№ 11 ересек топтың
ұйымдастырылған оқу қызметінің өткізу конспекті
Өтпелі тақырып: Техника және біз
Тақырыпша: Байланыс құралы
Күні: 28.02.2019
Білім беру саласы: Шығармашылық
Ұйымдастырылған оқу іс-әрекеті: Жапсыру
Тақырыбы:«Ұшақ»
Мақсаты: Көлік түрлері туралы білімдерін нақтылау, аспан денелерін ажырата білуді үйрету. Ұшақ бөлшектерін рет-ретімен орналастыра білуді үйрету, жұмысты ретімен атқара білуге тәрбиелеу.
Қолданылатын көрнекті құралдар: Үлестірмелі материалдар, дайын апликация үлгілері, сүрткіш.
Билингвальды компонент: Ұшақ – самолет, аспан – небо
Оқу іс-әрекетінің кезеңдері
Тәрбиешінің іс-әрекеті
Балалардың іс-әрекеті
Мотивациалық қозғаушылық
Шаттық шеңбері
«Сәлем!» - дедік күнге біз,
«Сәлем!»-дедік жерге біз.
Сәлемдесіп достармен,
Бірге ойнап, бір күлген.
-Жарайсыңдар балалар, сәлемдесіп болсақ орнымызға жайғасайық.
-Балалар, қазір жылдың қай мезгілі?
-Жарайсыңдар балалар,енді айтыңдаршы қыс мезгілінің басқа мезгілдерден қандай ерекшелігі бар?
-Дұрыс айтасыңдар, қар жауып, күн суытады.
-Балалар, қане кім айтады қандай көлік түрлері бар екен?
-Балалар, бүгінгі оқу іс-әрекетінде қандай көлік жайында өтетінімізді білгілерің келеді ме?
-Ендеше мен сендерге жұмбақ жасырамын, сендер сол жұмбақтың жауабын шешіп көріңдер.
Жұмбақтар:
Құстан аумайды,
Көкте заулайды. (Ұшақ)
Күміс қанат сұңқары,
Көкке еркін сүңгиді.
Бұлттан да тым әрі,
Кеткен жанды кім дейді? (Ұшқыш)
-Дұрыс айтасыңдар.Балалар, біз қандай көлік жайында өтеді екенбіз?
Балалар шешуін табады
-ұшақ
-ұшқыш
Ұйымдастырушылық-ізденістік
Билингвальды компонент: Ұшақ – самолет, аспан – небо
Көліктердің түрлері туралы әңгімелеу.
Педагог балаларға сұрақ қояды:
-Қандай көлік түрлерін білесіңдер?
-Суда жүзетін көліктерді атаңдар.
-Қандай көліктер жерде жүреді?
-Аспанда қандай көліктер ұшады?
-Балалар, бүгін біз ұшақты қиып жапсырамыз.
-Алдымен барлық бөліктерін сызба бойынша қиып аламыз.
Сергіту сәті
Аспан,аспан арайлым,
Саған жиі қараймын.
Сені көзбен шоламын,
Мен ғарышкер боламын
-Қиып алған бөліктерді үлгіге қарап отырып, ретімен орын-орнына орналастырамыз.
-Балалар, ұшағымыз дайын болды.
Балалар «ұшақ - самолет, аспан – небо» сөздерін қайталайды.
-Суда жүзетін, жерде жүретін, аспанда ұшатын.
-Кеме, қайық, пароход.
-Машина, автобус, трамвай, троллейбус, пойыз.
-Ұшақ, тікұшақ.
Балалар қуана келіседі.
Балалар сызба бойынша педагогтің көрсетуімен қияды.
Ұшақтың әр бөлігін атай отырып, ретімен жапсырады.
Қорытынды:
-Балалар, бүгінгі оқу іс-әрекетінде қандай көлік түрін әңгімеледік?
-Қандай жұмыстар жасадық?
-Ұшақ қай көліктің түріне жатады екен?
-Балалар, сендер ойын ойнағанды ұнатасыңдар ма?
-Ендеше қазір «Ұшады,ұшпайды» ойынын ойнайық.
-Ойын ұнады ма сендерге?
-Балалар, сендер тапсырманы да, ойынды да жақсы орындадыңдар.Сендерге көп-көп рахмет.Осымен оқу қызметіміз аяқталды.