Мұғалімі: Заитова Ж.К
Тақырыбы: Жол
Мақсаты: 1.Оқушыларға “Жол”, “Жолда жүру ережесі”, “Көлік түрлері” туралы түсінік беріп, білімдерін кеңейту.
2. Оқушылардың шығармашылық қабілетін, ойлары мен пікірлерін еркін айтуға үйретіп, тілдерін дамыту.
3. Оқушыларды көшеде дұрыс жүруге, жол ережесін сақтауға тәрбиелеу.
Түрі: Жаңа сабақ
Әдісі: түсіндіру,сұрақ-жауап, көрнекілік, баяндау, хабарлау.
Көрнекілігі: Интерактивті тақта, көлік түрлері.
Кезеңдері:
Өтілу барысы:
Ұйымдастыру кезеңі:
Психологиялық дайындық:
Бақылау жұмысы:
Жаңа сабақ:
Сұрақ-жауап: «Жолда жүру ережесін білесің бе?»
Оқулықпен жұмыс:
Шығармашылық жұмыс:
Сергіту сәті:
Дәптермен жұмыс:
Бекіту:
Үй тапсырмасын беру:
Бағалау:
Қорытынды:
-Сәлеметсіңдер ме балалар?
-Оқушылар сабағымызды бастамас бұрын бәріміз мына өлең шумақтарын бірге айтайық.
Арайлап таң атты,
Алтын шуақ таратты.
Жарқырайды қаламыз,
Жайнай түссін даламыз.
Қайырлы күн Жер Ана!
Қайырлы күн баршана!
-Балалар, қазір жылдың қай мезгілі?
-Бүгін ауа-райы қандай?
-Неше градус жылы деп ойлайсыңдар?
-Қане, дәптерімізге жазып қояйық.
-Оқушылар бүгінгі жаңа сабағымыздың тақырыбын ашу үшін мына ребусты шешіп алайық. Ребустың жауабы біздің бүгінгі сабағымыздың тақырыбы.
(ребус шешіледі, жауабы- «ЖОЛ»)
-Сонымен балалар бүгінгі біздің сабағымыздың тақырыбы-Жол.
-Жол дегеніміз – қозғалыс үшін қолданылатын жер жолағы, бір мекен мен екінші мекенді қосатын аумақ.
Жолдың түрлері өте көп:
“Құс жолы”- құстардың өз ауылдарына баратын жолы.
“Жібек жолы”- ежелгі саудагерлердің Қытайдан Батысқа жүрген керуен жолы.
«Тас жол»- жеңіл машиналар мен ауыр машиналар, яғни автомабиль көліктері жүреді.
«Әуе жол»- тікұшақтардың әуеде ұшар жолы.
«Зебра жолы»- жолды кесіп өткендегі арнайы жаяу адамдар жолы.
Жол жиегі дегеніміз – жол жиегі мен тротуар аралығын бөліп тұру үшін арнайы тыс қаптал. Оны кейде бордюр деп те атайды.
Тротуар- сөзі француз тілінен аударғанда “жаяу жүргіншіге арналған жол” дегенді білдіреді. Ол адамдар жүретін жол.
Бағдаршам- адамның досы жіне жүргізушілер мен жаяу адамдардың көмекшісі. Ол
кімге жүре беруге, ал кімге орында тұруға бағыт береді.
Қызыл түс- Мұқият бол! –Қозғалысқа тиым салынады.
Сары түс- Абай бол! Дайындал! Көкшені өтуге рұқсат беремін!-Келесі белгіні күт.
Жасыл түс- Жол бос! Ашық! Жүріңіз!-Көшені өтуге болады, дегенді білдіреді.
- Оқушыларға пысықтау сұрақтары:
1.Үйден мектепке дейін қандай
жолмен келесіңдер?
2. Жолда жүру ережесін қалай
сақтайсыңдар?
3. Жол белгілері не үшін керек,
олардың қайсысын сен
көшелерде кездестірдің?
-Оқулықтағы «Жол » мәтінін алдымен мен мәнерлеп, түсінікті қылып оқып беремін. Содан кейін сендер де дауыстап, мәнерлеп оқисыңдар.
Жол.
Қалада адам жүретін жол мен машина жүретін жол екі бөлек. Ауылда олай емес. Ауылдық жердегі жолда көліктің барлық түрі де жүреді.
Қаладағы көлік жүретін жолдар кең болады. Оны “көше” дейді. Көшелер бірін-бірі қиып өтеді.Оны “көше қиылысы”дейді.
Көше қиылысында бағдаршам тұрады,Адамдар көшеден өткенде бағдаршамның белгілеріне мұқият қарағандары жөн.
-Мәтін бойынша қорытынды сұрақтар:
-Қала мен ауылдың жолдарында қандай айырмашылық бар?
-Сендер қандай көшеде тұрасыңдар?
-Ауылдық қандай көлік түрлерін білесіңдер?
«Қандай көлік түрлерің білесіңдер?»
Көлік түрлері:
- Автомобиль көлігі
- Әуе көлігі
- Теміржол көлігі
- Су көлігі
Жұмбақтар:
1) Көше бойлап аяндайды,
Адам тасып аялдайды. (автобус)
2) Төбесінде кіндігі,
Жалғанған желіге.
Қабырғада күндігі.
Нұр шашқан төріне. (троллейбус)
3) Темір тайым
Тамақты еш жақтамайды (велосипед)
4) Әкемнің тор тайы
май жалап, су ішсе
тоқтамай жортар. (машина)
Қызыл түс-отыру,
Сары түс-орында тұру.
Жасыл түс-жүру.
(Сергіту сәтін оқушылар бағдаршамның бөліктеріне қарай отырып жасайды.)
-Дәптерлеріңе «Екі жақты қозғалыс белгісінің» суретін салады.
Сабақты «Зебра құрастыру» ойыны арқылы бекіту. Қорытынды сұрақтар:
1.Жолдың қандай түрлері бар?
2.“Тротуар” дегенміз қандай жол?
3.Қандай ескерту белгілерін білесіңдер?
4.“Бағдаршамның” қызметі қандай?
5.Көліктің қандай түрлері бар?
6. “Жол”, “Бағдаршам”, “Көлік түрлеріне” байланысты қандай өлең шумақтарын немесе жұмбақ білесіңдер?
-“Жол ”мәтінін оқып, мазмұнын айту.
- Сурет салу “Менің көлігім”
-Сабаққа жақсы қатынасқан оқушылардың барлығын бағалау.
-Оқушылар, осымен бүгінгі біздің сабағымыз аяқталды.
-Сау болыңдар!
