Сабақ: № 3
Күні: 14.04.17ж.
Тақырыбы: Балалар мен ғалым
Мақсаты: 1.Білімділік: Балалар мен ғалым атты мәтін туралы мағлұматтар, жаңа сөздер танып білу, септіктерді еске түсіру.
2.Дамытушылық: Өздерінің қиялдағы ойларын жеткізе және дәлелдей білу, сыни тұрғыдан ойлау білу дағдыларын, бір-
бірімен келіссөзге келуге деген ынталарын арттыру.
3. Тәрбиелік: Тіл өнеріне, сауаттылыққа тәрбиелеу. Кітаптарды сыйлай білуге, құрметт тұтуға тәрбиелеу.
Түйінді идеялары: Оқыту мен оқудағы жаңа тәсілдерді пайдалану арқылы оқушылардың топпен жұмыс істеу, сыни тұрғыдан ойлау, өз бетімен жұмыс істей білу, іздене білу дағдылары артады. Әр түрлі деңгейдегі оқушылардың бірлескен жұмысы қосымша мүмкіндітктер туғызады (жоғары деңгейлі оқушылар төмен деңгейлі оқушыларды үйрету арқылы, төмен деңгейлі оқушылар жоғары деңгейлі оқушыдан үйрену арқылы дамиды). Оқушылардың жас ерекшелігіне сәйкес оқыту, оқыту мен оқуда АКТ қолдану, оқыту үшін бағалауды пайдалану оқушылардың оқуға деген қызығушылықтарын оятады, ынтасын арттырады. Өзін-өзі реттеу талантты оқушыларға жол ашады.
Сабақтың түрі: жаңа сабақ
Сабақтың әдісі: топпен жұмыс, «КУБИЗМ» әдісі, «Дана үкі» әдісі, өзіндік жұмыс, АКТ пайдалану.
Көрнекілігі: Интерактивті тақта, үнтаспа, флипчарт, стикерлер, А-3 парақтары, тақта, бор.
Пәнаралық байланыс: қазақ әдебиеті
Пайдаланылған әдебиеттер: Мұғалімге арналған нұсқаулық «Назарбаев зияткерлік мектебі» ДББҰ, 2012, Үшінші (негізгі) деңгейге арналған оқыту мен оқудағы жаңа тәсілдер, «Қазақ тілі» 3-сынып, Алматы «Мектеп» 2012ж.
САБАҚТЫҢ БАРЫСЫ:
| Кезеңдері | Жоспар | 7 модульді іске асыру | Қосымша |
| Ұйымдас-тыру кезеңі: Ауызекі сөйлесу | - Сәлеметсіздер ме, балалар! - Бүгін сабағымызды сендердің сыныпқа деген көзқарастарыңнан бастаймыз, ол үшін өз пікірлеріңді стикерлерге жазып, сол стикерлерден поезд вагондарын құраңдар. (жазып болған соң, әр оқушы жақындап сынып туралы пікірлерді оқи алады) - Бүгінгі күн бойынша ақпаратты кім айтады? (3 минут) | Ынтымақтастық атмосферасын қалыптастыру. Өзін-өзі реттеу | |
| Үй жұмысын тексеру | - Үйде сендерге «Кімді алдады?» мәтін ішіндегі диалогтарды жаттап келуге берілді. Қазір бәріміз ортаға шығамыз. Бір-бірімізге доп лақтыру арқылы «Серпінді сұрақ» сұрақ қоямыз. Кім допты қағып алса, сол сұраққа жауап береді. (5- минут) | Оқыту үшін бағалау және оқуды бағалау. (Формативті бағалау) | |
| Жаңа сабақ | - Балалар, бүгін сендер топпен жұмыс істейсіңдер, әр топ 5 адамнан құралады. Ол үшін сендерге түрлі түстер парақтар таратылады, сендер өз топтарыңды табу үшін түстерге қараңдар. (1 минут) Білемін, білгім келеді, білдім» кестесіндегі 3-ші ұяшықты сабақ бойы толтырасыңдар. - Қазір мәтінмен таныспас бұрын, сөздік жұмысын жүргізіп алайық. Сөздерді оқып, синоним табуға тырысайық. Табу – көтеріп алдым- талас - Бұрын көрдім - ғалым - хат тану – 1 тапсырма Мәтінді жұпта талқылайсыңдар. Мәтінді оқып, мәтін бойынша өз түсінгендеріңді постерге түсірісіңдер. 1 топ – мәтін бойынша сурет салу. 2 топ – мәтін бойынша кесте құру. Әр топтан 1,2 адамнан шығып қорғайды. 2-тапсырма - Флипчартқа «Қандай кітап оқисыңдар?» тақырыбына кластер салып, пікірлеріңді жазып, тақтада қорғауларың қажет. (5 минут/ 1 минуттан әр топқа) 3 тапсырма «Білім», «Кітап» туралы мақал-мәтелдер дәптерге жазу, мағынасын өз сөзімен айту «Кітап оқудың пайдасы» шағын көрсетілім көрсету. Осы көрсетілім бойынша өз ойларын айту. | Ынтымақтастық атмосферасын қалыптастыру. Сыни тұрғыдан ойлау стратегиясы Сыни тұрғыдан ойлау стратегиясы Бірлескен оқу Оқу мен оқытуда АКТ пайдалану Сыни тұрғыдан ойлау стратегиясы | |
| Бекіту кезеңі | 4-тапсырма «Кубизм» әдісі арқылы сабақты бекіту. Сұрақтарға дәлелді жауап беру | Сыни тұрғыдан ойлауға үйрету. | |
| Қорыту кезеңі | «Менің сүйікті кітабым» тақырыбына шағын эссе жазу (5-6 сөйлем) (10 минут)
- Балалар, сендер бүгінгі сабағымыздың тақырыбына байланысты не білдіңдер? Ендеше, тақтадағы «Білемін, білгім келеді, білдім» кестесіндегі 3-ші ұяшықты толтырайық. (1 минут) | Оқушылардың жас ерекшеліктеріне сәйкес оқыту және оқу. Дара оқу. Сыни тұрғыдан ойлау стратегиясы | |
| Үй жұмысын беру | Үйге «Ең алғашқы кітапхана» атты тақырыпқа шағын шығарма жазып келу. | Талантты және дарынды балаларды оқыту. | |
| Бағалау кезеңі | Оқушылардың топтық жұмысқа қатысуына, өзіндік жұмысты орындауына сәйкес тиісті бағаларын қойып, түсініктемелер беру. (3 минут) | Оқыту үшін бағалау және оқуды бағалау. |
