"Жолы? болсын жолаушы"

Тақырыбы: Жолың болсын жолаушы!

Мақсаты:

1.Оқушылардың жолда жүру ережесі, жол белгілерінің түрлері жайында білімдерін толықтыру.

2. Жол қауіпсіздік ережелерін есте сақтауға, орындауға баулу. Ой – өрісін дамытып, түсініктерін кеңейту.

3.Оқушыларды көшеде дұрыс жүріп- тұруға, жол ережесін сақтауға тәрбиелеу.

Сабақтың түрі: сайыс сабақ

Көрнекілігі:  Бағдаршам , жол белгілері салынған суреттер , интерактивті тақта, жол

 ережесіне арналған кітаптар.

Сабақтың барысы:

1. Ұйымдастыру бөлімі.

Мұғалім:

Жалғайтын достастырып бар елменен,

Жолдардан тұрады ғой әлем деген.

Бүгінгі бізге келген қонақтарға,

Кешіміз басталсын сәлемменен.

Армысыздар құрметті оқушылар және ұстаздар! «Жолың болсын жолаушы!» атты тәрбие сағатын бастағалы отырмыз. Жол заңы дұрыс жүріп , абай  болуды  талап етеді. Жол тәртібін  бұзба , ол  қатер  тудырады. Жолдың қалыпты қозғалысы көбінесе балалардың жол бойында қалай болса солай жүріп, доп  қуалайтыны , шаңғы  тебетіні , жүріп  бара жатқан машинаға  жабысатыны ,қалтарыстан жолға  шығып  келетін салдарынан бұзылады. Жол тәртібін бұзғандықтан  кейбіреулер машина  дөңгелегіне ілініп қаза тауып , кейбіреулері  жарақат алады . Ал кейбіреулері өмірлік  мүгедек болып қалады. Сондықтан әрбір оқушы мектепте оқылатын « Жолда жүру ережесі » тақырыбындағы сабақты мұқият тыңдап, әр сабақтан қорытынды жасап отыруға міндетті. Үлгілі, тәртіпті оқушы көшеде, жолда  жүру ережесін ,заңын бұзбайды.

 Сонымен қандай бала  жол ережесін бұзбайды ?

Балалар : Үлгілі , тәртіпті бала .

Мұғалім:  Ал енді  «Жол ережесін сақтаймыз!» атты тәрбие сағатымызды  ашық деп  жариялаймын .

ІІ. Негізгі бөлім.

Оқушылар үш топқа бөлінеді.

І топ: Қызылдар

ІІ топ: Сарылар

ІІІ топ: Жасылдар.

Сайыс төрт кезеңнен тұрады:

1 - кезең: Қызықты жұмбақтар.

2 – кезең: Жол ережесі. (Сурет бойынша әр топ ереже құрастырып айтады)

3 – кезең: Реттеуші инспектор қызметкерінің сауалы

4 – кезең: Қызықты емтихан

Мұғалім:

Сайысымызды бастамас бұрын әділ – қазылармен таныс болыңыздар:

1. ________________________________________

2. ________________________________________

3. ________________________________________

Қатысушыларымызға сәттілік тілеп, сайысымыздың 1-ші кезеңін бастаймыз.

1 - кезең: Қызықты жұмбақтар.

2 – кезең: Жол ережесі. (Сурет бойынша әр топ ереже құрастырып айтады)

Тақтаға суреттер ілінеді. Сол суреттерге байланысты өз беттеріңізбен жол тәртібіне байланысты ереже шығарасыздар.

3 – кезең: Реттеуші инспектор қызметкерінің сауалы

Ортаға Реттеуші инспекторды шақырамыз. (Бір оқушы реттеуші инспектор болып киініп шығады.)

Өздерін қалап алған ұпай бойынша  сұрақтарға жауап бересіңдер.

1. Мына белгі нені білдіреді?         (Абайла,балалар!)   5 ұпай                            

2.  Мына белгі нені білдіреді?              (қозғалысқа тиым салынады) 5 ұпай

 3.Сымға асылып,жүр асығып.       ( троллейбус) 10 ұпай

4.Көлік оқиғасына тап болған адамдар қандай телефондарға қоңырау шалады?   ( Өрт сөндіру-01, жедел жәрдем-103  МАИ-102 )   10 ұпай

5.Автобусқа қай есіктен мініп,қай есіктен түседі?( алдан түсіп,арттан мінеді)

15 ұпай

6. Жол белгілерін атқаратын қызметіне қарай неше топқа бөлінеді? (7 топқа) 

15ұпай

4-кезең: Қызықты емтихан

Бұл кезенде әр топқа тест сұрақтары беріледі сол сұрақтарға жауап беру арқылы ұпай жиналады.

 1.Жүргіншілер деген кім?

А) машина жүргізетін адамдар       

В) көшеде жаяу жүрген адамдар    

С)  белгілер

2.        Мына белгі нені білдіреді?  

А) кіруге тиым салынады       В) басты жол       С) жаяу жүргіншілер жолы

3. Көлік жүріп келе жатқанда жолаушыға жүргізушімен сөйлесуге бола ма?

А) болады          В) болмайды           С)  білмеймін

4.Жолаушылар таситын қоғамдық көлікті қай жерден күтіп,міну керек?

А) аялдамалардан          В) кез-келген жерден          С) дүкен алдарынан

5. Қала көшелерінде жаяу адамдар қандай жолмен жүруге тиіс
А) кез-келген жолмен      В) тротуармен         С) автомобиль жолдарымен

6. Қала көшелерінде велосипедпен жүруге неше жастан бастап рұқсат етіледі?

                          А) 10               В) 12           С) 14

 

7. Дөңгелек шеңбер түрінде қызыл түспен белгіленген белгілер қандай ұғымды білдіреді?

А) ескерту белгілері                 В) көрсеткіш белгілер        С) тыйым белгілері

8. Мына жол неше қозғалысты?                           

А) 4            В) 2           С)1                 

 

9. Қай түс жанғанда машиналар жүреді?

А) сары             В) жасыл                С) қызыл

Мұғалім:        

 Сайысымызды аяқтай келе әділ – қазылар алқасы шешімін шығарғанша біздің сайыскерлеріміз бүгінгі жол тәртібі туралы өз түсінгендерін сурет ақылы білдірсін.

(Әр топқа А3 формат пен түрлі – түсті бояулар беріледі.)

ІІІ.Қорытынды.                       

   Жол тәртібі кімге керек-бірге ойланып көрелік,

   Әрқайсысың  қылығына әділ баға берелік.

  Ережені жақсы білген ортаға шық жас ұлан,

 Әділқазы алқаларда келесі сөз кезегі деп сөзді әділқазыларға береміз.

  «Үздік жүргіншілерді» анықтау.

Мұғалім:

 Қай көше, қай қалаға барсаңыз да,

Қай ақыл өлшеміне салсаңыз да,

Жол жүру ережесі — заңды тәртіп

Ол ортақ үлкен, кіші, баршамызға

Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып келетін салдарынан бұзылады. Жол тәртібін бұзғандықтан кейбіреулер машина дөңгелегіне ілініп қаза тауып, кейбіреулері жарақат алады. Ал кейбіреулері өмірлік мүгедек болып қалады. Сондықтан әрбір оқушы мектепте оқылатын «Жолда жүру ережесі» тақырыбындағы сабақты мұқият тыңдап, әр сабақтан қорытынды жасап отыруға міндетті. Үлгілі, тәртіпті оқушы көшеде, жолда жүру ережесін, заңын бұзбайды.

Міне, балалар, біз сендермен жолда қалай жүру керек екенін білеміз.

Жол ережесін әрқашан есте сақтау керек.

Жол ережесін жақсы білсек өзімізді жол апатынан сақтаймыз.

Ал енді осы ережелерді әрқашан орындап, аман болайық!

Пайдаланылған әдебиеттер

1. С.Рыспаев. «Жолда жүру ережелері».2010ж.

2. Тәрбие сағаты №5 2014ж.

3. Тоқта!Абайла!Жол ашық! 2006ж.

4. Ғаламтор жүйесі