіл дамыту сұрақтарын қою;

— Бүгін кім кезекші?

— Сынып таза ма?

— Қазір қандай сабақ?

— Ақпанның нешесі?

— Қандай жыл мезгілі?

— Бұл мезгіл ұнай ма?

— Бұл мезгілде қандай мерекелер болады?

*Оқушылар хормен айтады.

Амансыз ба, жер ата!
Амансыз ба, күн ана!
Амансыз ба, достарым!
Сәлеметсіздер ме, қонақтар!
Сәлеметсіз бе, мұғалім!

II. Сабақтың мақсатымен таныстыру.

«Адасқан әріптер»ойыны.

— Балалар, бүгін біз бір тақырыпты әңгімелейміз. Ол тақырып жасырылып тұр.

— Тақтаға қараңдаршы, дұрыс сөзді табыңдар.

Д Т О Ы С Қ

Мұғалім сөзі: Оқушылар, «Дос» деген кімдер? Сенің досың бар ма?

Ой шақыру. ДОС — деген сөзді естігенде ойларыңа қандай сөздер келеді. Қане балалар ассосиация жасайық.

ДОС → Адал, мейірімді, шыншыл, қайырымды, көмектеседі, ұқыпты, жанашыр, қамқор

III. Үй тапсырмасын тексеру:

Топтық жұмыс. Достық, дос тақырыбына қай топ көп мақал-мәтелдер айтар екен?

• Күлме досқа — келер басқа.

• Жаман достан жақсы дұшпан артық.

• Дос көп болмайды.

• Байлықтан артық достық бар, достықтан артық байлық жоқ.

• Досы жоқ адам — тұзы жоқ тағам. Жить без друзей, что есть пищу без соли.

• Жігіт жолдасынан белгілі. О жигите судят по его друзьям.

• Ауыр сөз айтқан дос емес.

• Босқа бергенше досқа бер.

• Дос болсаң берік бол, досыңа серік бол.

• Ағаш тамырымен, Адам досымен мықты.

• Нағыз дос дұшпан болмас.

• Жаман жолдастан мықты таяқ.

• Досыңа ат берме, Ат берсең, ақырын жүр деме.

• Жүз теңген болғанша, Жүз досың болсын.

IV.Жаңа сабақ.

— Оқушылар, барлығың бері қараңдар, дәптерлеріңді ашып, тақтадағы күнді, айды бүгінгі жаңа тақырыпты жазыңдар. Тақырып: «Менің досым».

«Тыңдайық та, ойлайық». Осы мәтінді тыңдап, кім туралы екенін табыңдар. Мәтін «Менің досым» — аудиотаспа.

Менің досым бар. Оның аты — Берік. Ол тоғыз жаста. Үшінші сыныпта оқиды. Берік спортпен айналысады. Ол бос уақытында компьютер ойнайды, кітап оқиды, музыка тыңдайды. Ол шахмат ойнауды да жақсы көреді.

Сөздік жұмыс.

Жаңа сөздер: Енді осы сөздерді аударайық, сөз тіркесін құрастырайық.

Ақылды — умный
сенімді — верный
әдепті — примерный
әдемі — красивый
зерек — способный
қамқоршы — заботливый
ұқыпты — аккуратный
білімді — образованный
бос уақытында — в свободное время
айналысады — занимается

1-топ аударады. (сөздік арқылы аудару).

2-топ сұрақтарға жауап беру. Осы жұмысқа 5 минут беремін. («Армандастар» әні)

Тексеру

Енді осы мәтін бойынша сұрақтарға жауап берейік.

1. Досымның аты кім?
2. Берік неше жаста?
3. Нешінші сыныпта оқиды?
4. Берік немен айналысады?
5. Берік бос уақытында не істейді?
6. Берік не ойнағанды жақсы көреді? Жарайсыңдар!

Тыныштық сәті.

— Ал, енді көздеріңді жұмып отырыңдар, мен әдемі әуен қоямын, ал сендер оны тыңдап өз достарыңа қандай жақсылық жасағандарыңды естеріңе түсіріңдер.
(Балалар әуенді тыңдап, өз ойларын айтып береді. Сендер бір — біріңнің жауаптарыңды тыңдадыңдар, ал енді айтыңдаршы).

Жеке жұмыс: Досыңның отбасы туралы айт.

Бұл — менің досым (құрбым).
Оның аты.... .
Отбасында... адам бар.
Олар...,....., .... .
Ол... тұрады.

Көп нүктенің орнына тиісті тәуелдік жалғауды (притяжательные окончания) жалғап жаз.

Менің дос..(ым,ім)
Сенің дос..(ың,ің)
Сіздің дос..(ыңыз,іңіз)
Оның дос..(ы,і)

Жеке тапсырмалар: Карточка № 1 «сурет, әпке» сөзін жікте

1.Менің ...
2.Сенің
Сіздің
3.Оның

Сергіту сәті. «Ренжістік, достастық» ойыны.

— Балалар, бүгін біз «Ренжістік, достастық» ойын ойнаймыз.

— «Ренжістік» дегенде бір-бірлеріңе арқаларыңмен бұрылыңдар. Содан кейін «Достастық» деген бұйрық берілгенде бір-бірлеріңе қарама-қарсы бұрыласыңдар (3 рет қайталау).

— Кері байланыс. ПІКІР АЛМАСУ: — Сендерге татуласу ұнады ма?

— Не сездіңдер? (қуаныш, бақыт)

— Сендерге ренжіскен ұнады ма?

— Не сездіңдер? (уайым, қайғы)

Осы жұмысқа 5 минут беремін. Енсеповтың әні

ІХ. Сұхбаттасу. Жұптық жұмыс. Өзі туралы, досы туралы әңгімелесу

— Сенің атың кім?

— Сен нешінші сыныпта оқисың?

— Сенің досың бар ма?

— Оның аты кім?

— Ол нешінші сыныпта оқиды?

IV. Бекіту кезеңі:

Тест «Қоршаған ортамен қарым — қатынас»

V. Үй тапсырмасын беру: — Оқушылар, күнделіктеріңді ашып, үй тапсырмасын жазып алыңдар. «Дос, достық» тақырыбында өлең жаттап келу.

ІҮ. Бағалау.

Формативтік бағалау.

Критериялары: «5» - 14-15 балл.

                            «4» - 13-12 балл

                             «3» - 11 – 8балл.