Буквы гъ, къ, нъ, дж.

2 сыныф

Мевзу: Гъ, къ,нъ, дж арифлери/ Буквы гъ, къ,нъ, дж.

Макъсат: 1) янъгъыравукъ ве сагъыр тутукъ сеслер акъкъында малюматны   текрарламакъ;Талебелерде гъ, къ, нъ,дж арифлери акъкъында олгъан бильгилерини кенишлетмек,текрарламакъ ве пекитмек;

               2)  талебелернинъ агъзавий ве язма нутукъларыны инкишаф этмек;

               3)  талебелерде ана тили дерслерине севги ве урьмет дуйгъуларыны ашламакъ.

Дерс  теминаты: дерслик, ресимлер, карточкалар, корьгезме васталар.

Дерснинъ кетишаты:

  I Тешкелий къысым

     1)селямлашув;

     2) дерске азырланув.

II.Таянч бильгилерини актуаллештирюв

1. Фронталь  суаль-джевап:

- Бизим теляфузымызгъа коре сеслер насыл олалар?

-  Тутукъ сеслер къая чешитке болюнелер?

- Янъгъыравукъ ве сагъыр сеслернинъ насыл фаркълары бар?

- 8 янъгъыравукъ сеснинъ сагъыр чифтлерини айтынъыз.

1. Карточкаларнен чалышув.

Вазифе: Берильген сёзлерде янъгъыравукъ сеслерни бир сызыкънен, сагъыр сеслерни исе эки сызыкънен сызынъыз.                                                                                                                                                  

ТАЛЕБЕ

ОГЪЛАН

ЧАНТА

КИРАЗ

РАЛЕ

КЪАРТОП

СЫЧАН

АЛИМЕ

КЪАЛЕМ

ЧАНАКЪ

МЕКТЕП

ШЕЭР

III. Физдакъкъа.

IV. Янъы мевзуны анълатув.

Тахтада ресимлер асылгъан. 

ЧАНЪ

ГЪАЗ

КЪАБАКЪ

ДЖИЛЕК

Оджанынъ сёзю:

- Балалар! Дикъкъатнен ресимлерге бакъынъыз!  Ресимлернинъ адлары насыл арифлернен башлана?  Тек нъ арифи сёзнинъ сонъунда язылгъан. Бугунь насыл мевзуны кечеджемиз?

Догъру- гъ, къ, нъ, дж арифлери.

Энди айтынъыз манъа, бу арифлер рус яда украин элифбелеринде раст келелерми?( ЁКЪ)

Къаиде:

Гъ,къ,нъ,дж арифлеритек къырымтатар тилинде олгъан сеслерни фаделейлер. Олар эки бильгинен язылса да, бирер сес бильдирелер.

Гъ, къ арифлери сёзнинъ башында, ортасында ве сонъунда язылалар.

Нъ арифи сёз башында раст кельмей. Бу ариф сёзнинъ ортасында ве сонъунда языла.

Дж арифи сёзнинъ башында. ортасында ве сонъунда языла. Ондан сонъ эм къалын, эм индже созукълар къулланыла. 

V. Янъы мевзуны пекитюв.

1. Дерслик, с.77, 139-мешгъулиет. Джумлелерни окъунъыз. Къ, гъ, нъ, дж арифлери олгъан сёзлерни язып алынъыз.

2.  Оюн « Мантарларны джый».

Сыныф 2 группагъа болюне. Биринджи группа – гъ, къ арифлернен багълы
 2 группа исе – нъ. Дж арифлернен багълы.

Тахтада ресимли мантарлар( мантарларда сёзлер язылгъан) асылгъан. Балалар, вакъыткъа бакъып, оларны джыяджакълар.  

VI.  Дерснинъ нетиджеси. Баалав.

« Микрофон»

- Насыл мевзунен таныш олдыкъ?
- Олар къач бельгинен язылалар?

-Къач сес ифаделейлер?

VII. Эвге вазифе

  Дерслик, с. 81, 147 – меш. Ашагъыдаки сёзлерни эки сырагъа язынъыз.