Мені? ?алам

Сабақтың тақырыбы: Менің қалам

Сабақтың мақсаты: Туған жерлері туралы түсініктерін кеңейту,мәтінмен жұмыс жасай отыра, оқушылардың сөйлеу дағдысын арттыру,

Оқушылардың қисынды ойлау қабілетін кеңейту, сөздік қорын молайту, сауатты оқу дағдысын күшейту, жүйелі жұмыс істеу дағдыларын қалыптастыру.

Өз еліне,жеріне деген мақтаныш сезіміне тәрбиелеу, бір –біріне сыйластық сезімдерін тереңдету;

Сабақтың түрі: аралас сабақ

Сабақтың әдісі: түсіндіру,сұрақ-жауап,әңгімелеу, жеке жұмыс

Сабақтың көрнекілігі:интербелсенді тақта, суреттер, сандықша, күлкі көріністері

Сабақтың барысы:

I .Ұйымдастыру кезеңі: (3 минут)

Оқушылар отырады, амандасу, қонақтармен амандасу

Мұғалім : - Бүгін сыныпта кезекші кім?

- Сыныпта кім жоқ?

- Оқу құралдарын тексеру (оқулық,дәптер,қалам,сөздік дәптер)

ІІ. Үй тапсырмасын тексеру. (5 минут) «Отырар» мәтінінің мазмұнын сұрау.

ІІІ. Жаңа сабақ:

-Балалар,бүгінгі сабағымыз ерекше, ол-саяхат сабағы . Петропавл, яғни өзіміздің қаламызға саяхатқа шығамыз.

-Ал саяхатқа шығу үшін біздің қолымызда не болуы керек?

-Карта.

-Дұрыс айтасыңдар,ендеше мен сендерге қазір саяхат картасын таратып беремін.

Саяхат картасы

3.Н.Погодин театры

2. Абылай хан резиденциясы 4.Өлкетану мұражайы

1. Вокзал 5. Жеңіс саябағы

1-аялдама. Сөздік алқабы.

Ұлт өкілдері – пердставители национальностей

Атақты – известный

Ескерткіш – памятьник

Мұражай – музей

Өсу – вырасти

Өсіп келе жатқан – растущий

Құрылыс – постройка

Қойылым – представление

Жәдігер – реликвия

Қор - фонд

Қарсаңында – в предверии

Сөз тіркесі тізбегі / Сөйлем тізбегі

2-аялдама. Абылай хан резиденциясы

1. Мәлімет беру.

Абылай хан резиденциясы 1821 жылы салынып Орта жүз ханының қысқы резиденциясы болған. Петропавл қаласын да салын алған тас үйі деп есептеледі. Өлкетанушылардың айтулары бойынша Абылайдың резиденциясы таудағы бірінші құрылыс болған. 2008 жылдың 21 тамызында резиденция Қазақстан Республикасының Президенті Нұрсұлтан Әбішұлы Назарбаевпен ашылды.

2. Тапсырма

Мәтін бойынан жалғау жалғанған сөздерді теріп жаз.

3-аялдама: Н. Погодин атындағы театр

Н.Погодин атындағы орыс драма театры 1887 жылдан бастап алғаш қойылымдарын қоя бастады. Жаңа тастан жасалған ғимараты 1906 жылы ғана қаланды. Қазіргі кезде ол 669 орынды, 28 актері бар үлкен республикалық деңгейдегі театр.

.

Тапсырма

Мәтіндегі жай сөйлемдерден бір қарсылық ты бағыныңқылы сабақтас құрмалас сөйлем құрап жаз:

Н.Погодин атындағы орыс драма театры 1887 жылдан бастап алғаш қойылымдарын қоя бастады бірақ, жаңа тастан жасалған ғимараты 1906 жылы ғана қаланды.

4-аялдама: Тарихи өлкетану мұражайы

Облыстық тарихи өлкетану мұражайы 1924 жылы құрылған. Қаланың тарихи кезеңдеріне бөлінген 13 залы бар. Мұражай қорында 350 мың жәдігер бар.

Тапсырма – САНДЫҚШАДАҒЫ СҰРАҚТАР

1. Сен қай қалада тұрасың?

2. Петропавл қаласы қандай қала?

3. Қалада қанша ұлт өкілдері тұрады?

4. Қалады ұлт өкілдері қалай тұрады?

5. Сенің қалаң көне ма,жаңа ма?

6. сенің қалаң бұрын қалай аталған?

7. Қандай аудандары бар?

8. қалада қандай оқу орындары бар?

9. Бұл қалада қандай атақты адамдар тұрған?

10. Қалада қандай өзен көлдер бар?

5- аялдама: Жеңіс саябағы

Жеңіс саябағын 2010 жылы жеңістің 65 жыл қарсаңында облыс әкімі Серік Біләлов соғыс ардагерлерінің қатысуымен ашты. Саябақта соғыс уақытында қолданылған көліктер мен қару түрлері ұсынылған.

Тапсырма

Берілген сөздерді құрамына қарай талдаңыз: Саябақта, ардагерлерінің , уақытында

Мұғалім: -Балалар, осымен саяхатымыз аяқталды.

-Олай болса, бүгінгі сабағымыздың барысында алған мәлімет пен білімдеріңді тексеру үшін шағын жұмыс жүргізейік.

«Ұяшықты не бар?» деп аталады. Қазір әрбіреуің бір ұяшықтан таңдап ашылған сұраққа тез жауап берулерің керек.

Үй тапсырмасы: Шығарма жазу. «Менің қалам»

Сабақты қорытындылау.

Бағалау: Оқушыларды жеке бағалау

- Бүгінгі сабағымыз көңілдеріңізден шығу деңгейін білу үшін сіздерге сынып бойымен сандықша жіберемін. Сол сандықшаға алдарыңызда жатқан эмоция белгілерін салуларыңызды өтінемін.

Қоштасу: