Ашық сабақ"Бауырмалдылық пен кеңпейілділік"

Бекітемін 07.12.16ж
Тақырып: 13 «Бауырмалдылық және кеңпейілділік» 
Құндылық : сүйіспеншілік 
Қасиеттер: жағымды қарым-қатынас сыйластық,бауырмалдылық, татулық, кеңпейілділік 
Сыныбы 6 «а»

Пән мұғалімі Амирханова Лаура
Сабақтың мақсаты:

Оқушылардың жалпыадамзаттық сүйіспеншілік құндылығы туралы түсінігін кеңейту. 
Міндеттері: 
1.Оқушылардың бір-бірін жақсы көру, бауырмалдылық татулық түсініктерін кеңейту; 
2.Өзгенің қайғысын сезіну, бар нәрсемен бөлісе білу, өзгеге көмек көрсету қатынастарын дамыту;
3. Ізгілікке, аянбай қызмет етуге тәрбиелеу. 

.4. Ресурстар: слайд, үн таспа, ақ парақшалар, түрлі түсті қарындаштар, 

Сабақ барысы: 
1. Ұйымдастыру кезеңi.

5 «Т» ережесін еске түсіру: Тәртіп Талап 
ТазалықТатулықТыныштық

Сабақ барысын талдау

2. Тыныштық сәті

Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз.Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елесететіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғыны таза әсем гүл сіздің әр ойыңызды, әр сезіміңізді,эмоцияңыз бен тілек-қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз.Ол бірітіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп, сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі нұр сіздің ауызыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағқыттаңыз, құлақтарыңыз тек жақсы сөз бен әсем әуенді ғана естейді. Нұр көздеріңізге де жетті, көзіміз тек жақсыға қарап, бәрінне жақсылықты көреді. Сіздің басыңыз тұгелдей нұрға бөленніп, басыңызға тек ізігі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңыздан сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.Нұрды уақытша түсініспей,ренжісіп жүрген адамдарға да бағыттаңыз,олардың да жүрегі нұрға толсын.Осы нұр бүкіл әлемге:барлық адамдарға,жан-жануарларға,өсімдіктерге,барлық тірі жанға таралсын....Ғаламның барлық түпкір-түпкіріне нұр бағыттаңыз.Ойша айтыңыз:"Мен нұрлымын...Нұр менің ішімде...Мен Нұрмын"

Осындай Нұр,Сүйіспеншілік және Тыныштық күйінде отыра тұрыңыз....

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Жаймен көзіңізді ашуға болады.Рахмет.Балалар тыныштық сәті ұнады ма сіздерге?Тыныштыққа келе алдыңыздар ма?

Балалар осы табиғатқа, адамдарға деген сүйіспеншілік сезімдеріңізді, қуаныштарыңызды күні бойы сақтауға тырысыңыздар.

3.Үй тапсырмасын тексеру.

1. Үй тапсырмасын тексеру.

43-46 беттер аралығындағы м.мағауиндің «Бір атаның балалары»повестінен үзінді оқу.

• Әңгіменің басты мағынасы, мәні неде?

• Шығарманы оқығанда қандай сезімде болдыңыздар ?

• Сендердің ойларыңша ахмет атаның бойындағы ең басты қасиет не?

• Зигфридтің ендігі өмірі қандай болады деп ойлайсыңдар?

Қорытынды: балалар байқағанымыздай, бұл әңгімеден қазақ халқының бар ұлттың өкілдерін бөліп жармай, бауырына басып бауырмалдылық, кеңпейілділік таңытқанын көруге болады.

1. Дәйексөз «Мейірімділік,махаббат,қайырымдылық,адалдық,ақ жүректен шығады»

Шәкәрім
Жекелей Топқа бөліп Хормен оқыту. 
Дәптерге жаздыру.

Нақыл сөзден түйген ойларыңыз?

Оқушылардың өз пікірлерін жүйелі айтуы үшін дәйексөзді көзқарас, себеп, мысал, жалпылау бірізділігін сақтай отырып талқылау. 
Көзқарас. Оқушы өз көзқарасын айтады. « Мейірімділік, махаббат, қайырымдылық, адалдық - ақ жүректен шығады» .
Себебі. Оқушы өзінің бұлай ойлау себептерін көрсетеді. « адал, пейілі кең, ниеті адал, арамдығы жоқ, көңілі таза адамдар ешкімге жамандық жасамайды. Жүрегі сүйіспеншілікке толы болады».
Мысал. Оқушы мысал келтіреді. « Менің осындай ақ жүрек, адал бауырым бар.»

Жалпылау.

« Ақ жүрек адам өзгенің жетістігіне, қуанып, бақытына өз жетістігі мен игілік бақытындай көріп, қуанатындықтан, басқалар да оған осылай жауап береді, қуаныш, сүйіспеншілік сыйлайды. Ізгі істен ізгілік туындайды деген осы»

тақтамен жұмыс

Ал, бүгінгі сабағымызда сол тақырыптардың жалғасы ретінде «Бауырмалдық және кеңпейілділік» деген тақырыпты қарастырамыз.

Төмендегі сөйлемдердің қайсысы бауырмалдылықты білдіреді? Неліктен?

1.Ата-ана қамқорындай оның сөзі Баянның жүйе- жүйесін босатып жіберді.

2.Дарханның жақсы азамат болуына бар жан-тәніммен тілектеспін.

3.Ғазиздің істеген ісі барлығын сүйсіндіріп тастады.

4.Қолда мал жоқ болғанымен,көңілім бай,байлығым жомарттығым Атымтайдай.

5.Біз бар ұлттың өкілдерін бауырымызға басып үйренген халықпыз.Тағдырымыз солай болып,жан-жақтан келгендердің бәрін қабылдадық,сөйтіп,көп ұлтты елге айналдық.

1. Мұғалім сыйы : Көк ту және достар (бейне баян көрсету)

бұл көріністен байқағанымыздай қазақ халқының бар ұлттың өкілдерін бөліп жармай, бауырына басып бауырмалдылық, кеңпейілділік таңытқанын көруге болады. Риясыз таза сүйіспеншілікке жүректері толы адамдарға ғана басқаларды жатсынбай өз бауырындай көре алады. Ал бауыр дегеніміз қазақ үшін ең жақын, ең қатты жақсы көретін адамдары, туғандары.

1) Бейнебаянда не туралы баяндалған? 
2) Бауырмалдылықты қалай түсінесіңдер? 
3) Өздеріңнің бауырмалдылық, кеңпейілділік танытқан кездеріңді естеріңе түсіріп, мысалмен айтып беріңіздер. 

5.Шығамашылық жұмыс

Әртістер тобы:

1,Бауырмалдылық,кеңпейілділік туралы көрініс

2,Суретшілер тобы: Бауырмалдылық,кеңпейілділік тақырыбына сурет салу

8.Топпен ән айту

ЖАСА! ҚАЗАҚСТАН!
(Асқар Жүнісбеков)

Жаса! Қазақстан!
Жаса, менің қазағым
Артта қалды қыйындық пен азабың
Жаса! Қазақстан!
Жаса, менің ұлы елім
Атқан таңдай ашық болсын ажарың
Жаса! Қазақстан!
Алаш жұртым ардағым
Алтын бесік, байтақ далам, бар бағым
Жаса! Қазақстан!
Ата мекен тұрағым
Көк аспанда желбіресін байрағың

Жақын көңіл жайсаң ел қазағым
Өз ұраның айтылсын, өз әнің
Ана тілдің айбыны асқақтап
Болсын таза дін!
Батыр ұлдар ел көшін бастаған
Жасымасын жас ұрпақ, жас бала
Ашық аспан астында мәртебең
Артсын басқадан

(Қайырмасы)

Даламызға мұрагер халқымыз
Даламызда мақтаныш даңқымыз
Ұмытылмай ұрпаққа ұлассын
Дәстүр салтымыз
Ару қыздар аяулым, ақ гүлім
Шаңырақтың шырағын жақ бүгін
Думандатып тойласын әрқашан
Елім, шаттығын

(Қайырмасы)

1. Қорытынды: слайдта Балалар, махаббат, достық және бауырмалдылық қасиеттері адамның бойында табылып жатса, бұл сүйіспеншіліктің көрінісі болып табылады екен.

Сабақтың қорытынды сәті  слайд

Қорытынды:бауырмалдылық тек қана адамдардың туыстық негізінде ғана емес, жалпы адами қасиет ретінде өзге жұрттарды бауырына тарту, оларды жақын санап қамқорлық көрсету, жатсынбау, көпшіл болуын көрсетсе,

Ал кеңпейілділік адам бойындағы ізгі қасиетті білдіретін ұғым. Кеңпейілділік пен бауырмалдылық адамдарды татулыққа, бірлікке, ынтымаққа жетелейді.

9.Үй тапсырмасы. 
«Бауырмалдық»сөзіне сөзжұмбақ құрастырып келу

Менің бауырларым фото дерек жасау

10..Соңғы тыныштық

Тыныштық барлық әлемде  баяу әуен

Балалар бүгінгі сабағымыздан алған әсерлерімізді, тілектерімізді айтайық

Қорыта келе, адамдардың бір-бірін жақсы көруі, мейірімділігі, жанашырлығы, қамқорлығы бауырмалдылықты білдіреді. Ол тек қана адамдардың туыстық негізінде ғана емес, жалпы адами қасиет ретінде өзге жұрттарды бауырына тарту, оларды жақын санап қамқорлық көрсету, жатсынбау, көпшілболудан көрінеді. Ал кеңпейілділік адам бойындағы ізгі қасиетті білдіретін ұғым. Кеңпейілділік пен бауырмалдылық адамдарды татулыққа, бірлікке, ынтымаққа жетелейді.

Сабағымыздан үйренген сыйластық, бауырмалдылық, татулық, кеңпейілділік сияқты жақсы қасиеттерімізді бойымызға сіңіріп, барша адамзатқа бауырмалдылық, кеңпейілділік таныта отырып, сүйіспеншілік құндылығын жүрегімізде сақтайық!