Үш таңбалы сандарды жазбаша қосу және азайту

Сабақ тақырыбы: Үш таңбалы сандарды жазбаша қосу және азайту. 02.12.2016 жыл.
Сабақтың мақсаты: 1)Білімділік:үш таңбалы сандарды жазбаша қосу және азайту амалдарын алгоритм бойынша есептеу біліктіліктерін қалыптастыру. Екі амалмен шығарылатын есептердің шешу тәсілдерін,шамалармен жұмыс жасауды,үлесті табу тәсілдерін бекіту.   2) Дамытушылық:Өткенді есте сақтау, ойлау қабілеттерін арттыру, теориялық білімін, шапшаң есептеу дағдысы мен ақыл-ой ұшқырлығын дамыту; 
3) Тәрбиелік: ұқыптылыққа, тиянақтылыққа, бірлесіп жұмыс жасау арқылы ұйымшылдыққа, еңбексүйгіштікке тәрбиелеу, патриоттық сезімдерін ояту. 

Сабақтың түрі: жаңа сабақ.
Сабақтың әдісі: жағдаят тудыру, сұрақ-жауап, «қарлы кесек», «Джовани»әдісі,топтық жұмыс.
Көрнекілігі: интерактивті тақта,маркерлер, ғимарат суреті,жұлдызшалар. 
Пәнаралық байланыс:әдебиеттік оқу,еңбекке баулу.
Сабақ барысы: 1 Ұйымдастыру бөлімі. Психологиялық сәт. Қонақ келді біздерге, Салтымызды білеміз. Бәріне де ізетпен, Біздер сәлем береміз. (Келген қонақтармен амандасады)

«Қызығушылығын ояту» Балаларды сабақтың барысына сай топқа бөлу.

1.Ақылдылар. 2.Білімділер. 3.Еңбекқорлар.

-Балалар,сіздер үш топқа бөліндіңіз.Бүгінгі сабақта өздеріңіздің аттарыңызға сай жұмыс жасайды деп сенемін. Үй тапсырмасын тексеру. Балалардың дәптерлері жинап алынады.

- Қазір қай ай басталды? –Ол айда қандай мерекелер бар? Тәуелсіз ел дегенді қалай түсінеміз?

Мағынаны тану.

4-Балалар,сіздер білесіздер,2017 жылы біздің Қазақстанда «Экспо-2017»көрмесі ұйымдастырылғалы тұр. Оған Астанамызда неше түрлі ғимараттар салынып жатыр.Бүгін біз математика сабағында сол көрмеге өзіміздің үлесімізді қосып,тағы бір ғимарат тұрғызып береміз.Бізге мамандық иелері көмектеседі.Ол үшін біз көптеген тапсырмалар орындауымыз керек. Келісесіз бе? Сабаққа атсалысып отырған оқушыларға жұлдызшалар беріледі.

-Олай болса,ғимаратты салу үшін қандай мамандық иелері қажет еді? -Сәулетші,қалаушы,әрлеуші,шатыр салушы т.б. – Олай болса,ғимаратты салу үшін бірінші сәулетшінің тапсырмасын орындайық. «Қарлы кесек» әдісі қолданылып, көбейту кестесі шашыраңқы түрде сұралады.

Математикалық диктант 32*1 18:6 4*5 26*0 72:8 0:7 -Жарайды балалар, сәулетші бізге ғимараттың сызбасын сызып берді. Жаңа сабақ.

Келесі тапсырма тас қалаушыныкі» күннің жадын жазып, білімділігіміздің, ақылдылығымыздың,еңбекқорлығымыздың арқасында жаңа тақырыпты түсініп алайық.

Ол үшін жаңа тақырыпты өздеріңіз ашуларыңыз қажет.Мен сіздерге сөздер таратамын,сіздер сол сөздерді оқып, сөйлем құрап айтуларың қажет.Сіздер содан дұрыс сөздерді орналастырып,сөйлем құрасаңыз, тақырып шығады.

«Үш таңбалы сандарды жазбаша қосу және азайту»

Электронды оқулық қосылып,балалар өздері тыңдап алады. (Сөйтіп,тас қалаушының тапсырмасы орындалып,жұмысы алға жылжыды)

-Ендігі кезек құрылысшы.Оның тапсырмасы оқулықтағы №4 орындап,алгоритм бойынша айтып беру. (Орындатып, тақтаға балаларды шығару)

1-топ. 2-топ. 3-топ.

152+435=587 783-251=532 579-327=252

262+624=886 694-373=321 421+338=759

128+721=849 373-261=112 785-462=323

-Келесі тапсырманы әрлеуші береді.Балалар,жұмыс жасағанда ең басты адамдар қандай болу керек? (татулықта,бірлікте)

-Олай болса,барлық топ бірігіп әрлеушінің тапсырмасын орындап берейік. №5.

Барлығы-672 теледидар Бірінші күні- 40 теледидар Екінші күні-? 3 есе артық Шешуі: 40*3=120 (672-40)-120=512 Қалды-? Жауабы: Қалды-512 теледидар.

Сергіту сәті. «Апам үшін»әніне би қимылдарын көрсету.

-Балалар,ғимарат салушы мамандар кішкене демалып алсын,біздер,оған дейін ауызша тапсырмалар орындап жіберейік.

Ауызша тапсырмалар. Логикалық тапсырмалар.

1.Мотоцикл жүргізушісі қаладан ауылға келе жатқанда жолдан өзіне қарсы келе жатқан 3 жеңіл машина және бір камазды кездестірді. Ауылға неше көлік бара жатыр? (1)

2. Құралай тақтаға екі үшбұрыш, тік бұрыш, шеңбер және сопақша салды. Құралай тақтаға қанша төртбұрыш салды?(0)

3.1 сағ 15 мин неше минут? 4. 1 дм 2 см неше см?

5. 82дм неше м неше см? 6. 30см неше дм?

-Жақсы,енді ғимаратымыз бітуге жақындап келеді.Соңғы тапсырманы шатыр салушы беріп отыр.

Топпен жұмыс. №4 а), №5 1-топ.№4. Р= 6см+6см+4см+4см=20см S= 6см*4см=24см квадрат. 2-топ.№5.Суретін салады және салыстырады.

3-топ. Үлестің жоқ сандарын тауып, қалай тапқанын түсіндіреді. (әр топ тақтаға шығып қорғайды)

-Сонымен,балалар,бүгін біз мамандардың тапсырмасын жақсы орындап, 2017 жылы болатын көрмеге мынадай керемет ғимарат салып шықтық.

-Енді осы ғимаратқа тамсанып отырып,көрмеміз жақсы өтсін деп, №2 есепті шығарайық.

Кері байланыс.Балалар,өздерінің сабақ туралы пікірлерін орналастырады.

-Сабақ ұнады. Қызықты болды. Түсініксіз болды.

Бағалау. Жұлдызшаларын санау арқылы бағалау.

Үйге тапсырма. Үш таңбалы сандарды жазбаша қосу және азайту алгоритмін жаттау.

№6,№7. Көбейту кестесін жаттау.