Ортаңғы тобы ұйымдастырылған оқу қызметінің конспектісі.Тақырыбы:Сопақша

Ортаңғы тобы ұйымдастырылған оқу қызметінің конспектісі.

Білім беру саласы: «Таным»

Өтпелі тақырып: «Қардың пайдасы»

Пән: Таным

Тақырыбы:Сопақша

Мақсаты:

Датытушылық:5 көлемінде реттік санау және реттік санды атап «Қайсы?», «Нешінші?» деген сұрақтарға жауап беру дағдысын дамыту.

Оқыту:Тік төртбұрышпен дөңгелекті салыстыра отырып, сипап сезу қимылы мен көру арқылы, сопақшамен таныстыру.

Тәрбиелік:эстетикалық тәрбие беру

Қажетті заттар:пішіндер,сандар,

І.Ұйымдастырушылық кезең.

Тату болып, дос болып,

көңілді бүгін тараңдар. Балалар шеңбер құрып тұрады. Бір-біріне күлімдеп қарайды.

- Бір-бірімізге қарап, күлімдеп, жақсы көңілмен сабақты бастайық.

ІІ.Негізгі кезең

Есік қағып қонжық кіреді.

-Сәлеметсің бе, қонжық. Қонжықпен амандасады.

Сен қайдан жүрсің?

Қонжық: Мен ұйықтап жатыр едім, көзімді ашып қалсам, қасымда анам жоқ. Оны іздеймін деп адасып қалдым. Маған үйімді табуға көмектесесіңдер ме? Балалар қызығушылық білдіреді.

- Балалар, қонжыққа көмектесеміз бе?

-Ендеше орманға барып, қонжықтың анасын іздестірейік.

Тиін балаларға тапсырма береді: -Менің жаңғақтарымды санап берсеңдер, мен сендерге жол көрсетемін.

Тапсырма: «Адасқан сандар». Балалар сандарды рет-ретімен қойып шығады.Тура және кері санайды.

Қоянның тапсырмасы: "Қанша сәбіз, сондай санды тап". Балалар қоянды кездестіреді.Балалар сәбіздерді санап, санын көрсетеді.

Түлкі тапсырма береді: Балалар түлкіге тап болады.

-Менің жұмбағымды шешсеңдер айтамын. «Мынау пішіндерден қандай бір пішін құрастыруға болады?»

- Балалар, мынау қандай пішіндер? Қай пішін домалайды: дөңгелек пе әлде тіктөртбұрыш па? Неліктен тіктөртбұрыш домаламайды?

Егер де дөңгелек шарды алып қысса, ол қай пішінге ұқсайды? Балалар шарды үрлеп, ортасынан қолмен қысады. Сонда ол сопақшаға ұқсайтынын айтады.

Балалар, қалай ойлайсыңдар, тіктөртбұрышты қандай пішінге айналдыруға болады? -Тіктөртбұрыштың бұрыштарын қиып алса, ол сопақшаға ұқсап кетеді. Балалар тәрбиешімен бірге тіктөртбұрышты сопақшаға айналдырады. Балалар сопақшаны зерттейді, оны қолымен ұстап, бұрыштары жоқ екенін айтады.Тәрбиеші сопақшаны көрсетеді.

Торғайдың тапсырмасы: «Қай пішінге ұқсайды?» Балалар ағашта отырған құсты кездестіреді. Балалар дөңгелекке, сопақшаға, тіктөртбұрышқа ұқсас заттарды топтастырып алады.Балалар қуанады.

Қорытынды.

Тәрбиеші балалардан жасаған іс-әрекеттерін сұрайды. Балалар тәрбиешінің сұрақтарына жауап береді.Балалар өздерінің жасаған істерін, берген көмектерін айтып береді. Балалар тәрбиешінің сұрақтарына жауап береді.

Торғай аюдың үйін көрсетеді. Аю шығып, балаларға алғысын білдіреді.