Мектеп асханасы. Етіс

Сабақтың тақырыбы: Мектеп асханасы 
Сабақтың мақсаты: 
а) Оқушыларға мектептің асханасы туралы білу, асханада тапсырыс беруді үйрену, жаңа сөздермен сөйлемдерді дұрыс құрастыра білуді үйрету. 
ә) Тапсырмалар арқылы оқушылардың тапқырлық, ізденпаздық қасиеттерін қалыптастыру, сөздерді дұрыс байланыстырып, ойды жүйелеп айтуға дағдылану. 
б) Оқушылардың адамгершілікке, тазалыққа, дұрыс тамақтануға тәрбиелеу. 
Сабақтың типі: жаңа сабақ. 
Сабақтың әдісі: Сұрақ- жауап, әңгімелесу, практикалық 
Жұмыс формалары: жекелей, жұптық 
Сабақтың көрнекілігі: интербелсенді тақта, карточкалар, кітап, қалам
Пәнаралық байланыс: Қазақ әдебиеті, орыс тілі. 
Сабақтың барысы: 
I. Ұйымдастыру бөлімі: ( 5 мин)
а) Сәлемдесу. 
ә) Балаларды түгендеу. 
б) Тіл дамыту сұрақтары. 

в) топқа бөлу
II. Үй тапсырмасын тексеру: ( мақсаты - өткен тақырыпты қалай, қандай дәрежеде меңгергендерін, нені түсініп, нені түсінбегендерін бақылау)

(3 мин.)

А) Сұраққа жауап: 1. Етістердің неше түрі бар?

2. Қандай?

3. Өздік етіс жұрнағы?

4. Өзгелік етіс жұрнағы?

5. Ырықсыз етіс жұрнағы?

6. Ортақ етіс жұрнағы?

ә) Үлестірме қағаздарда жазылған етістердің түрін анықтап, аударады

б) Үлестірме қағаздарда жазылған етістіктерден етіс жасап, түрін анықтап,

сөйлем құру.

ІІІ. Кіріспе: 
Жаңа тақырыпты бастамас бұрын мұғалім мәтінді оқиды. Сол мәтінді талқылап, сабақтың тақырыбына шығу. Тыңдалым. (2 мин )
Мен Октябрь ЖОББ мектебінде оқимын. Біздің мектепте асхана бірінші қабатта орналасқан. Асханамыз үлкен, таза және әдемі. Аспаздар әр түрлі дәмді тамақ дайындайды. Асханада шырын, шай сатылады. Біз ас мәзірі бойынша тапсырыс береміз. Түрлі салаттар дайындайды. Аспазшылар қызметі бізге өте ұнайды. 
- Мынау мәтін не туралы? 
- Қандай мектепттің асханасы туралы? 
- Асхана нешінші қабатта? 
- Сонымен біз бүгін не туралы сөйлесеміз? Ендеше тақырыбымыз қандай? Тақырыбымыз – Мектеп асханасы. 
Сабақтың тақырыбын айтып, мақсатын ашу. 
- Балалар, біз бүгін сабаққа қандай мақсат қоямыз? 
- Мақсаты – асханада тапсырыс беруді үйрену, жаңа сөздермен сөйлемдерді дұрыс құрастыра білу, диалог құрастыру. 
Сөздік жұмысы:  ( 3 мин)
- Жаңа сөздермен танысайық. Сөздерді оқып, сөз тіркесін құрастыру. Айтылым. 
ас мәзірі – меню шырын - сок 
тапсырыс – заказ тамақ – блюдо 
ботқа – каша ыстық тамақ – второе блюдо 
ас қасық – столовая ложка тұшпара – пельмени 
аспаз – повар шанышқы – вилка

тоқаш - булочка 
Жаңа тақырыпты бекіту: 
- Ал біздің мектептің асханамыз туралы тағы не білесіңдер? 
- Асханада не бар? 

1-тапсырма. Сөйлемді орын тәртібімен дұрыс құраңдар.  (2 мин)
1) Тамақтың, қолды, алдында, жуу керек. 
2) Мектеп, бірінші, орналасқан, қабатта, асханасы. 
3) Мен, жеймін, ботқа.
4) Дастарқанда, болады, бауырсақ, тұшпара. 

5)Қойылады , ең, дастарқанға, алдымен, нан.

6)Түрлі, тағамдар, жасайды, еттен.

2-тапсырма. Тиісті жалғауларын қойып, тамақты қалай жеу керек екенін есте сақтаңдар. Әр топ 2 сөйлемнен алып, топта синтаксистік талдау жасайды. Кейін топтар бір – бірінің жұмыстарын алмастырып, бағалайды. (Бағалау критерийлерін құру)  (7 мин)

Нанды ортақ тәрелке ...(неден?) қолмен басқа тілімдерге тимей, өз тәрелкесі ... (неге?) салып, шетінен сындырып жейді. 2. Қуырылған тамақ... (нені?) пышақ пен шанышқыны пайдаланып жейді. 3. Күріш... (нені) шанышқы... (немен) жейді. 4. Торт... (нені?) дастарқан ...(неге?) кесіп әкеледі.
3-тапсырма. Мәтінмен жұмыс: (10 мин)

а) Әр топ мәтін бойынша 4 сұрақтан құрып, бір – біріне қояды. (әр топ ауызша жауап критерийлері бойынша бағаланады.) 
б) мәтін мазмұнын кластерге салады

Біздің мектептің бірінші қабатында асхана бар. Асхана кең, жарық әрі таза. Мен сыныптастарыммен бірге үшінші сабақтан кейін асханаға тамақ ішуге барамын. Біз көбінесе сорпа немесе ботқа аламыз. Содан кейін тәтті нан және шай кейде шырын аламыз. Біз ас мәзірі бойынша тапсырыс береміз. Түрлі салаттар дайындайды. Аспазшылар қызметі бізге өте ұнайды. Тамақ ішер алдында қолымызды жуамыз да, бір- бірімізге «Ас дәмді болсын!» деп айтамыз.

Мәтіннен кейінгі жұмыс: Деңгейлік тапсырмалар.

ІІІ деңгей

Берілген сөздерді септеңдер: асхана, кеспе.

ІІ деңгей

Мәтін ішінен зат есімдерді теріп жазып, қай септікте тұрғанын анықтаңдар.

І деңгей

Көп нүктенің орнына жалғаулық шылауларды қойып жазыңдар.

Мұғалімдер ..., сыныптастарым ... асханадан тамақтанады.

Маған ботқа ... палау беріңіз.

«Тамаққа» сөзіне фонетикалық талдау

Сергіту сәті: «Көңілді күн»  ( 3 мин)

4-тапсырма. Жазылым. Диалогты толықтырып, өзара сөйлесіңдер. (2 мин)
- Мектепте тамақтанасың ба? 
- Асханада оқушылар неше рет тамақтанады? 
- Сен қандай тамақ ішесің? 

- Саған асханада тамақтанған ұнайды ма?
5-тапсырма. Дұрыс аудармасын табыңдар?  (3 мин)
Таңғы ас готовить еду 
Дәмді тағам ужин 
Жіңішкелеп кесу вкусное блюдо 
Асты дайындау завтрак 
Кешкі ас мелко резать 
Қорытынды: (3 мин)
Сонымен біз бүгін қандай тақырыппен таныстық? Мақсатқа жеттік пе? 
5 жолды өлең

Тағам

Тәтті пайдалы

Дайындайды пісіреді жейді

Асханада пайдалы тағамды дайындады

Тамақ, ас.
1 Асхана Не туралы сөйлестік? 
2 әдемі, үлкен Біздің асханамыз қандай? 
3 тамақтанамыз, тапсырыс береміз, ішеміз Біз асханада не істейміз? 
4 Маған мектеп асхананың тағамдары ұнайды. 
5 Дәмхана 

Үйге тапсырма:

«Тамақтану» жіктеу.

-Мақалдардың мағынасын ашу .

Адамнан,үлкен ат жоқ, наннан үлкен ас жоқ.

Ас атасы - нан.

Ас - адамның арқауы.

Бағалау: (2 мин)

Топтарға бір –бірін бағалату, оқушыларға өздерін бағалату .

Сабақтан алған әсерлерін смайликтерді жапсырту арқылы білу

Рефлексия:

Білетінім Білгенім Білгім келетіні

Сабақ соңы.