«Мәңгілік Ел, бұл – Жалпыға Ортақ еңбек қоғамы» атты тақырыбында топтық жұмыс

Тақырыбы: «Мәңгілік Ел, бұл – Жалпыға Ортақ еңбек қоғамы»

Күні: 19 қазан, 2017 жыл

Өтілетін жері: № 23 кабинеті

Мақсаты:

1. Еңбек арқылы барлық жетістікке жетуге болатындығын түсіндіру.  

2. Адал  еңбекке баулу , кәсіптік білім беру.

3. Адам еңбегін бағалай білуге, еңбек адамдарын сыйлай білуге тәрбиелеу.

Түрі: топтық жұмыс

Барысы:

І.  Ұйымдастыру.

Амандасу.

Қарым- қатынас амандасудан басталады. Ойын интерактивті тақта арқылы жүргізіледі. Қатысушылар дөңгеленіп тұрады. Барлығы тақтаға қарайды. Егер тақтада күлкі бейнеленсе, онда бір- бірімізге күлімсірей қараймыз, қол бейнеленсе- қолымызды қысып амандасамыз, күн бейнеленсе - жақсы ықыласпен сәлемдесеміз, жүрек бейнеленсе – құшақтасамыз.

ІІ. Топқа бөлу (кәмпиттің 2 түсі арқылы топқа бөліну)

Кіріспе сөз

Итальяндық ғалым, суретші Леонардо да Винчидің «Көп еңбек еткенге бақыт басын иеді» деген екен. Еңбектің пайдасы – тәрбиелейді, жігерлендіреді, күш береді, қуантады, бақытты етеді, өмір сүруге үйретеді, үнемшіл болуға үйретеді, ширатады, шынықтырады. (слайдқа шығару)

Адамның адам болуында еңбек шешуші роль атқарған.  Адамзат еңбекті, еңбектің құралдарын жетілдіре отырып, өзі де жетіліп кемелдене берген. Сондықтан қоғамның даму тарихын еңбек пен еңбек құралдарының өзгеру, жетілу тарихы деуге де болады. Тіршілік жағдайының қиындауы еңбекті күрделендірді. Еңбектің арқасында табиғат заттарын еңбек құралы етіп, отты сөндірмей пайдаланды, топтасып аң аулады, бір-біріне көмектесті.Ф. Энгельс айтқандай «Адамды адам еткен- еңбек»

Еңбектену  тек адамға ғана тән деген пікірмен келіспеймін. Жануарлар да дамыл таппай еңбектенеді ғой. Жануарлар қалай еңбектенеді екен? Алдымен соған мысал келтірсеңші, сонда ойың дәлел болар еді ғой. Сен «Құмырсқа елінде» деген әңгімені оқыған шығарсың. Құмырсқа илеуінің ішінде қаншама «бөлмелер» бар. Әр бөлмені пайдалану ретіне қарай «аналық құмырсқа бөлмесі», «балалар бөлмесі», «азық қоймасы»  т.б. деп атауға болады. Сондай-ақ бал арасының қалай ұя салатынын айтсақ та жетпей ме?

Мысалы, жануарлар да еңбектенеді екен. Бірақ қанша еңбектенгенмен адам еңбегінің олардан зор айырмасы бар ғой.

Қандай айырмасы бар?  Адам еңбегі оймен, санамен, ақылмен істеледі. Табиғат заттарын өңдеп, өзіне қажет, табиғатта кездеспейтін бұйымдар жасайды. Адамнан басқа қандай жануар арнай шам жасап қараңғыны жарық етеді? Адамның еңбегі- саналы еңбек, оған  мысал келтіріп айтуға болады. Демек, адам табиғатта кездеспейтін алуан түрлі күрделі заттарды, бұйымдарды ақылмен ойлап жасайды екен. Дегенмен оны алғашқыда табиғаттан көріп үйреніпті.  Адам табиғаттан үйреніп  кейбір заттарды ойлап тапқан.

Топтық жұмыс

1 тапсырма: Нағыз еңбек неден басталады?  Дегенге ойларыңызды топтастырыңыздар (кластер жасау, қорғау)

Сергіту сәті (видеоматериал)

2 тапсырма: «Еңбек», «Мамандық» деген сөздерге өлең құрастыру және қазақ халқының әндері әуеніне салып айту.

3 тапсырма: Қай қоғамда да еңбектің маңызы ерекше. Сол үшін қоғамның басқару тізгінін ұстағандар, үкімет пен мемлекет басшылары ең алдымен елде еңбекті қалай ұйымдастыру жайын да ойластырады. Осыған орай Елбасымыз Н.Ә.Назарбаев «Қазақстанның әлеуметтік жаңғыртылуы: Жалпыға  ортақ еңбек қоғамына қарай 20 қадам» атты  бағдарламасын ұсынды. Біздің  әлеуметтік саясат  бәсекеге қабілетті және күшті  ЖАЛПЫҒА ОРТАҚ ЕҢБЕК ҚОҒАМЫН   құруға бағытталуы тиіс,-деп Елбасымыз Нұрсұлтан Әбішұлы Назарбаев айтып өткен. Соның нәтижесінде Жалпыға Ортақ Еңбек қоғамына қарай қанша қадам жасадық? Және қандай қадамдар?  Ой бөлісу (топпен жұмыс, сурет салу арқылы жеткізу)

Диана: Мемлекет басшысының «Қазақстанның әлеуметтік жаңғыртылуы: «Жалпыға ортақ еңбек қоғамына қарай 20 қадам» атты мақаласында берілген тапсырмаларды іске асыру жөнінде Шақаман жалпы орта білім беретін мектебі іс-шаралар жоспарына сәйкес мақсатты жұмыстар жүзеге асыруда. Барлық  байлық еңбекпен келеді. Ауылымызда  тек өзінің маңдай терімен  отбасын асырап отырған  ер адамдар бар. 

Біздің мектеп жоғарғы оқу орны мен колледждермен тығыз байланыста. Жыл сайын мектеп бітіруші түлектер жоғарғы оқу орнына және колледждерге оқуға түседі. Атап айтсақ, 2016-2017 оқу жылында 9 «А» сыныбынан 4 оқушы: Тұрсынбекова Айдана Семей технологиялық колледжінің «ПВМ операторы» мамандығы, Абайдуллин Бауыржан Индустриалды технологиялық колледжінің «Автокраншы» мамандығы, Тусупбаева Ерке Мұхтар Әуезов атындағы педагогикалық колледжінің «Бастауыш және ағылшын мұғалімі» мамандығы, Хасенова Қаршыға Мұхтар Әуезов атындағы педагогикалық колледжінің «Бастауыш сыныбының мұғалімі» мамандығына түсті. 10 «А» сыныбынан 2 оқушы: Бағанов Нысан Астана қаласының Құрылыс техникалық колледжінің «Ішкі санитарлық-техникалық құрылғыларды желдеткіштерді және инженерлік жүйелерді пайдалану» мамандығы, Нурганова Аружан Семей қаласының Қаржы және Экономика колледжінің «Қаржыгер» мамандығына түсті. 11 «А» сыныбынан: Мубаракова Айнагүл Шәкәрім атындағы мемлекеттік университетінің «Тасымалдауды ұйымдастыру» мамандығы, Айджанова Перизат Авиценна колледжінің «Емдеу ісі» мамандығы, Талғатова Жансая Семей қаласының Қалматаев атындағы медициналық колледжінің «Лаборант» мамандығы, Төкенов Жасұлан және Слямбаев Қизат Геодезия және картография колледжінің «Геодезия және картография» мамандығы бойынша білім алуда.

2. Мектеп түлектері жоғарғы оқу орнын бітіргеннен кейін өз мектебіне оралып, жас ұрпақтарға сапалы білім мен саналы тәрбие беруде өз үлестерін қосуда. Атап айтсам, Бейнелеу және сызу пәнінің мұғалімі Рахимова Ажар Нұрлыбековна, тәлімгер Белгибаева Нургуль Сапаргалыевна, математика пәнінің мұғалімі Айтишева Енлик Рыскалиевна, дене шынықтыру пәнінің мұғалімдері Оразбаев Думан Мубаракович пен Шакабаев Нурбек Нурланович, география пәнінің мұғалімі Рахимгалиева Гульстан Толегеновна сынды ұстаздарды мақтанышпен айта аламыз.

3. Мамандық таңдау- өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Түлектерге кәсіби бағыт беру мақсатында мектебімізде биылғы 2016-2017 оқу жылында «Түлектер кеші» ұйымдастырылды. 1973 жылдан бастап 2015 жылға дейін шығарылған түлектер бас қосып алтын ұя мектебіне мәңгілік ел кабинетін жабдықтап сыйға тартты (слайд көрсету).

Ал енді осы Мәңгілік ел кабинеті «Мәңгілік Ел, бұл – Жалпыға Ортақ Еңбек қоғамы» қадамдарын жүзеге асыруда мерекелік іс-шаралар жоғарғы деңгейде өткізіледі.

Қорытынды.

Еңбек қана бар қиындықты жеңбек. Еңбексіз бос жүру адамды моральдық  жағынан  құлдыраушылыққа,  жұрт еңбегінің  есебінен күн көруге әкеліп соғады.Еңбек етпесең не қорлыққа, не ұрлыққа барасың.Еңбек қана адамның жанын жарастыққа, ризалық сезіміне бөлеп бақытты етеді.Еңбек  етсең ешкімге тәуелді болмайсың. Атың да, атағыңды  да  шығаратын –Еңбек.

«Жас Ұлан» ұйымы жұмысын көрсету (слайд қосу)

Диана: «Даналық ағашы»

Топтық жұмыстан алған әсерлеріңізді смайликтер арқылы көрсетсеңіздер.

Рахмет! Сау Болыңыздар!