Разработка урока: Наурыз

Уалиева Жадыра Сайлаубековна, учитель казахского языка и литературы, КГУ «Школа-гимназия №10» акимата г.Усть-Каменогорска, ВКО, РК

11 - модуль. Қазақтың салт-дәстүрлері. 7-сабақ.

Сабақтың тақырыбы: Наурыз.

Сабақтың мақсаты:

1. Білімділік: оқушыларға лексикалық тақырыпқа байланысты жаңа сөздерді меңгерту, олармен сөз тіркестерді, сөйлемдерді құрастыруға және тілдік қатынаста пайдалануға үйрету; қарым-қатынаста қолдана алуға бейімдеу. Жуан және жіңішке буындарды ажырата алуға дағдыландыру. Наурыз мерекесі туралы мәлімет беру.

2.Дамытушылық: оқушылардың дүниетанымын кеңейту, сөздік қорын байыту, тіл дамыту. Лексикалық тақырып бойынша ауызекі және жазба сөйлеу тілін дамыту. Белсенді сөздік қорды пайдаланып, қазақ тілінде қарым-қатынас жасай алуға дағдыландыру.

3.Тәрбиелік: оқушыларды достыққа, татулыққа шақыру. Өзара ынтымақтастық орната алуға баулу.

Сабақтың түрі: жаңа сабақ.

Сабақтың әдіс-тәсілдері: сұрақ-жауап, аударма, түсіндіру, тыңдап түсіну, ойландыру, көрнекілік, жаттығу, мәнерлеп оқу.

Сабақтың көрнекілігі: төл дыбыстар, суреттер, кесте, оқулық.

Пәнаралық байланыс: орыс тілі, дүниетану, бейнелеу өнері.

Сабақтың барысы:

I.Ұйымдастыру кезеңі.1. Оқушылармен амандасу.

2. Кезекшімен сөйлесіп, сыныпты түгендеу.

3. Сабаққа дайындау (оқу құралдарының түгелдігін тексеру).

II.Үй тапсырмасын тексеру. Айтылым.

- Тойға адамдар қалай келеді?

- Тойда қандай әңгімелер айтылады?

- Тойда көп не беріледі?

- Жастар кімнен өнеге алады?

- Той иелері қонақтарды қалай қарсы алады?

- Тойда қандай тілек айтылады?

- Той қалай өтеді?

Той туралы әңгімелеу.

III. Сабақтың мақсатың, барысын айту. Оқушыларды сабаққа бейімдеу.

IV. Жаңа сабақ.

1. Кіріспе әңгіме.

2. Сөздік жұмысы. Тыңдалым. Оқылым. Айтылым. Жазылым.

1. Мұғалім жаңа сөздермен таныстырады.

2. Оқушылар хормен және жекелей қайталайды.

3. Жаңа сөздерді сөздік дәптерлеріне жазып алады.

4. Мағынасы қиын сөздердің, сөз тіркестерін мұғалім жеке түсіндіреді.

5. Жаңа сөздерден сөз тіркестері мен сөйлемдер құрастырылады.

Жаңа сөздер: үндестігі – гармонию, теңеледі – равняется(день равноденствия), бұлақ – родник.

3. Мәтінмен жұмыс.Тыңдалым. Оқылым. Айтылым.*102 бет 1-тап. Мәтінді оқы, сұрақтарға жауап бер.

1.Мұғалім мәтінді мәнерлеп оқиды, оқушылар тыңдайды.

2. Жақсы оқитын оқушы мәнерлеп оқиды.

3.Әр сөйлем жеке оқылып, оқушылармен бірге аударылады.

4. Мәтін бойынша сұрақтар қойылады, жауаптар беріледі.

Наурыз.

Наурыз – жыл басы. Бұл мереке табиғат пен адамның үндестігін көрсетеді. Наурыз мейрамы – Ұлыстың ұлы күні.

22 Наурызда күн мен түн теңеледі. Халық мерекеге дайындалады. Олар бұлақтарды тазартады, ағаш отырғызады. Әжелер, аналар дәмді тағамдар пісіреді. Дастарқанның басты тағамы – наурызкөже. Мерекеде жастар ән салады, би билейді. Үлкен кісілер бата береді.

Сұрақтар:

1.Наурыз қандай мереке?

2.Бұл мереке қашан тойланады?

3.Халық мерекеге қалай дайындалады?

4.Дастарқанның басты тағамы не?

5.Мерекеде жастар не істейді?

4. Сергіту сәті.

5.Дәптермен жұмыс. Жазылым.*103бет 5-жаттығу. Көп нүктенің орнына керекті әріптерді қойып жаз.

6. Тіл дамыту. Тыңдалым. Оқылым. Айтылым.*103 бет 4-тап. Өлеңді мәнерлеп оқы, жатта.

V. Сабақты бекіту кезеңі. Сөйлесім.

- Наурыз қандай мереке?

- Бұл мереке қашан тойланады?

- Халық мерекеге қалай дайындалады?

- Дастарқанның басты тағамы не?

- Мерекеде жастар не істейді?

- Сабақта не істедік?

– Не білдік?

VI. Үйге тапсырма беру.

1. Сөздікті жаттау.

2. Наурыз мейрамы туралы мазмұндау.

3.*103 бет 3-тап.(жазбаша).