?дептен озбайы?!

Сабақ мақсаты:

оқушыларды қоғамдық ортада өзін - өзі ұстай білуге, ізеттілікке, мәдениеттілікке, үлкенді сыйлауға, кішіге үлгі бола білуге, жаман әдеттерден аулақ болуға тәрбиелеу.

Міндеттері:

• Оқушыларға әдеп,әдеп сақтау туралы түсініктерін кеңейту;

• Оқушылардың этикалық қарым-қатынастарын дамытуға ықпал ету;

• Оқушыларды ізетті,ілтипатты,сыпайы болуға тәрбиелеу;

Көрнекіліктер:Интер-ті тақта,түрлі-түсті парақтар, түрлі-түсті пламастерлер,стикерлер

Сабақ барысы:

Ұйымдастыру кезеңi.

5 «Т»еске түсіріп тәртіпке шақырып сабаққа қажетті құрал-жабдықтарын түгендеу

Жағымды күйге ену сәті.”Нұрға бөлену”

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

***

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

1. Үй тапсырмасын тексеру.

Үй тапсырмасына 38 беттегі №10 тақырыптағы “Тістелген алма” әңгімесін оқып,өз түсінігі

бойынша толықтырылып келу берілген

Мәтін бойынша пікір алмасу сұрақтары:

1. Жігіттің қылығын қалай бағалайсыңдар?

2. Бақ иесінің жігітті ұнату себебі неде?

3. Жігіт пен бақ иесінің қызының қандай ортақ қасиеттері бар?

Әдептілік,ар,ұят
Адамдықтың белгісі
Әдепсіз өскен адамнан,
Тәртіппен өскен тал жақсы,-
дегендей, әдепті болу деген сөздің мағынасы өте кең. Олай дейтініміз, адамның әрбір іс - қимылы, жүріс - тұрысы, сөйлеу мәнері, өзін - өзі ұстай білуі оның әдептілігінен, мәдениеттілігінен хабар беріп тұрады. Енді қазір мен сендердің осы әдептілік жайлы ойларыңды тыңдағым келіп тұр.
1. Әдептілік деген сөздің баламаларын табыңдаршы.
2. Әдепті адам, әдепті бала, әдепті қыз. Оларды қалай тануғаболады?
3.Әдептілікті бізге кім үйретеді?

1. Дәйексөз.

Әдептің басы-байқап сөйлеу

Ахмет Игүнеки

Дәйексөзді әуелі ұл балалар,сосын қыз балалар қайталап айтады. Сосын барлығы хормен айтады.

1. Әңгiмелеу (сұхбат)

Әдепті сөз

Ә.Табылдиев

Асан атам “Әдептілік сөзден білінеді”,Әділет ағаңа ұқсап,әдепті сөзді үйреніп ал,балам,деп маған өсиет айтады.Ағатайым институтта оқып жүр.Ол жақында каникулға келді.Мен оның әрбір ізетті,инабатты іс-қимылына назар аударып,әдепті сөздерін ұғып,жадымда сақтап,өзім де әдепті сөздерді қолдана бастадым.

Әділет ағатайым келем деген уақытынан кешігіп келді.Ол танадай көздерінен нұр шаша күлімдеп,атамды аймалай құшып амандасты:

• Кешіріңіз,ата,кешігіп келдім...

• Айыбы жоқ,балам,”Жолаушының жолы біледі” деген.

• Ғафу етіңіз,сізге сыйлайтын сый-сияпатым да көңілдегідей емес.

• Оқасы жоқ,ботам!”Ізетке найза бойламайды” деген.Маған инабатың мен ілтипатың бәрінен де қымбат.

• Қош келдіңіз!Қуаныштымын,-дедім мен.

Ағатайым бетімнен сүйіп:

• Атамның тілін алып жүрсің бе?-деді.

• Маған сеніңіз,- дедім.

• Атасының жанашыр,қамқоршысы,күні гой бұл жарығым!-деп,атам мені мақтай бастағанда,асыра мақтауды жөнсіз көріп,іштей қысылдым.Кейбір еркелігім есіме түсті.

Ағатайым шешеммен,әкеммен,аталарыммен кездескенде қандай әдепті сөздер айтар екен деп,қасынан қалмай жүрмін.

• Балам,шкафтағы кітаптарды сәндеп,реттеп қой,-деді көкем.

• Жарайды,-деді Әділет ағайым.

• Әділжан,мына жуылған киімдерді өтектеші,-деді апам.

• Сізге көмектесуге әзірмін,апа,-деді ол.

• Мына ініңе әдептілік,имандылық,инабаттылық дегеннің не екенін үйрет балам,-деді атам.

• Мақұл,ата,”Кішіден ізет,үлкеннен парасат” деуші едіңіз ғой...

Мен ағатайымның әдепті сөздерін өзімнің өнегелі сөздерді жазып жүрген дәптеріме жаза бастадым.Әдепті сөздерді мен осылай үйрендім.

1. Шығармашылық жұмыс, топтық жұмыс.

1 топ
“Жалғастыр” ойыны
- Үлкендердің алдынан...... (кесіп өтуге болмайды).
- Кішкене баланы................(жылатуға болмайды).
- Құстарды...........................(атуға болмайды).
- Қыз баланы........................(ренжітуге болмайды).
- Сабақтан.............................(кешігуге болмайды.)
- Сыныпта.............................(айғайлауға болмайды).

2 топ
«Не істеу керек?»
- Үлкен кісіні.......................(сыйлау керек)
- Үлкеннің тілін...................(алу керек..)
- Үлкендерге..........................(сәлем беру керек.)
- Кішілерге..............................(қамқор болу керек.)
- Оқу құралдарын.................. (күтіп ұстау керек.)
- Тәртіпті -----------------(болу керек)

1. Топпен ән айту.

Келші,келші балашым

Сөзі Қ.Ыдырысовтікі

Әні Е.Хасанғалиевтікі

Айым болып тудың ба?

Күнім болып тудың ба?

Ата жолын қудың ба?

Әке жолын қудың ба?

Бұл дүниеге келген соң,

Сұрауы бар судың да.

Айдарыңнан айналдым,

Маңдайыңнан айналдым.

Торсық шеке,тоқ шеке

Бақ болар деп ойладым.

Ашық жанар көңілің,

Ақ болар деп ойладым.

Қуанышым-арай жүз,

Сөйлесерміз талай біз.

Бар ағайын жиналып,

Мәз боп саған қараймыз.

Сендей бала ешкімде,

Болмаған деп санаймыз.

Жалғыз дара-өзіңсің,

Атасының көзісің,

Әжесінің сөзісің

Мен барымды аяман,

Ботақаным сен үшін.

1. Үй тапсырмасы.

Үй тапсырмасына: №10-11 сабақтың 40 бетіндегі Ы.Алтынсариннің “Әдеп”,М.Мақатаевтің “Көшеде” өлеңін оқып келу.

Дәптермен жұмыстан:Адамның жақсы қасиеттерінің тізбегін жасаңдар.

1. Сабақтың қорытынды сәті

Сабақ соңында балалар бір-бірлеріне әдептілік туралы әдемі тілектерін айтады:

Мысалы: -Ұқыпты бол!

-Батыл бол!

-Кішіпейіл бол!.......

Сабақтың қорытынды сәтінде баяу әуен қойылып,сабақ қорытындыланады.

Сыйластықты іздеген

Әдеп сақтар ізгі өрен.

Сыпайылық белгісі –

Үлкендерге“Сіз”деген,дей отырып бүгінгі сабағымызды аяқтаймыз.