Жақсылық жасай білейік

Сабақтың тақырыбы: Жақсылық жасай білейік

Оқыту мен тәрбиелеудің міндеттері:

* Жақсылық жасаудың адами қарым-қатынастағы мәнділігін түсіндіру;

* Жақсы істер жасай білу іскерліктерін дамыту;

* Қайырымды,қамқор болуға тәрбиелеу.

Мақсаты: Оқушылардың «қайырымдылық», «қамқорлық» , «жақсылық» құндылықтары туралы түсініктерін кеңейту.

Көрнекі құралдар: оқулық,дәптер.

Шаттық шеңбері Оқушылыр шеңбер құрып тұрады,бір-бірімен сәлемдеседі.

-Сәлеметсіңдер ме,балалар!Осы шеңбер аясында А.Ақыпбековтың «Өзіңді тану»өлеңін бірлесе қайталайық.

Өзіңді тану.

Жақсы болу- өзіңнен, «Мен қандаймын?» деп ойла.

Жаман болу-өзіңнен. Өзіңді өзің қолыңа ал,

Өзіңді өзің ая да, Өзіңсің-ақыл айнасы.

Өзің үйрен,өзіңнен. Тиеді саған мәні бар

Жақсылық көрсең біреуден, «Өзіңді тану»пайдасы.

Мәтінмен жұмыс Жақсылықтың мәнін ашып түсіндіру мақсатында әңгімелеу жүргізіледі. «Жақсылық пен жамандық»ертегісі үнтаспа арқылы тыңдатылады.

Тыныштық сәті Балалардың денесі,ойы тынықтырылады.

Тапсырма Оқушыларды жақсылық жасай білуге ынталандыру мақсатында жұмыс ұйымдастырылады.

Балалар екі топқа бөлінеді.Екі топқа екі түрлі әңгімеден үзінді беріледі.Балалар әңгіме желісі бойынша туындаған оқиғадан шығу жолдарын іздестіруі тиіс.Олар топ боп бірлесе отырып,ойланып әңгімені өз ойларымен жалғастырып айту.

Дәйексөз

-Өзі жақсы адамның айналасы барлық уақытта да жақсылыққа толы болады.Ол жақсылыққа толы ортада өзін ерекше бақытты сезінеді.Өйткені оны адамдар,айналасы жақсы көреді,сыйлайды,онымен достасқысы келеді.Осындай жетістіктерге ол өзінің жақсы істері,жақсылықтары арқылы жетті.Сондықтан халық: «Жақсының жақсылығын айт,нұры тасысын»,-дейді.Мен де сендердің жақсылықтарың,жақсы істерің туралы айтқым келеді.Сендерде өз сыныптастарыңның,достарыңның жақсылықтарын мақтан тұтасыңдар.Сол себепті шамамыз жеткенше,қолымыздан келгенінше адамдарға,айналаға жақсылық жасап жүрейік.Өйткені жасаған жақсылық зая кетпейтінін,оның шарапаты өзіңе,жақын туыстарыңа,тіпті еліңе тиетінін сендер жақсы білесіңдер.Алғысқа бөленіп,ризашылыққа кенелесіңдер.

Жаңа ақпарат Оқушыларды жаңа ақпаратпен таныстыру: «Адамдар бір-біріне қайырымдылық,мейірімділік таныту арқылы жақсылық жасайды».

Тапсырма Тапсырма бойынша оқушылар берілген сұраққа жағдаят құрастырады.

* Жақсылық жасау адамдарды қандай қуанышқа бөлейді деп ойлайсыңдар?

Дәптермен жұмыс Дәптерде берілген ертегіні өз ойларымен жалғастырып жазу.

Жүректен жүрекке Оқушылар шеңбер құрып тұрады.Мұғалім қолдан жасалған жүрекшені ұстап тұрып тілек айтып,өзінің оң жағында тұрған балаға ұсынады.Ол оқушы да жүрекшені ұстап тұрып тілек айтып,өзінің оң жағында тұрған көршісіне береді.Осылайша барлық балалар бір-біріне жақсы тілектер айтады.

Оқушылар қосылып Б.Бағайдың«Жақсылық жерде қалмайды» атты өлеңін оқиды.